امي سړقت دهبي _كامله_بقلم هويدا زغلول

دقيقه واحده يا عمتي تقريبا ماما نامت تاني هروح اصحيها..
العمه 
عادي يا حبيبي وقول ليها لو مكسوفه تخرج تسلم عليا انا مش بتكسف وهدخل بنفسي عندها.. ودخل هشام وانا قومت وقولت..
نيره 
بعد اذنك يا عمتي انا داخله اشوف امنيه اتاخرت ليه طبعا ده بيت اخوكي وزي بيتك بالظبط هاا زي بيتك بس هو مش بيتك... ودخلت المطبخ..
امنيه 
بقول ليكي ايه يا نيره عيب اللي انتي بتعمليه ده مع عمتي اتقي الله شويه دي برضو اخت ابونا..
نيره 
يا اختي سيبت الحينيه دي ليكي انتي المهم انتي اوعي تقولي لامك ان الدهب بتاعك معاكي واقلعي الحلق ده يلا وشيليه..
امنيه 
وليه بس كل ده يا نيره هي امك من امتي قالت هاتو حاجه دي هي البي خيرها سابق..
نيره 
ما هو جه دلوقتي الوقت انها تاخد الخير ده وانتي لاوم تقولي ليها انك بعتي الدهب عشان اي حاجه والا هتاخد دهبك ودهبي وتبيعهم وتجوز المحروس اخوكي..
امنيه 
يا شيخه اتقي الله شويه ده انتي لسه قايله بلسانك خيرها سابق هي واخوكي اللي مش بيستكترو فينا اي حاجه..
نيره 
يا اختي لما يبقي معانا ندي ولما تبقي امك مش معاها انما هي اهي مستكتره تجوزو معاها في شقتها وعايزه تاخد شوية الدهب اللي شايلينهم للزمن..
امنيه 
معاكي حق انا برضو خاېفه اديهم ليها وتحصل حاجه وامشي من هنا واترمي انا وجوزي وبنتي في الشارع...وكمان ممكن اسلام يقلب الدنيا لانه طلب مني الدهب يعمل بيه مشروع وانا رفضت...
نيره 
ايوه بس كده وامك لما هتلاقينا مش معانا ڠصب عنها هترضي تخلي اخوكي يتجوز في ابشقه بتاعتها..
_وفجاه سمعنا صوت امي وعمتي پيتخانقو طلعنا بسرعه عشان نشوف في ايه لقينا امي بتقول..
الام 
ده حقي وحق عيالي انتي ملكيش فيه فاهمه ولا لا..
العمه 
لا كان ليا ده بيت اخويا وانا ليا حق في اخويا اللي خد تحويشت عمري وبني بيها البيت يس انتي زنيتي عليه وخلتيه كتبه باسمك انتي..
الام 
احنا هنلف وندور علي بعض ما انتي كان بيتصدق عليكي بالاكتر من ده كله نسيتي ولا ايه ده انتي اكلك وشربك وهدومك دي كانت من

خير جوزي..
هشام 
يا ماما ازاي بتقولي ايه ارجوكي بقي كفايه كده..
نيره 
سيبها يا هشام خلي كل واحد هنا يعرف مقامه واخره ايه..
امنيه 
اسكتي يا نيره وانتو يا جماعه خلاص الناس اتفرجت علينا..
العمه 
بقول ليكي ايه يا مرات اخويا انا كنت حالفه ان بيتك ده بتحرم عليا ادخله ولا اجي عندك ابدا 
.
الام 
وايه يا اختي اللي خلاكي تهزي رجلك وتيجي ما كنتي سبيتها مرتاحه..
العمه 
اللي جابني الواد هشام ابن اخويا اللى انتي وبناتك نهبتو حقه وان البيت ده اولي حد بيه هو هشام ويكون في علمك انا لو سكت زمان علي حقي مش هيكت علي حق الواد ده..
الام
وانتي مالك ام وعيالها انتي ايش حشرك بينا ولا فهمك في المواضيع دي ما انتي طول عمرك لوحدك لا تعرفي يعني ايه جواز ولا عيال....
هشام 
ما كفايه بقي با امي عمتي كل غرضها انك توافقي اتجوز معاكي في الشقه هنا..
الام 
وانا ما حدش هيقول ليا اعمل ايه ولا ما اعملش ايه. وشقتي ما حدش هيتجوز عندي انتو فاهمين..
العمه 
وانتي مالها يختي شقتك لو ابنك اتجوز عندك ولا لا ولا تكوني عايزه تفضي الشقه عشان تتجوزي فيها مش هستبعدها..
الام 
اما انك وليه مش محترمه صحيح امشي اطلعي بره واياكي اشوفك في بيتي تاني ما تعرفيش وقتها انا ممكن اعمل فيكي ايه.. ومشيت العمه..
نيره 
شايفه ابنك حبيب قلبك يا ماما اهو جايب عمتنا اللي طمعانه فينا يدخلها وسط مشاكلنا