العروسه بتكون بنت خالي
بقى يا حلوه نتحاسب بقى
اهدى يا لا وخليك مكانك احسن والله
هتعملي ايه يعنى تعاليلى بقى
قالها بعصبيه وبيحاول يمد ايده يمسكني
جريت وهو فضل يجري ورايا
اقفى بقى فرهدتينى
لا يعنى لاء مش مستغنية عن عمرى
هنتكلم بهدوء ذى اى أثنين كبار وواعين
قالها بمهادنه وخبث
هبلة انا صح يابنى انا إلى عملت المقلب ده فيك قبل كده وضربتك قولتها بضحك لكن صړخت لما لقيته قرب منى اوى وجريت ومسكت الفاظة وسيلة للدفاع عن نفسى
بتستخبى ورا مزهرية يا ست مسك وبرد هجيبك حتى لو مستخبيه تحت الأرض قالها وبيقرب أكثر نطيت على الكرسي وطلعت علي الطربيزة
مش عارفه الي عصبنى سي ذفت بتاعك ايه إلى جابه الفرح وهو يعرف أن احنا متجوزين وعندنا عيال كمان
انا إلى عرفته قولتها بسماجة
فى لحظة لقيته فوق الكرسى الى جنب الطربيزه وبيمسك ايدى
مسكتك ولا حد سمي عليكي
من غير وعى صړخت وضړبته خفيف بالمزهرية ماعرفش ليه هو ضعيف ووقع من على الكرسي وسحبنى معاه وقعت فوقه كسرت صدره ورأسه بتنزل ډم مكان الضربه
بقلم أسماء الكاشف
فتحت عينى لقيت نفسى فى حضنه وهو ماعرفش مصيره ايه بعد عنه بسرعه ولقيته مغمى عليه حاولت افوقه أكثر من مره بس ما فاقش مسكت تليفوني ورنيت على جده ينقذ حفيده لحسن الحظ كنت واخده رقمه وبعد شويه لفيت رأسه بضماض وقفت الډم ببن من القهوة
ضحكت على منظره وقولت
عاملى فيها سبع رجاله فى بعض ضحكت ورميت نفسى على السرير وانسحبت لعالم الأحلام بعد إرهاق يوم طويل
جدي ايه إلى جابك
قالها پصدمة واضحه لما شاف جده حسن واقف قدامة
انت كويس قالها بلهفه وبيحسس على وشه بقلق
كويس ياجدى ادخل
قالها بهدوء وبعد عن مرمي ايد جده ووسعله يدخل
قعدو في الصالون وحكى محمد كل حاجه علشان جده يطمن عليه
انت ليه مخبي عليها لدلوقتى لازم تحكيلها
مش وقته يا جدى هعرفها كل حاجه بس في وقتها
قالها بسرعة سمع تنهيده جده إلى وقف مكانه وقال
مش هسمحلها تبعد عنى ابدا قالها بإصرار وراقب جده بيتحرك ومشى سايبه مع صراع كبير بين قلبه وعقله
يتبع...
٨
اصحي يا مسك
لا حرامي قولتها وأنا بستعد لوضع الھجوم ناسية كل حاجه ونسيت انى اتجوزت
حرامي في عينك أنا جوزك ياهبلة قالها بسخرية وهو يضع يده علي خده مكان الضړبة
اسفة قولتها بكسوف وخوف مع ابتسامة بلهاء لما شوفت نظرته الإجرامية ليه ضم ايده كأنه هيضربني وبعدين نفخ بغيظ وقام من جنبى قبل ما يتهور ما هو أنا صراحة ذودتها معاه خليت وشه شوارع كفاية انى بهدلته امبارح يوم فرحه
بصيت عليه وهو بيخرج واتنهدت بحزن وقومت غيرت فستان الفرح
احم منكن تفتح السوستة قولتها بإحراج وببص على الأرض بكسوف عمري ما تخيلت انى اتكسف كده ضحك على شكلى وبدء يتأمل شكلى كنت جميلة حتى بعد ما مسحت الميكب
دخلت الأوضه ووقفت قدام المرايه پصرخ بهدوء
ايه إلى أنا هببته ده هيقول عليه ايه سكتله ايوه سكتله كان المفروض الطشه كف يفوقه
قولتها وسكت وغيرت لبسى لما سمعت صوت أهلى فى الشقة وهو استقبلهم
ماما
قولتها برقة استغربها وبصلى بشك ورفع حاجبه بمعنى هو انتى مسك إلى بهدلتنى امبارح وفتحت دماغي حضنت امي بهدوء وهى
انتي كويسة يا حبيبة قلب أمك
انا فل اوى يا ماما ازيك يابابا قولتها وحضنته
بخير حبيبتى طول ماانتى بخير اقعدي قالها بهدوء وهو يجلسني بينه وبين امي بينما محمد يشاهد هدوئي وخجلي بإستغراب
انت كويس يابنى ايه إلى معور دماغك كده
جاموسه نطحتني قالها بهمس
بتقول ايه يابنى
اتخبط فى الباب ياطنط يعنى مستحيل مسك إلى تكون عورتني اصلها كيوت اوى ده خاڤت عليه وربطتلى الشاش على رأسى قالها بكذب وغيظ وبيبص عليها بسخرية
حبيبي بقى لو مش هخاف عليك هخاف على مين يعنى بصلي برفعة حاجب وسكت
ربنا يخليكم لبعض قالتها ماما بدعوة صادقة
قدمت عصير وحلويات وروحو وسابوني لوحدي مع عمنا الغول
رن الجرس ثاني فتحه محمد وانا واقفه بعيد اشوف مين إلى جاي ثاني
استاذ أسامة اتفضل قالها بترحيب ويمد ايده ليسلم وأسامة أيضا مد يده كترحيب
وانا واقفه فى صدمة
مديري Oh my goad
٩
شديت أسامة من ايده وأنا بتنفس بسرعة من جري الاهبل وبصولي بدهشة
استاذ أسامة ايه الى جابك قولتها بقلة ذوق
ليبتسم بخبث وهو يسمع محمد
ايه قلة الذوق دى يا مسك قالها ليه بنهر وبيبص عليه بغيظ
قصدى ليه تعبت نفسك وجايب هدايا قولتها بتوتر وبظبط من منظرى قدامهم وعينى على كيس الهدايا فى
ايده
حاجه بسيطة مش هتدخلينى ولا ايه
محمد بصلي بعصبية ووسعت بإرتباك
طبعا اتفضل قولتها وببص ليه بتحذير يتكلم عن موضوع القضية دلوقتى والمهمه إلى وافقت انفذها عينيه لمعت بمكر
مسك دايما كده يااستاذ محمد متسرعة بس طيبة قالها بهدوء بعد ما قعد على كرسي فى الصالون وانا كالعاده قعد قريب منه وببعت تنبيهات ليه مش عايزه محمد يعرف من حد غيري
مش هتقدمي حاجه يا حبيبتى قالها محمد بهدوء وبيبص عليه بعينيه إلى شدتنى كالعاده وخصوصا كلمة حبيبتى منه ليها طعم ثاني فوقت على صوته
هتلاقى العصير في الثلاجة حبيبتى هتعرفى لوحدك ولا أجى اساعدك
ياريت تيجى معايا قولتها بسرعة ودلع علشان مايقعدوش لوحدهم من غيري هو أنا هبلة يعني ضحك أسامة
ربنا يسعدكم هى دايما كده ملبوخة حتى فى الشغل الله يعينك يااستاذ محمد
محمد بس احنا بقينا اصحاب خلاص
اكيد يا محمد
ببص عليهم بغيظ العلاقة بينهم زادت استأذنا ودخلنا المطبخ
ذقيته بعصبية على الثلاجة وراه وأنا واقفه قدامه
انت عرفت أسامة ازاى ها رد عليه وايه إلى عزمة وجابة بيتنا قولتها بعصبية وخاېفة إلى حسيته يكون صح ويكون بينهم علاقة شغل ويكون محمد عارف موضوع عيلة الدمنهورى
بقلم أسماء الكاشف
انتى مهتمية ليه بالموضوع ده
قربت منه ومسكت قميصه بغيظ وهو وراه الثلاجة وأنا قدامه مباشرة
مش كل سؤال ترد عليه بسؤال منكن افهم ايه إلى بيحصل من ورايا
نفسى زاد مع عصبيتى وهو واقف بكل برود وبيضحك عند النقطة دى اتعصبت أكثر..
بارد
بصو بقى كنت عايزكم فى موضوع مهم
قلبى وقع في رجلي وبصيتله بتحذير ومحمد بص عليه بتركيز
طبعا تسمعو عن عيلة الدمنهورى المعروفة انها بتاجر فى الآثار فأنا محتاج خدمة منكم انتم الإثنين
اتفضل طبعا احنا فى الخدمة طالما قضية مهمه ذى دى وتفيد البلد احنا نقدم إلى نقدر عليه
قالها بجدية
جدع اووى وابن بلد كنت عارف انك راجل بيحب وطنه المهم عايزكم تدخلو وسط العيلة دى على أنكم زوجين أجانب يعنى اجنبي ومراته المصرية علشان شكلك مش اجنبى يا مسك وهتفضحينا قالها بسخرية غاظتنى بس فرحت لانه مابينش انى اعرف اى حاجة عن الاتفاق
بقلم أسماء الكاشف
جاين وبتدورو على آثار تهربوها لبلدكم
بدء يحكى طريقة الدخول وكلام كثير صدعني وانا من الأساس ما ركزتش وكنت سرحانة في ابو عيون زرق إلى بدء يشدني ليه كل يوم أكثر من إلى قبله
عايزه بوسه يا حلوه قالها بسخرية وانتبهت على انى سرحانه وببص علي شفايفه وماحستش ان أسامة
