رحت ازور اختي
إيناس
خلاص ياوائل يبقا بعد العده ماتخلص تكتب عليا ومامتك كمان اللي تيجي تطلب أيدي
وائل
نعم اكتب عليكي وامي ايه لا طبعا مش هتعرف ولا حد من البيت هيعرف خالص
إيناس
يعنى ايه ياوائل الكلام ده
وائل
يعنى هنتجوز يا إيناس
إيناس
هو انا
وائل
لا طبعا ياقلبي ده انتي الست الستات كلها بس انا بقول يعني مش عايز مشاكل لا مع امي ولا مع شيماء عارفه انها مش هتسكت وهتعملي قصة وانتي عارفه عليتها فيها ناس تقيلة في البلد
إيناس بتمثل انها بټعيط
اخص عليك ياوائل وانا اللي كنت فاكرة انك هتبقا مبسوط وتيجي جري تقولي بينا على الماذون
ياقلبي انتي ده انا عايزك دلوقتي قبل كمان شويه بس هيكون جواز بيني وبينك لفترة بس مش كبيرة يعنى
إيناس
خلاص ياوائل خليني وراك لحد ماشوف اخرتها معاك
وبعد منزلت من عند إيناس فضلت ماشية في الشارع اروح فين واجي منين مليش غير عمتي وبنتها وقولت اروحلهم وخلاص وفعلا رحلتهم
وفتحلتي هبه ولما شافتني قالت
انتي ايه اللي جابك هنا تاني هو انتي مش كنتي قاعدة مع اختك بعد جوزها ممات
مروة
معلش ياهبة اصلي مرتاحتش عند إيناس انتي عارفه اني متربية هنا في بيت عمتي ومش عارفة أعيش في مكان تاني
هبه
واحنا خلاص مش فاتحينها ملجأ اتفضلي روحي مكان ماجيتي
بتكلمي مين ياهبة وشافتني وقالت مين مروة
مروة
ايوه ياعمتي انا جيت عشان ارجع أعيش معاكم
العمة
هو انتي مش كنتي قاعدة مع اختك ولا هي مش طيقاكي
مروة بټعيط
لا ابدا انا لسه بقول لهبة اني مرتاحتش هناك انا عايزة افضل معاكم ياعمتي
العمه
ادخلي يامروة مانتي بنت المرحوم اخويا ومش هينفع اسيبك ادخلي
مروة
ربنا يخليكي ياعمتي عن اذنكم هدخل اريح في اوضتي وسبتهم ودخلت وهبه قالتلها
هبه
هو احنا مش هنخلص من البلوه دي بقا ماما انتي خلتيها تدخل هنا تاني ليه
العمه
سبيها اهي بتشتغل في البيت هنا وبتنضف وبتعمل كل حاجة
تاني يوم الصبح في بيت إيناس كانت شيماء مرات وائل بتقوله
انت رجعت امتى بالليل ياوائل انا مشوفتكس ولا حسيت بيك
وائل
منا لقيتك نايمة بقا يا شوشو قولت اسيبك براحتك ومن مقلقك
شيماء
طيب انا كنت بقول يعنى اكمنك اتاخرت اوي بالليل هو انت كنت فين اصلا
وائل مرتبك
انا اااه انا كنت مع واحد صاحبي ابوه تعب ووداه المستشفى وانا كنت معاه
شيماء
ااه طول عمرك صاحب واجب ياحبيبي
وفي الوقت ده خبطت مامته عليهم وشيماء فتحت الباب وقالت
صباح الخير ياماما اتفضلي ادخلي
صباح الخير ياولاد كنت عايزاك في كلمتين ياوائل
شيماء
طيب انا هدخل المطبخ اعملكم حاجة تشربوها
ودخلت شيماء المطبخ ولما مامته اطمنت انها مشيت قالتلة
انت كنت فين امبارح بالليل ياوائل
وائل بيبلع ريقة
وبتسالي ليه ياماما اول مره تسأليني
الام
لا ابدا اصل في حاجة كده حصلت وكنت عايزة اتأكد منها
وائل
حاجة ايه ياامي
الام
كنت واقفة على السلم بطلع الژبالة واتهأئيلي كده
وائل
هوووش وطي صوتك يا ماما
الام
اااه يمكن يابني بس بقولك ايه يا وائل خلي بالك من مراتك وحافظ عليها وسيبك من اللي في دماغك ده انت فاهمني
وائل
انا مفيش حاجة في دماغي ياماما وبحب مراتي جدا
الام
انا بس
