((انا دلوقتي عرفت ليه اهلك ما كانوش طايقينك))

نفسهم عشان يخرجوا وقولت
كنت بدور علي الدكتور يا ماما بس ملقتهوش
هو أجا وكتبلنا علي خروج يلا ساعدي أختك تلبس
ساعدتها وشيلت النونه ونزلنا كنت وراهم بالبنوته عيني أجت في عينيه وهو واقف بعيد شاورلي علي التليفون فعرفت أنه هيبقا يكلمني بصيت في الأرض وركبنا العربيه وعدينا من جمبه كان بيبص لي وأنا كنت تقيله مش ببص له.
وصلنا البيت ودخلت أوضتي علي طول مش عارفه كنت بهرب من مين بس أنا لسه مش مستوعبه اللي حصل سنه كامله مقدرتش أجتمع بيه ويوم مجتمع بيه تبقا صدفه في المستشفي حطيت أيدي علي وشي كنت حاسه أن وشي مولع قلبي بيدق
حطيت أيدي علي قلبي وقولت
بتدق علي أيه مخلاص مبقاش ينفع مبقاش ينفع نحبه بقا أب حتي لو مراته ماټت ده ميمنعش أنه مبقاش ينفع كفايه أنه أكيد بيحبها وأعتقد أنها كمان كانت بتحبه جابت بنوته زي القمر نسخه مصغره منه
اتنهدت

وقومت دخلت التويليت قعدت جوه البانيو كتير أوي كنت مستمتعه بسقعية المايه يمكن بتبرد الڼار اللي جواياأو يمكن بتحاول تفوقني من الوهم اللي كنت عايشه فيه بقالي سنه خلصت ولبست بچامه مريحه فتحت التكييف علي درجه عاليه ونمت صحيت علي ضوء الشمس اللي أخترق عيني
بنعاس قولت
ياااه نمت كتير أوي
مسكت التليفون وأنا فاتحه عين واحده لقيت مكالمات كتيره أوي من رقم غريب فتحت عيني پصدمه وقومت بخضه ورنيت علي الرقم كأنه كان ماسك التليفون ومستني مكالمتي
الو أنت كويسه طمنيني عليكي
كان صوته باين عليه ملهوف أتكلمت بجديه وقولت
أنا كويسه كان فيه حاجه!!
سكت ثواني وقال بتوتر
كانت بټعيط ومكنتش عارف أسكتها
أممم وهي سكتت دلوقتي
آه
طب تمام كويس هو ممكن لو مش هتعرف تتعامل معاها ممكن تجيبلها واحده تقعد معاها
بضايقك
نعم
اتنهد وقال
أتصالاتي بتضايقك
بتكلم عشان البنت ملهاش ذنب وأنت مش هتعرف تتعامل معاها
طب أنا عندي أقتراح 
أقتراح أيه
أتكلم بتردد
ممكن تيجي تقعدي معاها
كنت لسه هرفض لقيته سابقني وقال
أنا مش هكون في البيت ممكن حتي أنا أكون مكانك في الكافيه وأنت هتكوني لوحدك معاها في البيت
بس دي مسئوليه كبيره يا تميم
عارف بس أنت قدها عني هند أنا راجل معرفش حاجه عن الأطفال لكن أنت تقدري ولو وافقتي بجد هكون ممتن جدا ليكي
كنت ساكته وبسمعه كنت متردده جدا حطني في موقف صعب لو رفضت هكون بظلم البنت ولو وافقت هكون بظلم نفسي هكون شايفاه قدامي وقلبي مش هيقدر يتعافي منه
اتكلمت بصوت عالي نوعا ما بسخريه من أفكاري وقولت
يعني أنت كنتي أتعافيتي في السنه دي لما هتتعافي دلوقتي
أيه
اټصدمت لما لقيته سمع كلامي وقولت
لاء ابدا
طب قولتي أيه
سكت لثواني وقولت
خلاص ماشي موافقه
بفرحه قال
بجد يا هند متشكر جدا
العفو
وأنا زي مقولتلك مش هكون في البيت هاجي أخدك وهوديكي البيت وهمشي علي طول
تمام
قفلت معاه وأنا خاېفه أتعلق بيه من تاني مددت علي السرير وقولت
وافقت عشان خاطر الطفله اللي ملهاش ذنب حتي لو هظلم نفسي
صحيت من النوم حضرت الدريس اللي هلبسه دخلت خدت دش يرطب علي ويهديني طلعت ودخلت المطبخ عملت نيسكافيه ودخلت لبست لان معنديش وقت بعتله للوكيشن البيت ووصلي مسدچربعد دقايق بأنه قرب علي البيت نزلت وفي أيدي مج حراري بشرب فيه النيسكافيه وقفت يجي دقيقتين ولقيته قدامي أبتسمت وركبت
صباح الخير
صباح النور
مستعده
أكيد
هز راسه ووصلنا عند العماره ووصلني لعند الباب وطلع مفتاح وقال
دي نسخه ليكي
طلعت مفتاح الكافيه ومديتله أيدي وقال
سلم واستلم يعني
ابتسمت وقال
شكرا
هزيت راسي وقولت
ملهوش لازمه تشكرني أنت برضو ساعدتني كتير فاكر!!
سند ضهره علي الحيطه وقال
ذكرايات مبتروحش من دماغي أنا منسيتش
اديته ضهري وحطيت المفتاح في الباب وأنا ببتسم بسخريه وقال
هجيلك بالليل
هزيت راسي وقفلت الباب بعد ما مشي بصيت حوالي كان بيت جميل وهادي قد أيه كنت بحلم ببيت زي ده معاه فضلت أستكشف البيت لحد ما وصلت لأوضة النوم أوضة راجل أعزب!!
بس لحظه مفيش صور ليها خالص ولا هدوم ولا أي حاجه!!
يتبع..
بقلم هند_إيهابكنت واقفه في وسط البيت سمعت صوت عياط الطفله جريت علي الأوضه اللي جاي منها الصوت كان فيه في الأوضه كومودينو عليه كل حاجه تخص البيبي بدأت أحضرلها الرضعه شيلتها وبدأت أرضعها تليفوني رن بأسمه رديت وفتحت الأسبيكر
أيه الأخبار
تمام
يارب متكونش مضيقاكي
لاء خالص أنا عملتلها الرضعه أهو وبرضعها
الزباين كتير ماشاء الله بقالي سنه بعيد عن المكان بس حاسس أنه لسه زي مهو
ابتسمت بحزن وقولت
محبيتش أغير حاجه فيه
مش عارف هتصدقيني ولا لاء بس لما دخلت الكافيه افتكرت ذكرايات كتيره أوي حسيت أني مرتاح في المكان وكمان شامم ريحتك حتي محاولتيش تغيريه
هو أيه!!
البرفيوم
لسه فاكر ريحته
ريحتك مميزه يا هند مستحيل أنساه
نيمتها في سريرها بعد ما خلصت الرضعه ولقيته بيقول
ينفع نرجع زي ما كنا
بصيت علي التليفون وقولت
مهو أحنا بنتكلم أهو
لا أقصد زي الأول يا هند أحنا آه بنتكلم بس حاسس أني غريب عنك مش بتتكلمي معاي زي ما

كنا بنتكلم أنا حتي مبقيتش بعرف أفضفضلك
مالك فيك حاجه!!
اتنهد وقال
محتاج أقعد أتكلم معاكي
هنتكلم يا تميم هنتكلم بس في الوقت المناسب
وأمتي هو يا هند الوقت المناسب
تميم
قطعني صوت جرس الباب كان جرس وخبط لالا رزع
مين اللي بيخبط
مش عارفه
فتحت الباب والتليفون كان في أيدي لقيت واحده دخلت وبتزقني
مين حضرتك وأزاي تدخلي كده
أنت اللي مين وأزاي تكلمي صاحبة البيت كده
صاحبة البيت!!
أنت مين
كنت واقفه بفرك في أيدي مش عارفه أقول أيه لقيت نفسي بقول
أنا مربيه
بصيت لي من فوق لتحت ودخلت الأوضه اللي فيه البيبي كنت واقفه بتابع حركاتها
بزعيق قالت
أنت هتفضلي واقفه كتير
لقيت تميم جاي من ورايا وقال
بتزعقي لمين كده
اهلا بجوز بنتي المحترم
أهلا
مش عيب تجيب مربيه وجدتها موجوده
ملهوش داعي نتعبك يا حاجه سهير
تعب أيه دي حفيدتي يا تميم ولا نسيت ولا عايز تخلص منها زي ما خلصت من بنتي
كنت واقفه بسمع وأنا في حالة زهول لقيته واقف وبيضغط علي أيديه جامد وقال
تعرفي أيه عن بنتك
أتكلم تاني بس المره دي كان بزعيق وعصبيه
أنت تعرفي أيه عن بنتك جوزتيها وخلصتي من وجودها في حياتك وروحتي أتجوزتي ولا سألتي عليها ولا تعرفي كانت هي بتمر بأيه بنتك طلبت أننا نتجوز بس عشان تبعد عنك عشان مكنتش حاسه بحبك
علت صوتها وقالت
هو أنت هتغطي علي اللي عملته بحياتي مع بنتي أنت مكنتش بتحبها وده اللي كان باين عليك من تصرفاتك معاها
بص لي وبعدين بص لها وكمل كلامه وقال
آه مكنتش بحبها عندك حق في دي بس لما لجأتلي لقيتني واقف في ضهرها أنا اللي كنت معاها في كل وقتها وعارف معانتها معاكي أنت تعرفي أنها كانت بتروح لدكتور تتعالج تعرفي أنها كانت بتاخد مهدئات متعرفيش أي حاجه كان كل اللي همك أنك تجوزيها وترتاحي منها حتي يوم ولادتها مكنتيش جمبها أكتر وقت كانت محتجاكي فيه مكنتيش معاها كانت حاسه أنها ھتموت كانت بتقولي خلي بالك من بنتنا
قعد وكمل كلامه وقال
حبها متخليهاش تحس باللي كنت بحس بيه متخليهاش تلجأ لواحد هي عارفه ومتأكده أنه مبيحبهاش هي ملقتش منك حب ولا لقته مني بس علي الأقل كانت بتلاقيني جمبها
بص لها بحتقار وقال
بتلاقيني جمبها ولا أيه يا حماتي
بصيت علي وقالت 
مش عيب نكون