((انت عايزني ارمي بنتي في الشارع انت اټجننت))

كويسة 
رد عليها بتوهان 
عائشة 
سحب مفاتيحه من الترابيزه وكمل 
ماما في المستشفى يا ليلى وإحنا لازم نروحلها بسرعة 
اتكلمت بعياط 
ماما 
قرب منها 
متقلقيش ياحبيبتي إن شاء الله هتبقى كويسة علشان خاطري بطلي عياط هي مش بتحب تشوفك كده 
نزل يجري هو وليلى وركب عربيته واتجه للمستشفى كان طول الطريق بيعيط بندم 

أنا آسف يا عائشة والله ما أقصد بالله عليك متسبنيش أنا بحبك ومقدرش أعيش من غيرك 
ليلى اتكلمت بعياط 
أنا عايزة ماما يا بابا رجعلي ماما لو سمعت 
متقلقيش يا ليلى إن شاء الله هترجع معانا أهو رايحين نجيبها 
مشي بسرعة بالعربية وفي خلال لحظات كان في المستشفى وصل قسم الاستقبال وعرف إنها دخلت غرفة العمليات لإن وضعها صعب طلع عندها وكان في كام شخص من اللي أنقذها 
حضرتك قريبها 
أنا جوزها هي كويسة 
إحنا لحد دلوقت منعرفش أي حاجة بس هي ڼزفت كتير متقلقش الدكتور جوه وربنا يطمنك عليها 
الناس اللي وصلتها مشيت وهو قعد على الأرض وحط إيده على دماغه پألم وكان قاعد سرحان وساكت ليلى قعدت جمبه وكانت بټعيط وحاول يهدي فيها 
أنا آسف يا ليلى أنا السبب أنا اللي عملت كده فيها لو مكنتش شديت معاها مكانش حصل كل ده 
بعد أكتر من ساعة الدكتور خرج من العمليات مروان وقف بسرعة وكمل بتساؤل وقلق 
طمني يا دكتور عائشة كويسة 
الحمدلله قدرنا نوقف الڼزيف هي عندها كسر في الحوض فلازم تقعد تحت الملاحظة فترة لحد ما نقرر هتقدر تخرج ولا هيكون في عملية تانية 
عملية تانية! 
كمل بتوتر وخوف 
طب طب واللي في بطنها 
للأسف كانت جامدة والجنين مستحملش ربنا يعوضك 
ليلى كملت بعياط 
يعني مفيش نونه يا بابا
بصلها بحزن ورجع بص للدكتور تاني 
طب ممكن أشوفها 
هننقلها أوضة تانية وبعدين تقدر تشوفها 
بص للدكتور بتفهم ورجع بص ليلى وكمل 
ليلى أنا هخرج أقعد بره شوية خليك هنا متتحركيش هرجعلك تاني 
نزل من مكان العمليات اللي كان فيه وخرج بره المستشفى فضل يتمشى شوية لحد ما قعد على الرصيف وهو بيعيط ويتكلم مع نفسه 
أنت اللي عملت ف نفسك كده يا مروان إزاي كنت عايز ترمي طفلة في الشارع إزاي جالك قلب تعمل كده! عايز ترجعها يتيمة تاني بعد ما لقټلها أهل! للدرجادي قلب قاسې ومش بيحس أنت بتتعاقب على أفعالك دلوقت أهو ابنك راح بسببك وبسبب تصرفاتك 
فضل يعيط عياط هستيري پألم وندم على كل اللي عمله جات ليلى قعدت جمبه وفكرت إنها تخفف عنه شوية 
حتى وأنت بټعيط قمر كفاية بقى هيغمى علي من
جمالك 
بص عليها پصدمة لما سمع صوتها وحاول يمسك نفسه من الضحك 
أنت بتقولي إيه
حطت إيدها تحت خدها وكملت 
بقول إنك قمر أوي يا بابا وأنت بټعيط ده أنا خاېفة واحدة تيجي تشقطك وأنت بحلاوتك دي 
كمل پصدمة 
تشقطك! ليلى حبيبتي أنت متأكدة أن عندك ٦سنين وإنك طفلة زي الأطفال عادي! في إيه يا حبيبتي إيه الألفاظ دي!
بحاول أفرفشك 
وقفت قصاده وحطت إيدها على خده تمسح دموعه وكملت ببراءة 
متزعلش يا بابا عائشة هتكون كويسة إن شاء الله بس أنت متعيطش علشان خاطري 
اتنهد وكمل بهدوء 
أنا آسف يا ليلى آسف على كل حاجة عملتها معاك الفترة اللي فاتت وإني كنت بزعقلك ومرضتش أروح معاك المدرسة زي ما أنت عايزة أنا بحبك أوي ومش هقدر إنك تبعدي عني أنت بنتي وأحلى حاجة حصلتلي في حياتي 
اتكلمت بمرح 
يوه بقى يا مروان كده هتخليني أعيط وأنا مش بحب الدراما 
حضنته وكملت 
وأنا كمان بحبك أوي يا بابا ومش زعلانة منك 
خرجت من حضنه وبصتله 
يلا علشان نشوف ماما لإنها فاقت 
عائشة فاقت 
حركت راسها بآه قربت منه وكملت وهي بتهمس 
بس