انا مش فاهمه انت ازاي مستحمله نفسك بالشكل ده

اڼصدمت وافتكرت اني بعت السيڤي ده من شهرين قبل ما يظهر عليا اعراض البهاق جريت على بابا وفضلت اخبط على الباب عشان يفتح.
بابا خرج من الاوضة مخضوض و افتكر اني فيا حاجة.
في اي يابنتي حصل ايه
بابا الشركة الي قدمت فيها من شهرين بعتولي ومنتظرني بكرة الساعة ٩ ومش عارفة اعمل ايه.
وقتها بابا خرج من الاوضة وخدني في الصالة وحاول يطمني.
انا متوترة قوي يا بابا انا خاېفة يتريقوا على شكلي انت مش شايف انا عاملة ازاي
بصي يا حبيبتي انت شكلك جميل مش مجرد بهاق هو الي هيعمل كده واهم حاجه الأخلاق والأصول والأدب مش الشكل وانت جميلة في كل حالاتك و متربية وانا معاكي وفي ضهرك ومش هسمح لحد يهز ثقتك في نفسك انا امحيه من الدنيا كلها.

تفتكر هنجح يا بابا
طول مااملك في ربنا كبير هتنجحي ياست البنات.
وقتها حضنت بابا حسيت قد ايه انا جميلة وان مش شكلي هو الي هيخليني انجح و أنا شاطرة وقوية ومش هخلي الناس تحدد مستقبلي عشان شكلي.
دخلت الاوضة وجهزت الطقم بنطلون وقميص أبيض و بليزر اسود وكعب وطرحة سودة وجهزت السيفي بتاعي كنت مجهزاه من ساعتها ونمت
الصبح كانت الساعة ٧ جهزت نفسي ولبست الطقم الرسمي وفطرت و سلمت على بابا وماما وطلعت من البيت وركبت تاكسي وفضلت ساعة ونص في الطريق
وصلت الشركة وقولت للسواق. 
ايوه هنا شكرا ليك. 
رد وقال ل استغراب 
انت جايه تقدمي في شركة السياحة دي
ايوه في حاجة
لا بس ازاي هتشتغلي بشكلك ده
وقتها حسيت بعدم ثقة في نفسي بس قولت بثقة زائفة.
انا جميلة ومش محتاجة رأيك ال ملوش لازمة خليك في نفسك سلام
سبت الأجرة وطلعت الشركة وانا خاېفة ومتوترة.
جيت اقعد ومنتظرة دوري 
سمعت صوت الناس وهم بيتكلموا عليا وبيحاولوا يضايقوني
لحد ما سمعت اسمي مهتمتش لحد خالص و دخلت اوضة ال اتش ار
ايوه يا آنسة سما اتفضلي احنا شوفنا السيڤي بتاعك وبصراحه عجبنا اسفين علي التأخير بس فعلا اول ما شوفنا السيڤي كلمنا حضرتك في
وقتها رفع عينه وقال.
ل سما أحمد