خليك وراها مش عايزها تضيع من قدام عينك

خليك وراها مش عايزها تضيع من قدام عنيك كل خطوة تخطيها تقولي عليها.. فاهم
فاهم ياباشا
وخلي بالك لتزوغ منك هداية بنتي مش فالحة غير في انها تطفش وتزوغ من الحراس
متقلقش ياباشا دا انا خبرة
اخر واحد قالي كدا مشي بعد ما قالها بساعة
دا خيخا ياباشا انما انا جامد اوي واعجبك
طيب ياجامد شوف شغلك.. زمانها نازلة دلوقتي
صباح الخير يابابا
صباح النور رايحة فين علي الصبح كدا!
هروح اجري شوية وبعدها هطلع اقابل اصحابي
طيب اعرفك عبده الحارس الجديد
بصتله ببرود اها.. اهلا
اهلا ياهانم
يلا
خرجوا واول ما قفلت بابا الفيلا زقته علي الحيطة وطلعت مطوة من جيبها..

اسمع.. انتي هتمشي دلوقتي معايا لكن لا تسمع لا تتكلم لا تري.. 
عبده بخضة يافندم مينفعش كدا دا شغلي و..
شكل دماغك علي قدها ياعبده ومش هننفع مع بعض هتعرف تكون زي ما قولت ولا اشوهلك وشك الجميل دا ولا تروح لبابا وتطلب تسيب الشغل بالادب وانا هوفرلك غيره
يافندم..
لعبت بالمطوة بين ايديها توء توء احنا مش هنقعد طول النهار نهاتي
وبحركة سريعة ضړبت الحيطة جنبه بالمطوة فأتنفض
همشي..همشي خالص ومش عايز من وشكم حاجة
وطلع جري من بوابة الفيلا..
برضوا طفشتيه!
هو اللي نايتي ومستحملش
يابنتي هتشليني بطلي تستخدمي غشوميتك دي معاهم وخليهم معاك انا عايز ابقي مطمن عليك
الله! انت اللي بتجبلي ناس خرعة يابابا مبيستحملش نفختي وبلاقيهم طاروا
منك لله.. هتموتيني مجلوط
كلنا مننا لله ياغال.. هسيبك بقي واروح اتغدي
اتنهد وقعد يشرب قهوته ب هم دخل عليه مدير اعماله..
مالك ياباشا اية اللي مزعلك
وهو في غيرها! هداية بنتي
برضوا طفشت الحارس!
للاسف ولا واحد بيتحمل يقعد معاها اخر واحد مكملش ربع ساعة انا زهقت
واللي يلاقيلك الحل
انجدني لو بأيدك
يونس واد ابن منطقتي كان حارس في شركة حراسات خاصة وسابهم لما حس ان شغلهم مش كله تمام مقولكش عليه ياباشا هو اللي هيجيب من الاخر مع بنت سعادتك
متأكد 
خليني اقولك لو دا طفشته هداية زي غيره يبقي مش هتلاقي حارس عدل تاني
للدرجادي واثق منه!
جرب وشوف
علي رأيك يعني جت عليه! خليه يزورني بكرة
أهلا يونس مش يونس برضوا
ايوة ياباشا
بص يايونس انا اول ما شوفتك قلبي اتشرحلك وان شاء الله راحتي علي ايدك انت جاي علشان تحرس علي هداية بنتي زي ما انت شايف انا واخد منصب حساس وليا من الحبايب ألف ومليش غير هداية اخاڤ عليها.. انت هنا قبل ما يكون شغلك تحرسها فالاول لازم تلاقي طريقة تتعامل معاها بيها هداية لدلوقتي مطفشة ولا يجي عشرين حارس اتمني متكونش الواحد والعشرين وتكمل معانا لاني حبيتك
ان شاء الله اكمل ياباشا
علي بركة الله