اسكريبت مش كان زمانى
بتعتذر من غير ما تنطق عن كونها قاسېة في الكلام رغم إنها مش كدا بس حتى لو كانت كدا كدا كدا حبيبة قلبي وبراحتها
يونس برا جاي يشوفك يا هدى
بصيت لماما اللي كانت بتقلب في دولابي وبتشوفلي حاجة ألبسها وهي بتتكلم ومع حركتها فهمت إنها مش هتقبل غير بإني أطلع أشوفه فعلا
ينفع مطلعش عشان تعبانة يا ماما
حلو الفستان دا يا هدى بحبه عليكي يلا قومي هساعدك
يلا أهو يكفيني شرف المحاولة وخلاص
لبست بسرعة بمساعدتها وفي خلال دقايق مستوعبتش فيهم اللي حصل كنت قاعدة قصاده في الصالون وماما بتجهزله الشاي بتاعه وبابا واخد جنب عننا شوية لحظة هو من إمتى وبابا بياخد جنب لما يونس بييجي يزورنا ومن إمتى وأمي بتخليني أطلع اكلمه ومن إمتى ويونس بيطلب يقعد معايا!!
لا هي وانتي الصادقة ريحة جوازة مش غدر
أنا كنت حاس إيه انت قولت إيه
ابتسم
تتجوزيني يا هدى
هدى راحت والله يا اسمك إيه
انت بتهزر
حد يهزر في الحاجات دي برضو
هزيت دماغي جامد
ليه
هز راسه بتلقائية
حبيت دماغك
وهو دا كفاية
ابتسم وهو بيقول
أنا حابب نكتب كتاب على طول يا هدى أنا مش عايز فترة خطوبة
هزيت راسي
مش لما أوافق عليك الأول يا جدع انت هي هيصة وخلاص
بتقولي حاجة يا هدى
اتحمحمت وكنت هرد بس لحقتني ماما وهي بترد مكان
بتقول هي كانت عايزة كدا هي كمان
ماما
رديت بغيظ
على فكرة أقدر وهرفضه لو مرتحتش هه
ردت بتريقة
بكرة نشوف
بكرة نشوف!!! هي أمي ولا أمه الولية دي طب حسبي الله في كل ظالم بقى
كشرت وأنا ببص ناحية بابا اللي لما لاحظ إن ماما قعدت معانا قرب هو كمان وقبل ما يقعد قولتله بغيظ
بابا لو سمحت ممكن تسندني أدخل جوا عشان أرتاح شوية
هو انتي هتشيلي الجبس إمتى! انتي داخلة على شهرين ونص متجبسة أهو
مردتش عليه وأنا بسند على بابا بحذر وماما ردا مكانش بحزن حسيته في صوتها
الدكتورة قالت الكسر لسة ملحمش فهتفضل بيه شوية هي أصلا ض
يونس صحيح إحنا عارفينه وانتي عارفاه كويس يا هدى بس لو استخرتي وحسيتي إنك مش مرتاحة قوليلي وأنا هرفضه حبيبتي الجواز دا آخر حاجة ممكن نجبرك فيها على حاجة فعايزك تفكري كويس ومتحسبيهاش من ناحية إننا قرايب أو غيره لإننا بنتكلم في جواز مش في حاجة هينفع نجامل فيها ولا نيجي على نفسنا فيها لمجرد إننا قرايب والكلام دا فاهماني
بابا هو بجد عايز يتجوزني أنا حاسة إني مش مصدقة أصلا ومستنية حد فيكم يقولي إن دا هزار أو مقلب
وهو إحنا عبط زيك هنعمل فيكي مقلب
زي دا الراجل متقدم بجد وعايز يتجوزك فكري بالراحة بقى زي ما قولتلك ومتعمليش اعتبار لأي حاجة غير لرغبتك انتي واللي انتي عايزاه ماشي! ولو عايزة تطلعي تاني عشان الرؤية الشرعية وعشان تتكلمي معاه أو حتى لو عايزاه يبقى ييجي في ميعاد تاني قوليلي وأنا هبلغه
هزيت راسي بماشي بحرج وأنا حاسة أني مش قادرة أستوعب اللي بيحصل وهو بعد لحظات كمل
وبالنسبة لنقطة إنه أرمل يا هدى
ولا تهمني أصلا
شهقت لما لقيتني رديت عليه من غير تفكير وهو معلقش واكتفى بإنه يطبطب على دماغي ويبوسها من تاني قبل ما يسيبني ويطلع بعد ما وصاني للمرة التالتة أفكر كويس
