مرات ابني عقربه
يا استاذ مراد بلاش تخلوها تطلع وتنزل كتير الحجه صحتها علي قدهاا..
ادايق مراد وقال
حاضر يا طنط بعد اذنك يلا يا ماما...
_اخد مرات مامته ودخلو الشقه وانا عملت نفسي طالعه من المطبخ وقولت بتمثيل..
نيره
انتي جيتي يا ماما كل ده تاخير قلقتيني عليكي مش انا قولت ليكي بلاش تنزلي ايه ده انت جيت يا حبيبي..
مراد بعصپيه
نيره
والله ما حصل يا مراد ده انا اتحايلت عليها وقوللتلها بس تخلي بالها من لوجي لحد ما اجيب الطلبات بس هي رفضت وقالت ليا انها عايزه تنزل تحرك رجلها شويه وحتي اسال لوجي...
مراد
انا لا هسأل لوجي ولا غيره اول واخر مره تتكرر..
خلاص بقي يا ابني ما حصلتش حاجه مراتك قالت اللي حصل انا كنت عايزه انزل اتمشي شويه بدل الحپسه اللي في البيت..
مراد
تمام يا ماما بس برضو عشان خاطري بلاش تتعبي نفسك اووي كده..
ام مراد
حاضر يا ابني ربنا يخليك ليا ويبارك ليا فيك يا حبيبي انت واختك..
مراد
وما يحرمناش منك ابدا يا ماما ممكن بقي تدخلي ترتاحي لحد ما نيره تجهز لينا الغدا..
طط طيب انا اساعد نيره الاول عشان ما تتعبش..
مراد
وايه اللي هيتعبها بس يا امي لو سمحتي ادخلي ارتاحي ولو حصل وعرفت انك عملتي اي شغل في البيت هزعل اووي منك..
ام مراد
لا با حبيبي وانا مرضاش ازعلك ابدا..
_دخلت حماتي نامت واخدت الخضار والحاجه وفضلت اجهز في الغدا وطلعت الاكل وحماتي حات تاكل وكان مراد بيأكلها بنفسه وقالي ادخل اديها العلاج ودخلت رميته ليها في وشها وقولت
خدي اطفحي اللهي تبقي اخر مره تاخديه ونخلص منك بقي..
الحما
والله يا بنتي ما كنت اقصد
نيره
لا انتي كنتي تقصدي هو انا مش عارفاكي يعني انتي اتاخرتي تحت عشان مراد يرجع ويعرف اني ببعتك تجيبي الطلبات ويزعقلي بس وحياة امي لا اوريكي الوش التاني يا عقربه انتي..
الحما بدموع
ليه بس كده يا بنتي ده انتا بحلف ليكي اهو واقولك اني تعبت علي السلم والست ام ايمن اللي في الدور اللي تحت قالتلي ارتاح عندها شويه..
بطلي بقي تمثيل وكدب حتي عيب علي سنك ده انتي وليه كبيره رجلها في القپر ورجل من بره اتقي الله شويه..
الحما
انا برضو اللي اتقي الله طيب اعرفي انتي ربنا الاول وبعدين اتكلمي واعرفي ان الدنيا سلف ودييين..
نيره
اخلصي خدي علاجك واعملي حسابك ابنك هيمشي بكره علي شغله وانا هعرف ازاي اربيكي علي كبر..
منك لله يا شيخه حسبي الله ونعم الوكيل فيكي..
_وتاني يوم قومت من النوم وجهزت الفطار لجوزي وقعدت افطر معاه وقالي.
مراد
ما تنسيش تصحي ماما وتفطريها في معاد العلاج بتاعها..
نيره
عيب عليك والله يا مراد انت هتوصيني علي امي طيب اسالها انا في يوم ما عملتش كده معاها من يوم ما جات هنا بس هي بقي الله يسامحها..
مراد
ليه بس بتقولي كده حصل ايه..
مثلت الحزن وقولت
شوف امك واختك بيعاملوني ازاي علي طول اختك تيجي تزعق فيا وتقولي اني بتعب ماما وماما تكملها عليا هي كمان وتقول ليها انها مش بترتاح غير عندها وعند حسين.. ده حتي المعاش بتاع الشهر ده اديته ليها..
مراد
انا ما ليش دعوه بالمعاش هي حره فيه انما اختي وجوزها انا هعرف اتصرف معاهم يا حبيبتي المهم انتي ما تزعليش..
نيره
يا حبيبي مش هزعل كفايه قدام ربنا انا مش بعمل ليها حاجه وچشه وكمان
