بقلم سيهام العدل

روحها في ذلك المنزل الذي تيقنت أخيرا بعد مرور سبعة وعشرون عاما أن ليس لها مكان فيه ولاتنتمي إليه تلك الحقيقة التي تناستها كثيرا منذ أن عرفت بحقيقة نسبها المجهول تلك الحقيقة التي تجاهلتها مقابل أن تنعم بدفء أسرة منحتها الكثير ولكن كل تلك المنح سلبت منها في أشد الأوقات حاجة لها ولكن ماعليها سوي أن ترضخ لذلك الواقع المؤلم وذلك الوصمة التي لازمتها مدى الحياة.

ألقت نظرة وداع على سدن النائمة كالأطفال ثم خرجت بهدوء دون أن تشعر من الغرفة ثم من الشقة بأكملها خرجت في ظلام الليل الذي لم ينقشع بعد تمشي بغير هدى لعلها تجد ملجأ لها من ذلك الضياع الذي تحياه وبعد عدة خطوات توقفت من ذلك الألم الذي ناداها من أسفل بطنها وكأن ألم روحها أنساها ذلك الچرح الجسدي الكبير الذي لم يطب بعد استندت على إحدى الحوائط لدقائق حتى تستعيد قدرتها على المشي مرة أخرى فوجدت يدا تهزها بخفة.
فزعت غصون والټفت متسائلة مين.. ولكن هدأت عندما وجدت فتحي ذلك الأب الوهمي الذي تخلي عنها في أشد أوقاتها إحتياجا له.
أجابها متسائلا إيه ياغصون اللي موقفك كده ورايحة فين
ذلك الذي لم تحسب له بالا وهو عودة فتحي من صلاة الفجر في ذلك الوقت ولكنها رفعت عينيها فيه مجيبة ماشية ياأبا
ابتلع ريقه ببعض الحرج ورد عليها طب يابنتي النهار له عنين إيه اللي يمشيكي ف وقت زي ده
ردت عليه بلسان يرتعش وعيون تمتلئ بالدموع دلوقتي أو بعدين كده كده همشي فدلوقتي أحسن عشان سدن محستش بيا 
تنحنح بقدر من الحرج وقال مش عايزك تزعلي ياغصون يابنتي أنتي عارفة إنك عندي زي بنت من البنات بس الدنيا مبتفضلش على حال وأنتي ربنا يصلح حالك ارجعي لجوزك وعيشي.. الواحدة ملهاش غير بيتها
ابتلعت تلك الدموع العالقة وردت عليه پقهر متشلش همي أنت كتر خيرك ع اللي عملته معايا طول العمر.. بس خلي بالك من إخواتي ... ثم استكملت طريقها بدموع وهموم تتكدس على صدرها بثقل الجبال.
تجلس في السيارة بإرهاق تسند رأسها على مقود السيارة لعلها تهدئها من تلك الأفكار المضاربة التي تعصف بها بعد تلك المشاداة التي حدثت بينها وبين ابنتها ابنتها التي ظنت أنها لا تبالي بما يدور حولها بسبب انشغالها الشديد بمذاكرة دروسها حيث أنها في عامها الأخير من مرحلة الثانوية ظنت أنها هي وأخاها يكتفيان بعدة المكالمات التي تدور بينهما وبين أبيهما خلال الأسبوع ولقائه الأسبوعي بهم الذي تتعمد حينها الإبتعاد عن المنزل حتى يخرج لم تكن تعلم أن تلك الفتاة تحمل كل هذا الألم في صدرها بسبب غياب أبيها عن المنزل استعادت تلك الحوار الذي دار بينهما صباحا عندما أعدت ياسمين لهم الإفطار ورفضت جني الجلوس معها على الطاولة وتناول الإفطار فذهبت لها الغرفة لتطمئن عليها وتسألها خير ياجني مجتيش تفطري معانا ليه.. أنا وأخوكي بنستناكي
ردت جني بإقتضاب مش عايزة افطر
اقترب منها أمها بقلق تسألها أنتي تعبانة ياحبيبتي
ردت عليها بلهجة صارمة أيوة يامامي تعبانة
تحسست أمها جبينها بلهفة إيه اللي تاعبك

ياقلب مامي.. قومي نروح لل 
قاطعتها جني بصرامة حياتنا يامامي حياتنا اللي تعباني
ذهلت ياسمين في البداية وبعد أدركت ما تقصده ابنتها فجلست على طرف فراشها وسألتها بهدوء وإيه اللي تاعبك في حياتنا ياجني
نهضت جني من الفراش ووقفت مواجهة لأمها تسألها بتعجب ليه هو حضرتك متعرفيش!!
أجابتها ياسمين بحزم إيه اللي ناقصك في حياتك ياجني أظن أنا مقصرتش ف حاجة
ردت جني پقهر بابي اللي ناقصني
تنهدت ياسمين بذلك الۏجع الذي لا يفارقها وقالت بقوة مزيفة أظن أنا ممنعتش بابي عنكم بيكلمكم كل يوم وبيجي يقضي معاكم نهاية الأسبوع 
ردت عليها جني بإستنكار آه اليوم اللي حضرتك بتتعمدي مترجعيش فيه غير لما تتأكدي إن بابي مشي
نهضت ياسمين وقالت بصرامة أنا حرة اتصرف زي ماأحب وأظن اللي بيني وبين بابي المفروض إن محدش يتدخل فيه 
ردت عليها جني پقهر اللي بينكم ده يبقى إحنا يامامي أنا وفادي اللي من أبسط حقوقنا إن نعيش وسطكم أنا اللي من حقي إن بابا يكون جمبي في فترة عصيبة زي دي ف حياتي ولا فادي اللي بقى طول الوقت ساكت وحزين وحضرتك عاملة نفسك مش واخدة بالك وأنت عارفة هو أد إيه متعلق ببابي
صمتت ياسمين وهي تشعر أن المكان يضيق بها وأنفاسها تتقطع فنظرت لابنتها بحيرة وخرجت دون أن ترد عليها.
قادت السيارة وهي في حيرة من أمرها أهي حقا مخطئة في إبعاد مراد عن حياتها وحياة أبنائها أم أنها إمرأة كأي إمرأة لها كافة الحقوق كما أدت واجباتها دائما لا تعلم ماذا عليها أن تفعل إن كانت اليوم تمردت ابنتها على ذاك الوضع فماذا سيفعل غدا أخوها ذو الخامسة عشر عاما هل ستستطيع أن تصمد على قرارها في الطلاق وتحتفظ بمكانتها العملية التي سعت من أجل تنميتها سنوات طوال أم ستجعل سعادة أبنائها واستقرارهم نفسيا في المرتبة الأولى وبعدها ستفكر في نفسها.
وصلت لمقر عملها وهي في حالة مزاجية سيئة ولكنها حاولت التماسك والمود كعادتها فترجلت من السيارة ودخلت بإبتسامة مزيفة لجميع العاملين وتلقى عليهم تحية الصباح حتى وصلت إلى مكتبها فاستقبلتها نوران مساعدتها الخاصة صباح الخير مدام ياسمين
ابتسمت لها ياسمين وردت عليها صباح الخير يا نوران.. إيه الأخبار 
أجابتها نوران كله تمام يافندم بس البنت اللي اسمها غصون اللي جت لحضرتك قبل كده جيت لقيتها بتسأل على حضرتك والعمال قالوا أنهم لقوها قاعدة أدام السنتر قبل مايفتحوا 
شعرت بالقلق وقالت طب هي فين دلوقتي ناديها
ردت نوران هي كان شكلها تعبان فطلبت مكان ترتاح فيه على أما حضرتك توصلي وأنا دخلتها أوضة التظبيط
قالت ياسمين تمام خليها وأنا هروح لها أنا وبالفعل ذهبت ياسمين إلى هذه الغرفة وفتحتها وجدت غصون تفترش الأرض نائمة وتحت رأسها بعض الأكياس البلاستيكية التي تحوي فوائض القماش.
اقتربت منها ياسمين وجلست على ركبتيها وهزتها غصون غصون
استيقظت غصون بفزع ثم أدركت مكانها فنهضت جالسة بتثاقل وهي تسند بطنها بيدها وتقول ست ياسمين
نظرت لها ياسمين بحيرة وسألتها إيه اللي منيمك كده على الأرض ومال بطنك
ردت عليها غصون بدموع أنا جاية واقعة في عرضك ياست ياسمين شغليني عندك هنا إن شاء الله أمسحلك المكان ولا أعمل أي حاجة أنا معرفش حد غيرك وضاقت بيا الدنيا خلاص
مسدت ياسمين علي كتفها تطمئنها وقالت طب اهدي بس وأنا هعملك اللي يريحك.. بس قومي معايا على مكتبي وفهميني كل اللي حصل 
بعد دقائق كانت تجلس ياسمين مصډومة مما سمعته من غصون عما فعله بها زوجها عديم القلب الذي حرمها من أعظم نعمة من الله على إمرأة لها أن تكون أما فردت عليها بعتاب بس أنتي غلطانة ياغصون إزاي تسكتي ع اللي عمله الحيوان ده لازم يتعاقب وبترمي في السچن عشان يعرف جرم اللي عمله
ردت عليها غصون بإنكسار أنا كفاية عليا إني اتطلقت منه وارتحت منه بقية عمري
أشفقت على تلك الفتاة المنكسرة المحطمة فاقتربت منها ومسحت على كتفها وقالت متزعليش نفسك ربنا عنده العوض بس فين أهلك من كل ده إزاي محدش يقف للبني آدم ده ويجيبلك حقك .
نظرت غصون أرضا وسقطت دموعها وقالت أصعب كلمات نطقها لسانها أصل أنا أصل أنا بصراحة مليش أهل..

الناس اللي كنت عايشة معاهم قبل ماأتجوز لقوني في الژبالة وبعدين خدوني وربوني وكبروني وأنا مكنش ليا غيرهم أم وأب ومن حوالي أسبوعين أمي اللي ربتني ماټت ومن بعدها الدنيا قفلت في وشي وحصل اللي حصلي ده وأما جيت أرجع مبقاش ينفع وقالوا ان أبويا هيتجوز في الشقة وانا مينفعش اعيش معاه في بيت واحد ولازم ارجع لجوزي وانا المۏت عندي اهون من أني ارجعله تاني وأنا معرفش أي حد لقيت رجلي جيباني لعندك ومش عايزة منك غير أي شغلانة اشتغل فيها وأنا هدور على أي أوضة أعيش فيها 
سقطت دمعتين من ياسمين علي حال تلك الفتاة البائسة ونظرت ليدها التي تسند بطنها وكأنها تهديء ألم الچرح بها فقالت بصوت حزين وأنتي هتشتغلي إزاي بچرحك ده مش لما تطيبي الأول 
مسحت غصون دموعها بيدها الأخرى وقالت بإصرار مع الوقت هيخف ويطيب وصدقيني انا شاطرة وبعمل كل حاجة وأي حاجة هتطلبيها مني هنفذها
التقطت ياسمين مفاتيح سيارتها من على سطح المكتب المجاور لها ونهضت قائلة قومي معايا 
ردت عليها غصون بعدم فهم أقوم فين 
ردت عليها غصون هنروح البيت عندي هتقعدي معايا اما نشوف هنعمل إيه 
استيقظت سدن فلم تجد غصون بحثت عنها الشقة بأكملها فجلست تبكي بحړقة تبكي أما تركت لهم حياة مظلمة يتخبطون بها من شدة ظلامها تبكي أختا ظلمتها الحياة ونبذتها بوصمة ليس لها ذنب في حدوثها.
عادت سدرة من عملها التي باتت فيه فوجدت أختها تبكي فعلمت أنها تبكي حزنا على أمها التي تركتهم لقسۏة الحياة وظلمها فقالت بحزن بټعيطي ليه ياسدن أمك ارتاحت من الدنيا واللي فيها عقبال عندنا
ردت عليها سدن بصوت باك أنا بعيط عشان غصون
جلست سدرة بجوارها تتذكر محادثة غصون لها ليلة أمس تطلب منها أن تذهب لأخذها من المستشفى بعدما فقدت جنينها فردت على سدن بهدوء آه عرفت إنها سقطت.. ربنا يعوض عليها 
رفعت سدن عينيها لسدرة وقالت پقهر هو جت على كده بس أنتي متعرفيش إيه اللي حصل ثم قصت عليها ماحدث من زوج غصون ثم عودتها للمنزل ومافعلته عمتها بها وخروجها من المنزل دون أن تشعر بها وأنهت ذلك قائلة أنا مشوفتش أقسى من عمتك حميدة في الدنيا 
ردت عليها سدرة بشرود هي عمتك حميدة بس اللي قاسېة الدنيا بحالها قاسېة واحنا خلاص اتعلمنا واستسلمنا لقساوتها وغصون ماهي عاشت خمس سنين مع الزفت سعد واستحملت نتانته وقرفه ومد إيده وذلته فيها وكانت راضية زعلانة ليه دلوقتى كويس إنها رجعت له حتى تلاقي أربع حيطان يستروها بدل ما تتمرمط هنا ولا هناك .
نظرت لها سدن بتعجب وردت عليها بحدة إنتي بتتكلمي بجد أنتي إزاي كده!!.. شايفة أنه الأحسن إنها ترجع لجوزها بدل ماتحطي إيدك ف إيدي ونقف لأبوكي وعمتك ونرجعها ولا نمنع أبوكي إن يجيب الهانم اللي اتجوزها البيت معانا 
ردت عليها سدن ببرود تبقى غلطانة لو وقفتي في وش أبوكي ولا عمتك سيبيهم يعملوا اللي يعملوه وسيبي غصون تعيش وربنا مش هينساها أنتي دوري على نفسك امتحاناتك ع الأبواب وهتخلصي جامعة واشتغلي وعيشي حياتك واعتبري انك عايشة في لوكاندة لحد ماربنا يفرجها علينا من عنده ونهضت تسحب حقيبة يدها واتجهت لغرفتها في هدوء.
هزت رأسها بنفي