يوسف هيخطب مريم
انت في الصفحة 1 من 6 صفحات
الحلقة الأولى
_يوسف هيخطب مريم
ايه
نزلت الجملة صډمه علي دماغي مش صډمه واحده لاء أثنين والأثنين أكبر من بعض
يعني ايه!!!!
يوسف ده ابن عمي وحب حياتي معقول قلبه دق لغيري!!!!والأصعب أنه دق لمريم!
أعز صديقه ليا!!!
اللي عارفه قد ايه أنا بحب يوسف وهو مش حاسس بيا
فوقت من صدمتي علي صوت ماما
_يا ريم روحتي فين
اتكلمت بنرفزه_يعني ايه هيخطبها وإزاي أصلا!!!
_دي العيله كلها عارفه إني بحبه يا ماما حتي عم عبدو البواب بتاع البيت!!!حتي عم جمال بتاع أمن الكلية!!!!
بس هو!!! هو ليه مش حاسس بيا
أتكلمت ماما بحزن_حقك علي عيني يا حبيبتي هو ميستاهلش ربع حبك أصلا
اتندهت_الخطوبه أمتي
بحزن_ بكرة
_تمام لو سمحت سبيني شوية يا ماما لوحدي
بصتلي بحزن وطلعت برا
أنا عملت ايه لكل ده!
أنا حبيته بقلب صادق!!
بس تمام هو اختارها وهي غدرت بيا براحتهم يتهنو ببعض
قومت غسلت وشي من الدموع ولبست لبس مريح شوية وطلعت لماما
_ماما
عيونها
_أنا هنزل أشتري فستان عشان خطوبة يوسف
بصتلي بحزن_مش عايزاكي تبقي زعلانه بسببه
اتنهدت_خلاص يا ماما هو أختار غيري الحب مش بالعافيه
وبس هو ده
بالفعل اشتريت الفستان وروحت اشتريت شوية ميكب وروحت البيت
إحنا بيت عيله مكون من ٣ أدوار
الدور الأول جدو وتيته
الدور التاني أنا وماما
وبابا توفى
الدور التالت يوسف وأهله
طلعت علي الدور الأول روحت علي شقه تيته عشان اوريها هي وجدو الفستان لقيت يوسف في وشي
رديت ببرود_كويسه
اتكلم ببرود_متنسيش خطوبتي بكره مع
قاطعته بابتسامه باردة_مريم صحبتي عرفت يا يوسف مبروك
ومشيت من قدامه مستنتش يرد دخلت عند تيته وجدو حضنتهم ووريتهم الفستان
تيته_حلو أوي يا حبيبتي هيبقي سكر عليكي
جدو بحنيه_زي القمر حبيبتي تعيشي وتشتري
_حبايب قلبي ربنا ميحرمني منكم
يوسف ببرود_مش شايفه أن الفستان مكشوف شوية
_يلا يا حبايبي تصبحو علي خير أنا طالعه وممكن منزلش انهاردة تاني
ودعتهم وطلعت الشقه كنت تعبانه جدا دخلت أخدت شاور وطلعت نمت نمت عشان لو صحيت مكنتش هبطل تفكير
تاني يوم صحيت كانت الساعه ٢ فطرت ودخلت أخدت شاور عشان أجهز عشان الخطوبه
الخطوبه كانت علي الساعه ٥ كانت جزء منها نهاري
وبدأت أحط ميكب كامل بس خفيف مش بحب الميكب التقيل لأن أنا ملامحي حلوة من غير حاجة خلصت ولبست الهيلز وعملت شعري ويفي
كانت الساعه ٤ فنزلت لماما كانت عند تيته وجدو أول م دخلت
تيته_أوبا ايه القمر ده
جدو بغمز_ الأحمر علي الأسد بيمنع الحسد
تيته بغيره_أيوووب
ضحكت عليهم حقيقي مهما يكبرو هما زي مهما سكر
ماما قربت مني بحنيه_أنت كويسه حبيبتي
بوست ايدها بحب_ بخير طول مأنتم معايا
وفجأة سمعت صوته ورايا وتقريبا كان متعصب_ايه الفستان ده
بصيت له بهدوء عكس اللي جوايا واتكلمت ببرود_ماله الفستان م زي القمر قدامك
جز علي اسنانه_ أنت هتروحي كده البسي چاكيت فوقيه حتي
أتكلمت ببرود_لاء وأصلا واقف معانا ليه المفروض تروح تجيب خطيبتك من الكوافير يا عرييس
جز علي سنانه ومشي پغضب وأنا بصيت له بأنتصار
روحنا كلنا القاعه كلو وصل قبلنا بس عربيتنا اتأخرت شوية اللي كان فيها جدو وتيته وماما وأنا
دخلت القاعه بثقه وابتسامه باردة معاهم وتقريبا كل العيون بقت عليا
دخلت بهدوء وقعدت جنب بابا وكان يوسف باصصلي پغضب وكنت ببادله بابتسامه باردة قربت منهم عشان أسلم عليهم وقولت ببرود
_مبروك
