انا اسف بس دي مطلعتش فطريات التشخيص اثبت العكس

مش عارفه جبت الشجاعه دي منين بس حسيت إني لازم أبقى على طبيعتي عشان محدش ينخدع فيا لما يقرب مني ويبقى كل
شئ على المكشوف 
دخلت الكافيه وكالعاده مراد لسه مجاش يمكن دا طمني شوية إني مش هدخل على المواجهه علطول حاولت أهدي نفسي لحد ما يجي غيابه طال كل ثانيه كانت بتعدي كانت بتاخد معاها جزء من ثباتي قد إيه الإنتظار ممېت 
بعتله ماسدچ قولتله أنا ف الكافيه أنت فين رد عليا وقتها معلش استحمليني خمس دقايق وهتلاقيني قدامك 
تأملت الرسالة شوية وأنا ببتسم بحزن قولت ف سري أنا مستحملاك علطول بس هل أنت هتستحمل هل هتفضل قدامي دايما ولا هتختار طريق تاني وتبقى إمام لحد غيري! 
دخل الكافيه وأول ما شافني شاورلي واترسمت على وشه بسمه صغيره اتمنيت إن ابتسامته تدوم للأخر كنت
عامله زي اللي راحه تعمل اختبار القدرات وكل شوية تسأل نفسها هل متوفر عندي القدرات اللي تخليني أتقبل!!! 
سحب الكرسي وقعد قدامي وكالعاده عينه جت ع بقع البهاق والنظرة دي لوحدها كفيلة تدبحني ساعتها قولت أي اللي أنا بعمله دا لما من نظرة أتوجعت أومال لما يعرف ويتكلم معايا هعمل أي!!!
قطع الصمت بكل هدوء حقك عليا 
على أي 
_ قولتلك خمس دقايق وجيت بعد نص ساعه  
أتعودت خلاص 
كنت بتكلم معاه بنبرة باهته يمكن عشان مكنتش عايزة أتعشم إنه هيتمسك بيا تقريبا لاحظ نبرة صوتي وقال مالك! وبعدين أول مرة تخرجي من غير ما تحطي حاجه ع وشك أو ايدك ممكن أعرف جبتي الجرأه دي منين
مضايقك الموضوع دا 
_ موضوع أي 
شكلي مضايقك 
_ أنا بتكلم عليك أنت يعني نظرات الناس قتالة وأنت حساسه زيادة عن اللزوم فعشان متتجرحيش بسببهم متديهمش فرصه بس هي دي الفكرة 
بصيتله كتير وعيوني بتقوله لو نظرات الناس قتاله فأنت الوحيد اللي معاك الترياق يا مراد أرجوك متخذلنيش
_ مراد 
رد بدون تفكير معاك  
لأمتى 
_ لحد ما تزهقي 
وبعدها هتمشي 
_ لا هجدد عقد 
ابتسمت بس عيني كانت رافضه تكدب لقيت نفسي بدمع سألني وقتها مالك
_ أنا عندي بهاق 
قولتها بدون مقدمات لأن كل تأخير كان عقلي بيستغل الوضع وبيطرحلي سيناريوهات أسوأ من بعضها 
بصلي بدون تعبير وكأنه بيحاول يستوعب أنا قولت أي ميعرفش إن سكوته كان سکينه بارده وهو مرحمنيش طول في سكاته لحد ما كل جزء ف جسمي ڼزف كل جزء مني كان پيصرخ طالب الرحمه وبرضو مرحمنيش 
لما ملقتش منه رد قلعت الدبله بكل هدوء وحطيتها قدامه ومشيت محبتش أفرض نفسي عليه أكتر من كده وف نفس الوقت عذرته عذرته لإن مفيش راجل ف الدنيا يستحمل يشوف مراته مشوهه ڠصب عنه هيشمئز منها وأنا مش هستحمل دا 
كنت ماشيه تايهه حسيت بالۏجع اللي محستش بيه لما عرفت