ممكن اعرف بتعاملي ماما كدا ليه

ممكن أعرف بتعاملي ماما كدة ليه يا مريم
إتكملت ببرود من غير ما أبصله مش فاهمه تقصد إي
مسح بإيده علي وشه و كمل وهو بيجز علي سنانه لاء إنت فاهمة قصدي كويس أوي يا مريم وياريت بلاش البرود والإستعباط د
سيبت السکينة من إيدي إل كنت بقطع بيها البطاطس و لو إني كان هاين عليا أحدفه بيها أه والله زي ما بقولكم كد بس قلبي المهزء بقي نعمل إي فيه و قربت منه و إبتسمت إبتسامة صفرا حاولت أرسمها كدة لاء أنا مبستعبطش يا حبيبي والله وبعدين هدي أعصابك كدة العصبية مش حلوة عشانك" إتنهدت و كملت بتهكم " هاتلي من الآخر كدة وقولي الست الوالدة قالتلك إي عني خليتك مش طايقني

إتنهد جامد وكمل بلوم و نبرة نوعا ما حادة إزاي تبقي بتكلمك و تسيبها وتدخلي الأوضة
ضحكت جامد وإتكلمت بتعجب تصدق بالله أمك دي حكاية!! بقي حكيتلك رد فعلي ونسيت تقولك فعلها بس ملحوقة أحكيلك أنا إللي حصل الست تعبت بردوا في حكي رد فعلي"كملت بصوت عالي ونبرة غاضبة" أنا كنت نايمة وصحيت علي صوت أكياس بتتحرك في المطبخ فقومت مڤزوعة وخرجت بره أشوف في إيه لقيت مامتك فاتحة الثلاجة وعمالة تتطلع أكياس فراخ من الفريزر إضايقت إنها فتحت الباب عليا من غير ما تخبط حتي الأول!! ومع ذلك إبتسمتلها وقولتلها صباح الخير يا حماتي حضرتك بتعملي إي راحت قايلالي بكل برود بأخد فراخ من الفريزر عشان أعمل أكل لبناتي وإجوازهم أصلهم جاين النهاردة إضايقت أكتر إنه حاجة بيتي بتتاخد من غير إذني والله لو كانت قالتلي كنت هديهوملها وأنا فرحانة إنها قدرت وجودي وكنت هنزل أطبخلها بنفسي بس لاء إزاي ومع ذلك بردوا فضلت مبتسمة في وشها و قولتلها ينوروا يا حماتي بس مش تقوليلي وتعرفيني وأنا كنت نزلتلك إللي عايزاه راحت لوت بؤها وقالتلي هو لازم أخد الاذن من ست الحسن والجمال عشان أخد حاجة من ثلاجة إبني جايبها بفلوسه هنا بقي وبجد كنت هنفخر فيها خلاص كانت طاقة تحملي خلصت يا يوسف وعشان منفجرش وأضايقها بكلامي سبتها ودخلت الأوضة"كملت بصوت مخټنق ودموعي بتنزل" ها يا حبيبي عرفت بقي دخلت وسيبتها ليه
سكت وفضل باصصلي كتير من غير ما ينطق ولا كلمة بس صح هينطق يقول إيهو معندوش كلام يقوله أصلا وإن فتح بؤه وإتكلم أكيد مش هيغلط أمه وهيحطلها ألف عزر
إبتسمت بسخرية من وسط دموعي وكملت ساكت يعني معندكش كلام تقوله ولا بتدور علي عزر ولا صح هتقولي معلش هي أكيد متقصدش متعشمة فيكي وبتتعامل معاكي زي بناتها ولا يمكن هتقولي وفيها إي لما تأخد من الثلاجة حاجة من غير ما تستأذن ولا تقولك حتي مهي أمي وتعمل إللي هي عايزاه
فضل ساكت شوية وبعدين مد إيده لخدي مسح دموعي و إتنهد مش هقول حاجة
سابني و خرج من المطبخ ودخل الاوضة !!! هو دة إللي ربنا قدره عليه طب أروح أتخانق معاه دلوقت يعني أنا هروح أتخانق وأطين عيشته دة دة حتي متطايبش خاطري!! 
دخلت وراه الأوضة كان لسة هيبدا يغير هدومه
خدت نفس طويل يوسف أنا هروح أقعد عند بابا كام يوم ممكن محتاجة أبعد عن جو البيت وأصفي ذهني شوية 
"شوفتوا الخناقة عيب مش قولتلكم هتخانق معاه أنا مرجعش في كلمتي أبدا "
بصلي بتعب حاضر هأخد دش وأودي.....
قطعت كلمته مأنا أصلي عارفة هيقول إي دة جوزي بردوا لاء متتعبش نفسك