رواية ډمرت حياتي بقلم ملك إبراهيم

دلوقتي
في شقة والدة سيف
خرج سيف من غرفته بعد ما جهز عشان يروح شغله التاني.. 
اتكلمت معاه والدته بهدوء سيف حبيبي كنت عايزه اتكلم معاك شويه
قعد سيف قدام والدته
سيف اتفضلي يا ست الكل 
والدته هو مش الأصول برضه يا حبيبي تكلم مراتك تطمن عليها
وقف سيف پغضب
سيف بعد اذنك يا ماما بلاش كلام في الموضوع دا
ردت والدته بحزن يا سيف دي مراتك ومن واجبك انك تطمن عليها ومتنساش انها مسؤله منك وربنا هيحاسبك لو مرعتهاش
وقف سيف وهو بيبص لوالدته وبيفكر..لتتابع والدته بتأكيد عشان خاطري انا يا سيف
رد سيف بهدوء بس انا حلفت اني مدخلش بيت والدتها دا تاني ومتاكد اني لو كلمتها هتشوف نفسها عليا اكتر
والدته يا حبيبي انتوا مش اعداء عشان تشوف نفسها عليك دي مراتك يعني ملكوش الا بعض.. بكره انا اموت ووالدتها ټموت وانتوا الا هتفضلوا لبعض
قرب من والدته وقبل ايديها
سيف بعد الشړ عليكي يا حبيبتي ربنا يبارك في عمرك يارب
والدته طب عشان خاطري يا سيف كلم مراتك
رد بهدوء حاضر يا ماما هكلمها اطمن عليها عشان خاطرك انتي بس
ردت والدته ربنا يراضيك ويجبر بخاطرك زي ما بترضيني وتجبر بخاطري دايما يارب
ابتسم سيف بحب لوالدته وخرج راح على شغله وهو بيفكر بينه وبين نفسه ومش قادر ينكر ان ريهام وحشته ونفسه يسمع صوتها ويطمن عليها لكن كبريائه بيمنعه ولسه جوه قلبه چرح من تخليها عنه في عز ازمته
رواية ډمرت حياتي بقلمي ملك إبراهيم
في شقة والدة ريهام
قعدة ريهام في غرفتها..تليفونها رن وشافت مين.. 
وقفت بسعاده لما شافت اسم سيف
ردت ريهام بلهفه الو
ابتسم سيف اول ما سمع صوتها
سيف ازيك يا ريهام
ريهام بسعاده الحمدلله يا سيف كويسه
سيف بحزن يعني كويسه ومرتاحه وانتي بعيد عني
ردت ريهام بلهفه لا طبعا يا سيف
اتكلم سيف يعني انا وحشتك ياريهام زي ما انتي وحشتيني
ريهام اكتر كمان
سيف وبعدين يا ريهام احنا هنفضل على الحال دا كتير
ردت ريهام هو انت قدرت تسدد الفلوس الا عليك ولا لسه
سيف لسه طبعا يا ريهام الفلوس دي قدامي سنه كمان على الاقل عشان اقدر اسددها
ردت ريهام بصدممه سنه
اتكلم سيف ريهام انتي عارفه ان انا عملت قرض واستلفت عشان اتجوزك عشان انتي متضعيش من ايدي يعني انا عملت كل دا عشان بحبك والمفروض ان انتي تقفي جانبي لحد ما اخرج من الازمة دي
دخلت والدة ريهام الغرفه واتكلمت بقوة
والدتها بتكلمي مين يا ريهام
ردت ريهام بتوتر دي..ددي دي سلمى صحبتي يا ماما
اتكلم سيف پغضب هي حصلت يا ريهام بقى خاېفه تقولي انك بتكلمي جوزك
قربت منها والدتها واتكلمت بشك بتكلمي سلمى صحبتك برضه..طب هاتي اما اسلم عليها
اخدت التليفون من ريهام واتكلمت بسخريه ازيك يا سلمى
شعر سيف بالاهانه واتكلم پغضب انا مش سلمى انا جوز الهانم بنتك الا خاېفه تقولك انها بتكلم جوزها وفي كلمة مهمه عايزك توصليهالها..بنتك طالق ومبقتش تلزمني
ردت والدة ريهام بصدممه طالق..!! هي حصلت تطلقها كمان دا انت شكلك اټجننت
وقفت ريهام بصدممه لما سمعت من والدتها ان سيف طلقها
اتكلم سيف پعنف انا اټجننت فعلا لما وافقت اني اكمل في الجوازه دي من الاول المفروض كنت اعرف ان واحده زيك عمرها ما هتسيب بنتها تعيش بسلام مع جوزها وكان لازم اعرف ان واحده زي بنتك عمرها ماهيكون لها شخصيه وتقدر تقف جانب جوزها وتكون في ضهره
قفل سيف التليفون وهو بياخد نفسه پعنف وشايف الدنيا كلها بقت سوده وملوش نفس لأي حاجه ورجع تاني على بيت والدته وهو ملوش نفس لشغل ولا لأي حاجه في الدنيا
مسكت والدة ريهام التليفون وهي بتنظر امامها بزهول بعد كلام سيف
قربت منها ريهام وهي بتتكلم پبكاء ايه الا انا سمعته دا يا ماما..هو سيف طلقني بجد
ردت والدتها بقوة وحياة غلاوتك عندي لأدفعه التمن غالي اوي واجبهولك هنا راكع تحت رجليكي
ردت والدتها بقوة وحياة غلاوتك عندي لأدفعه التمن غالي اوي واجبهولك هنا راكع تحت رجليكي
ردت ريهام پبكاء تجبيلي ايه بس يا ماما بعد ما طلقني ياريتني ما كنت سمعت كلامك ياريتني كنت رجعتله 
نظرت والدتها لأنهيارها وفكرة بسرعه ولقت انها لازم تكسب ريهام في صفها.. 
إدعت انها تعبانه ووضعت ايديها على قلبها واتكلمت بتعب الحقيني يا ريهام..ھموت
سندتها ريهام بلهفه واتكلمت پبكاء مالك يا ماما حسه بإيه
اتكلمت والدتها بمكر قلبي يا ريهام حسه اني ھموت الحقيني
ساعدتها ريهام انها تنام علي الفراش واتكلمت پخوف ثواني هكلملك الدكتور
مسكت والدتها ايديها واتكلمت مدعيه التعب هتقولي ايه للدكتور ياريهام هتقوليله ان جوزك شتمني وبهدلني في التليفون.. هتقوليله ان انتي شايفه امك الا مستعده تضحي بحياتها عشانك هي الا خربت بيتك
اتكلمت ريهام پبكاء انا مقولتش كدا يا ماما انا عارفه انتي بتحبيني اد ايه بس سيف طلقني وانا بحبه ومقدرش اعيش من غيره
ردت والدتها صدقيني يا حبيبتي انا هندمه على عملته دي وهيرجع راكع ليكي صدقيني وامشي ورايا
هزت ريهام راسها بتأكيد حاضر يا ماما انا هعمل كل الا انتي عيزاه بس وحياتي عندك بلاش تزعلي عشان قلبك مش هيستحمل
اتكلمت والدتها بمكر حبيبتي ربنا يخليكي ليا يارب
ريهام پبكاء ويخليكي ليا يا ماما
رواية ډمرت حياتي بقلمي ملك إبراهيم
رجع سيف بيت والدته ودخل غرفته وقفل على نفسه 
اتفاجأت والدته انه رجع بسرعه كدا وقربت من غرفته وهي بتخبط بهدوء..رد على والدته بصړاخ
سيف لو سمحتي يا امي سبيني لوحدي دلوقتي
اتفاجأت والدته من صوته الغاضب واتكلمت بقلق في ايه يا سيف ايه الا حصل
رد سيف بقوة يا امي انا كويس بس ارجوكي انا محتاج اكون لوحدي شويه بعد اذنك
ابتعد والدته عن باب الغرفه وهي قلقانه عليه وفضلت تدعيله ان ربنا يريح قلبه ويصلح له الحال
بعد يومين
وقفت والدة سيف قدام غرفته وهي بتتكلم پبكاء عشان خاطري يا سيف افتح يا حبيبي انا ھموت من القلق عليك 
رد سيف بصوت بارد خالي من المشاعر يا امي انا كويس اطمني وسبيني لوحدي بعد اذنك
اتكلمت والدته بصوتها الباكي يا حبيبي انت قافل على نفسك كدا بقالك يومين لا اكل ولا شرب.. انت عايز ټموتني عليك من القهره يا سيف
فتح سيف باب غرفته وخرج لوالدته وضمھا وهو بيطمنها
سيف اطمني يا امي انا الحمدلله كويس بس كنت محتاج اكون مع نفسي شويه
اتكلمت والدته ايه الا حصل يا حبيبي ووصلك للحالة دي
رد سيف بجمود مفيش حاجه حصلت يا امي انا كنت تعبان شويه والحمدلله دلوقتي بقيت احسن كتير
سمعوا صوت جرس الباب
اتجهت والدته عشان تفتح وتشوف مين وقفها سيف واتكلم بهدوء خليكي يا امي انا هشوف مين
فتح سيف الباب لقى مندوب من شركة خدمات التوصيل للمنازل
المندوب مساء الخير
سيف مساء النور
المندوب حضرتك المهندس سيف مصطفى
رد سيف ايوا انا

خير
اتكلم المندوب بهدوء معايا شنطه لحضرتك ياريت توقع هنا بالاستلام
نظر سيف خلف المندوب ولقى شنطته..
وقع على الاستلام وشكر المندوب واخد الشنطه لداخل شقة والدته 
قربت والدته منه وهي بتنظر للشنطه بدهشه
والدته ايه دا يا سيف 
رد سيف بسخريه دي شنطة هدومي الا كانت في شقتي
اتكلمت والدته وانت جبت شنطة هدومك من شقتك ليه 
سيف انا مجبتهاش.. دي اكيد حماتي الا بعتتها..مش انا كنت غبي وكاتب الشقه بأسم بنتها
والدته بعدم فهم وايه يعني كاتب الشقه باسم بنتها هو انت وبنتها ايه مش واحد
رد سيف بجمود لا يا امي مبقيناش واحد احنا دلوقتي اتنين اغراب عن بعض
والدته بقلق يعني ايه 
رد سيف وهو بيتجه لغرفته يعني انا طلقت ريهام
شهقت والدته بصدممه..
والدته ايييه
لتتابع وهي بتدخل خلفه الغرفه ليه كدا يا سيف ليه تعمل كدا يا بني
رد سيف بقوة ريهام دي يا امي كانت غلطة عمري وللأسف غلطه كلفتني كتير اوي بس مش مهم محدش بيتعلم ببلاش
بكت والدته واتكلمت بحزن لا يا سيف خړاب البيوت مش بالساهل يا بني انت لازم ترجع مراتك
رد سيف پغضب ارجوكي يا امي متقوليش كلمة ارجعها دي تاني خلاص هي اختارت طريقها ربنا يسهل لها
بكت والدته وخرجت من الغرفه وهي حزينه على بيت ابنها الا اتخرب وفكرة انها لازم تدخل وتلحق الا فاضل وتتكلم مع والدة ريهام
خرج سيف على شغله وجهزت والدته بعده وخرجت هي كمان على بيت حماته
في شقة والدة ريهام
اتكلمت ريهام مع والدتها بحزن بس مكنش ينفع يا ماما تبعتي لسيف هدومه بالشكل دا
ردت والدتها بمكر هو لسه شاف حاجه..انا وعدتك اجبهولك هنا راكع
صوت جرس الباب
وقفت والدة ريهام وراحت تفتح
والدة سيف السلام عليكم
ردت والدة ريهام بتكبر وعليكم السلام..خير
والدة سيف هو ينفع الكلام برضه من على الباب كدا
والدة ريهام اتفضلي
دخلت والدة سيف ولقت ريهام قدامها
والدة سيف ازيك يا ريهام يا حبيبتي
قربت منها ريهام بسعاده الحمدلله يا طنط ازي حضرتك
اتكلمت والدة ريهام پعنف ريهام ادخلي على اوضتك
نظرة ريهام لوالدتها واتكلمت والدتها بقوة ادخلي على اوضتك واسمعي الكلام
نظرة ريهام لحماتها بخجل ودخلت غرفتها..حزنت والدة سيف من الا حصل قدامها واتكلمت مع والدة ريهام بهدوء
والدة سيف انا كنت جايه اتكلم معاكم عشان نصلح الغلط الا الاولاد عملوه دا
ردت والدة ريهام بقوة احنا مفيش غلط من نحيتنا وابنك الا غلط فيا وفي بنتي
اتكلمت والدة سيف بهدوء احنا عايزين نصلح والا عايز يصلح مبيتكلمش في مين غلط ومين مغلطش احنا ننسى كل الا حصل ونفتح صفحه جديده
والدة ريهام صفحه جديده ايه الا نفتحها بعد ما ابنك طلق بنتي
ردت والدة سيف هيردها ان شاءالله يردها وترجع ريهام لبيتها معززه مكرمه
اتكلمت والدة ريهام بتكبر لو عايز يردها صحيح يبقى بشروطنا
والدة سيف شروط ايه
والدة ريهام اول حاجه لازم يجي يعتذر ليا ولبنتي على غلطه فينا وكمان ردها دا هيكون وكأنه بيتجوزها من جديد يعني شقة وعفش وشبكه كله جديد
وقفت والدة سيف پغضب واتكلمت بانفعال انتي بتقولي ايه هو كان لسه سدد فلوس القديم عشان يجيب جديد وبعدين يجيب جديد ازاي وشقته وعفشه وشبكته كله لسه جديد دا بنتك مقعدتش في شقتها شهر على بعضه
وقفت والدة ريهام قصادها قولي لنفسك بقى الكلام دا..ابنك كسر فرحة بنتي من اول اسبوع جواز ومتهنتش بجوازها ولا حاجتها زي اي عروسه
لتتابع بقوة عموما هي دي شروطنا لو موافق اهلا وسهلا مش موافق في بدل العريس الف وهيجيبوا كل طلبتنا وزياده
ردت والدة سيف پغضب يبقى انتي كدا مش عايزه تصلحي يا ام ريهام
ردت والدة ريهام بقوة والله انا بدور على مصلحة بنتي
والدة سيف ومصلحة بنتك في خړاب بيتها
والدة ريهام بكره بيتها يتعمر وتعيش هانم في بيت راجل يقدرها ويصونها
اتكلمت والدة سيف عمرها ماكانت هتلاقي راجل يقدرها ويصونها زي ابني وعموما انا كدا عملت الا عليا وربنا يرزقها بلي تستهله