جوزي حرمني احضر ډفنة ابويا

اروح اطمن على بابا وانت كنت بتقول لا
مهاب 
هو يا جيجي ابوك ساكن في شارع لورا علشان خاطر كل شويه عايزه تروحي دي وبعدين ما انت عندك بنات مسؤولين منك ما ينفعش انك تسيبيهم 
وبعدها طلعت حماتي وقالت
الحما 
جرى ايه حلوه كنت فين كنت عايزاك تطلعي عشان تطلعي غدا للعرايس ما لقيتكيش
مهاب 
اهدي ياما بس عليها ده ابوها لسه مېت ولسه راجعين من العزاء واخواتها ما تعرفيش عاملين معاها ايه عالم بكحه بعيد عنك
الحما 
اه يعني ازاي تمشي من غير ما تقول ليا 
مش فاهمه انا
جيهان 
هو انتي مش سامعه يا حماتي اللي بيقولوا 

ليكي ولا اي بيقولك ابويا راح
مهاب 
بقول لك ايه يا حبيبتي ادخلي جوه يلا ريحي جسمك شويه وما لكيش دعوه باي حاجه وكمان هطلب غدا من بره مش عايزك تقفي في المطبخ النهارده
جيهان 
هدخل ابص على البنات واخش انام على طول 
وبعدها دخلت وحماتي قالت
الحما 
وانت من امتى يا اخويا الحنيه اللي نزلت على قلبك دي عمري ما شفتك كده معاها يعني
مهاب 
جرا اي يا امي هو انت عارفه البنت المعفنه دي بقى معاها كام دلوقتي 250 الف جنيه
الحما 
وهو انت فاكر يا اخويا ان هتديك منهم جنيه دي بنت معفنه صحيح زي ما انت ما بتقول 
اهدي كده علي نفسك وارجع 
راجل زي الاول
مهاب 
مينفعش يا ماما طريقه كلامك 
دي اهدي الله يخليك وعايزين ناخدها بالسياسه اخواتها كرفوها وخلاص مش عايزينها يكون ليها صلاه بيهم ثاني اصبري انتي بقي علشان 
خاطر نعرف ناخد منها اللي احنا عايزنه
الحما 
لما نشوف يا حبيبي انا طالعه عند اخوك اما اشوف كده مراته عامله ايه لازم يعرفها طبعانه من الاول
مهاب 
اهدي يا ست الكل مش من اولها كده مراته شكلها جامده وابنك شكله بېخاف منها
الحما 
علي نفسه يا حبيبي انما انا معنديش الكلام ده 
لما نشوف اخرتها يكون اي وبعدها طلعت 
وفتحت ليها اسراء مراته
اسراء 
في ايه حماتي حد بيخبط على حد بالطريقه دي برده
الحما 
في ايه انت مين اللي يتشك في ايده اللي شال المفتاح من باب الشقه انا سايبه المفتاح من بره امبارح
اسراء
انا حماتي اللي دخلت المفتاح اصل خلي مفتاح من بره ليه وبعدين هو انت ناسيه ان احنا عرايس ولا ايه
الحما 
لا يا حبيبتي ما تنسيش ان هنا بتعيله وبيت العيله ما فيش مفتاح بيتحط من جوه كل المفاتيح من بره انت سامعه ولا لا
اسراء
ايوه يا حماتي سامعه بس مش مقتنعه بكلمك ده ومش هنفذه وبعدها خرج يوسف وقال
يوسف 
صباح الخير يا امي مالك في ايه صوتك عالي على الصبح ليه كده
الام 
تعالى يا نني عين امك شوف مراتك بتقول ايه عايزه تدخل المفتاح من جوه احنا عندنا الكلام الفارغ ده برده رد عليها يا حبيبي
يوسف 
هي عندها حق يا ماما طبعا ما ينفعش المفتاح يبقى من بره كل شقه لازم تبقى مختصه بنفسها ولما تعوزي حاجه رني الجرس واكيد اسراء هتفتحلك
الحما 
من اولها يا شملول بتسمع كلامها ايه الكلام الفارغ اللي انت بتقوله ده هو احنا عندنا الكلام ده برده
يوسف 
بالله عليك يا امي انا مش عايز مشاكل معاكي من اول يوم فرحي انا شايف ان هي كلامها صح ومش شايفه عملت حاجه غلط يعني
الحما
حاطه فين يا بت حاطه السحر اللي انت عملتيه لابني فين ده انا عيالي طول عمرهم تحت طوعي ما فيش حد فيهم قال لي لا على حاجه
جه اليوم اللي انتي عملتي فيه كده منك لله
اسراء 
لو سمحت يا حماتي زي ما بتكلم معاكي باحترام لازم تتكلمي معايا باحترام ما ينفعش اسلوب كلامك ده
الحما 
عشنا وشفنا