انا اسف يا دنيا انا مش هقدر اكمل معاك عقلي رافد
كنت عاوزاك فى موضوع مهم اوى
محمد خير يا قلبى
دنيا بصراحة كده انا بفكر اننا نبيع البيت ده ايه رأيك !
محمد بص لملك اللى حاولوا يداروا فرحتهم وحاول يكمل بجدية ايه اللى بتقوليه ده يا دنيا بيت ايه اللى نبيعه! انتى ناسية ان دى الحاجة الوحيدة اللى باقية من ريحة بابا وماما الله يرحمهم
دنيا بتنهيدة لا مش ناسية بس اللى عارفاه كويس ان لو قعدت هنا هتعب نفسيا لو انت عاوز البيت ميتبعش انا موافقة
محمد بسرعة لا انا اهم حاجة عندى دلوقتى راحتك انتى يا حبيبتى
دنيا تمام شوف سمسار او مشترى كويس للبيت وخد حقك واعطينى حقى بما يرضى الله عن اذنكم هدخل اريح شويه
ملك بغمزة تسلم دماغك يا حمودى
محمد تلميذك يا قلب حمودك
تجرى الايام بسرعة ويعدى الاربعين ع ۏفاة نجاة ويأتى المشترى عشان يشوف البيت وكان شاب مهندس يدعى قاسم المنشاوى
قاسم يا ترى جاهز انك تبيع البيت دلوقتى يا استاذ محمد ولا فيه مشكلة!
قاسم تمام ياريت بسرعة
دخل محمد ونده لدنيا اللى لبست دريس اسود وطرحة زيتى وخرجت اتفجأت
بقاسم بيبص ليها جامد معقول انتى!
دنيا بتفاجئ حضرتك تعرفنى!
قاسم بسرعة ها لا ابدا انا بس افتكرتك حد تانى انا اسف
دنيا تمام حصل خير
مسكت دنيا العقود وقرأتها بتركيز وبعدها مسكت القلم ومضت وكذلك محمد اخرج قاسم شنطة فيها الفلوس وعطاها ليهم وخرج
فى الاسفل نادر ايه يا ابنى اللى هببته ده انت تعرفها !
قاسم فاكر من شهر تقريبا او اكتر لما كنا فى الكافيه وكانت فيه بنت بتهزق خطيبها ووقتها انت قولت بصوت عالى دى بنت راجل وخسارة فيه
نادر بتذكر ايوة فاكر يا ابن الذين ده انت ذاكرتك فلاذية عرفت ازاى
قاسم انا بقالى شهر مراقبها يا نادر وفعلا البنت طالعة من عينى بجد وبصراحة بقا انا معجب بيه
نادر باستغراب قاسم ده جواز مش سلق بيض وبعدين انت متعرفهاش اصلا
قاسم عيب عليك معقول انا هقول انى معجب بواحدة وعاوز اتجوزها ومكنش عارف تاريخها من يوم ولادتها لحد الان
نادر ايوة بقا هو ده قاسم اللى انا اعرفه بس بجد انا مبقتش فاهمك خالص حاسك غامض
قاسم بضحك مش مهم بكرة تفهم كل حاجة يلا بقا عشان ورانا شغل كتير
عند دنيا اللى كانت باصة لشنطة الفلوس وعيونها مدمعة بصت لمحمد
اللى كان فرحان وقالها بصى بقا يا دودا طبعا انتى عارفة ان للذكر مثل حظ الانثيين ادى نصيبك وده نصيبى ربنا يباركلك فيه
محمد طبعا يا روحى وانا عمرى ما هسيبك ابدا بصى قومى خدى الفلوس عينيها ونامى شويه شكلك تعبانة
دخلت دنيا وهى تعبانة فعلا واستسلمت للنوم ... بعد حوالى اربع ساعات صحيت دنيا خرجت لكن مكنش فيه صوت ندهت كتير لكن محدش بيرد دخلت ع الغرف وملقتش اخوها ولا ولاده ولا مراته ...دخلت بسرعة ع اوضتها وملقتش فيها شنطة الفلوس
قعدت ع السرير ومسكت راسها بتعب وفجأة لقت فونها بيرن
دنيا الو اهلا يا قاسم بيه
قاسم اهلا يا انسة دنيا انا اتصلت عشان اطمن عليكى يا ترى اللى قولتى عليه حصل!
دنيا بابتسامة حصل طبعا
قاسم بضحك مش متخيل ابدا شكل اخوكى ومراته لما يعرفوا ان شنطة الفلوس بتاعتك اصلا مزورة حقيقى الله ينور دماغ شغالة مش بتنام
F B
بعد ما دنيا دخلت اوضتها لما سمعت محمد ومراته عاوزين يبيعوا البيت دخلت ع النت وبالتحديد اوليكس واكتشفت ان محمد عارض البيت للبيع من فترة وشافت قاسم عامل كومنت ليه ع البوست وان المفروض قاسم هيجى يعاين البيت عشان كده دخلت دنيا كلمته وطلبت رقمه تكلمه فون وافق قاسم واتكلموا
دنيا انا بتصل بخصوص البيت اللى ع اوليكس
قاسم ايوة انا كلمت صاحب البيت واتفقت معاه تقريبا ع كل حاجة اقدر اعرف انتى مين
دنيا انا اخت محمد ووريثة معاه بالبيت
قاسم اه تمام طيب فيه مشاكل او اى حاجة تعوق البيع
دنيا لا خالص مفيش اى حاجة بصراحة انا جاية لحضرتك طالبة منك خدمة صغيرة
قاسم باهتمام اكيد اتفضلى
دنيا طالبة من حضرتك بس لما تجيب الفلوس تقسمها بشنطتين الشنطة بتاعتى انا تكون فلوس مزورة والفلوس الحقيقية هعطى لحضرتك رقم حساب تحطهم فيه
قاسم باستغراب تمام بس انا اسف ممكن اعرف ايه السبب
دنيا بحزن وخنقة لان اخويا جاى طمعان فيا مش اكتر راجع عشان يبيع البيت وياخد الفلوس كلها لنفسه من غير ما يفكر فيا ولا فى مصيرى الطمع والجشع عماه وربنا ابتلاه بزوجة واثقة ان نهايته ع ايدها يا مېت يا مسجون انا مكنش ينفع اقولك كده بس حقك تعرف السبب اللى خلانى طلبت منك تحط نصيبى مزور عشان متفهمش غلط
قاسم طيب انا المفروض اجيب الفلوس ع بعضها مش متقسمة
دنيا بتفكير مش المفروض انك عارف انى وريثة معاه
قاسم ايوة
دنيا بسيطة تقوله انه مكنش ينفع تحط المبلغ ده كله بشنطة واحدة عشان كده حبيت تريحه فحطيت نصيب كل واحد لوحده
قاسم بابتسامة إن كيدهن عظيم فعلا
Back
قاسم حقيقى
انا مبهور بيكى ع العموم انا حطيت الفلوس فى البنك زى ما طلبتى
دنيا حقيقى شكرا وانا عرفت بس ممكن اسألك سؤال!
قاسم طبعا اتفضلى
دنيا هو انت تعرفنى!
قاسم بتردد ليه بتسألى!
دنيا لانك اول ما شوفتنى قولتلى انتى معقول! ةرجعت قولت انى شبه حد تعرفه بس الحقيقة انا مدخلتش دماغى حتة انى شبه حد كنت تعرفه!
قاسم تتجوزينى يا دنيا
دنيا پصدمة نعم اتجوزك ! هو انت تعرفنى
قاسم بصراحة اه
دنيا طب ازاى وامتى انا ذاكرتى قوية ومتاكدة ان مفيش موقف جمعنا ببعض ابدا
قاسم لا فيه انا شوفتك قبل كده مرة فى الكافيه بالتحديد اليوم اللى انفصلتى عن خطيبك فيه
دنيا پصدمة ياااااه ده الموضوع بقاله اكتر ٤٠ يوم تقريبا وبرضه انا معرفكش وانت متعرفنيش
قاسم انا اعرفك كويس فلو محتاجة تتعرفى عليا كويس عادى نعمل فترة خطوبة قولتى ايه
دنيا انا اسفة انا مش موافقة.. وووووووووووووووووووو
انا اسفة بس انا مش موافقة ع طلبك ده يا استاذ قاسم
قاسم بسرعة طب ليه كده بس ليه بتقفلى الباب بالشكل ده طب ادى فرصة لعلاقتنا دى
دنيا بتنهيدة انا اسفة جدا بس حقيقى انا مش مهيأة نفسيا لاى حاجة ومبقاش عندى بربع جنيه طاقة انى اټصدم او اتخدع فى حد تانى
قاسم انا مقدرش الومك ع الكلام ده وحاسس بيكى والله بس صدقينى انا مش هقولك انا غير اى حد بس ارجوكى فكرى تانى وانا مش هقولك كلام لان مفيش ابسط منه لكن الايام والمواقف هى اللى هتثبتلك الحقيقة
دنيا كلامك يحترم وفوق دماغى بس ارجوك اعطينى وقت كافى افكر واستخير ربنا
قاسم وانا هستنى مش مستعجل وعندى استعداد استناكى عمرى كله
قفلت دنيا معاه وقامت نزلت راحت ع مكان راقى تسأل ع شقة تمليك ولقت فعلا بعد يومين ونقلت العفش بتاع مامتها فيها وفى خلال الوقت ده كان قاسم بيطمن عليها من وقت للتانى لكنها رفضت تعطيه عنوانها الجديد
عند قاسم اللى كان قاعد مع نادر اللى بيتكلم معاه فى موضوع مهم لكنه مش مركز تماما....نادر انت يا ابنى
قاسم ها كنت بتقول حاجة!
نادر بقول حاجة! انا بقالى ساعة بقرألك فى بنود العقد وانت مش معايا اصلا فى ايه !
قاسم بصراحة يا نادر دنيا واخدة كل تفكيرى وشاغلة دماغى بطريقة مش طبيعية
نادر بتنهيدة قاسم انت متأكد انك فعلا بتحبها ولا مشفق عليها بس بالامانة!
قاسم مشفق عليها ايه بس انا فعلا بحبها ومتعلق بيها جدا بس هى مش عايزة تعطينى الثقة مش عارف اعمل معاها ايه بجد !
نادر طالما بتحبها اوى كده لازم تصبر عليها اى واحدة مكانها واتعرضت لظروفها دى اكيد كانت اڼهارت
قاسم وانا عشان عارف الظروف دى نفسى بجد اعوضها عنها وانسيها اى حزن شافته بحياتها
نادر طالما نيتك خير وحلال تأكد ان ربنا هيسر ليك امورك وهشوفك عريس قريب اوى يا صاحبى
قاسم يارب يارب
بعد
مرور شهر اتقربت فيه دنيا من قاسم وحست براحة اتجاهه وافقت ع خطوبة لفترة ٦ شهور عشان تعرفه اكتر وهو وافق .... وفى يوم كان قاسم واقف عند البيت بتاع دنيا القديم مع المهندس بتاعه لقى شخص داخل عليه
......... السلام عليكم لو سمحت كان فيه واحدة ساكنة هنا اسمها دنيا عبدالله متعرفش راحت فين
قاسم بشك لا معرفش انا اشتريت منهم البيت ده وبعدها معرفش عنهم حاجة خير فيه حاجة!
........... بصراحة انا اكون لطفى والد ملك مرات اخوها محمد والحقيقة ان محمد وملك عملوا حاډثة كبيرة وللاسف الاثنين اتوفوا وكمان بنتهم جودى
قاسم بحزن لا حول ولا قوة الا بالله العلي العظيم طب ايه المطلوب بالظبط يا حاج!
لطفى عاوز اوصلها لان هى وريثة محمد الوحيدة دلوقتى يا ابنى وليها حق لازم تاخده
قاسم طيب يا حاج حضرتك ممكن تسيبلى رقمك وانا لو قدرت اوصلها اكيد هعرفك
لطفى يبقى كتر الف خيرك اكتب الرقم ٠١٠ ......... عن اذنك
اتنهد قاسم وهو مش عارف هيقول الخبر ده لدنيا ازاى وهتستقبله ازاى مسك فونه ورن عليها وطلب منها انها تروحله عند بيتها القديم وصلت دنيا وقالتله خير يا قاسم فى ايه!
قاسم هو لو يعنى عرفتى ان محمد اخوكى محتاج انه.........
دنيا مقاطعة متكملش لو سمحت انا مش عايزة اعرفه تانى ولا
اعرف عنه اى حاجة ربنا
يصلح حاله بعيد عنى
قاسم دنيا انا مش قصدى كده هو بصراحة يعنى .....
دنيا باستغراب مالك يا قاسم متوتر كده ليه وحاساك بتلف وتدور
قاسم بصراحة محمد ومراته وبنته تعيشى انتى
دنيا بحزن وقلبها ۏاجعها ان....انت بتقول ايه ازاى وامتى وعرفت ازاى!
حكى ليها قاسم عن لطفى
