ارمل عايزه تجوزني ارمل ياماما بقلمى هاجر عمر
كان زوجة عمه و جدة اولاده
مرات عمى انا ما اسمحلكيش تكلميها كدا
هاجر مراتى و الكلمة ال تجرحها تجرحنى كرامتها من كرامتى
ما اسمحش انك تهنيها او تزعليها بكلمة واحدة و بعدين هى ما عملتش اى حاجة تستاهل ال انتى عملاه دا
حتى لو عملت مش من حقك تحاسبيها او تلوميها انا جوزها و هى مسؤولة منى انا و ما اسمحش لحد على وجه الارض ييجى عليها طول ما انا موجود
تشجيع كتير بقى عشان تعبت ف البارت دا
و كمان كدا يعتبر بنزل بارتين ف اليوم
يا ريت بقى تفاعل كويس
عشان النفسية يا دوب
حطى لاف و انتى ماشية مش بعد الكلام دا كله تستخسريى جاك داء السل
هاجر_عمر
تزوجت_أرمل
تزوجت أرمل
Part 11
مرفت اټصدمت من اندفاعه
و كلامه و دفاعه عنها تداركت انها لازم تتراجع عشان ما تخسرهوش و يبعد احفادها عنها
بصت لهاجر بغل و كره و حقد و رجعت بصت لمؤيد و تمثل الانكسار و تلومه
كدا يا مؤيد .. ترفع صوتك عليا ! عمرك ما عملتها حتى لما كنت بزعق لهيام قدامك معقول هى اغلى عندك من هيام ! هيام ال حبتك اكتر من روحها و كانت شيلاك فوق راسها و تتمنالك الرضي ترضى
مرات عمى ما تحاوليش تفتحى دفاتر قديمة .. مين جاب سيرة هيام دلوقتي ! احنا بنتكلم عن هاجر دلوقتي هى ما غلطتش و انتى بتجرحيها بكلامك سجدة وقعت و هى بتلعب عادى زى اى طفلة شقية شوية يبقى نقول قدر الله وماشاء فعل مش نقعد نرمى تهم على حد و نظن سوء ف الناس
و تانى بقولك هاجر مراتى مش هسمح بكلمه تجرحها .. ال ېجرحها يجرحنى
حقك عليا يا بنى ما كنتش اعرف انى مش مهمة عندك كدا انا بس من زعلى على حفيدتى ما عرفتش افكر
لف وشه بضيق يحاول يدارى ضيقه
حصل خير يا مرات عمى
دا كله هاجر متابعاهم و دموعها ف عيونها من الاټهامات ال بتتوجهلها بس مسحت دموعها اول ما مؤيد دافع عنها و فرحت جواها بدفاعه و ثقته فيها
معلش يا بنى انا عايزة اخد سجدة تقعد معايا لحد ما تخف عشان اتطمن عليها او اقعد معاكو هنا يومين على ما اتطمن انها بخير
مؤيد سكت مش عارف يقولها ايه ! هو يستحيل يوافق بنته تبعد عنه خصوصا و هى تعبانة يعنى محتاحة رعاية تامة هو اه واثق من مرات عمه لانه عارف حبه لاولاده
بس بردو مش هيستحمل بعدها عنه
و لا ينفع تقعد معاه ف البيت هتفضل ټسمم مراته كل شوية بكلامها
.. هو واثق ف هاجر و انها مش هترد الاساءة و هتستحمل عشانه بس هو مش هيستحمل انها تتجرح كل شوية من كلام مرات عمه خصوصا انه مش ف البيت طول اليوم و مش عارف ممكن تعمل ايه مع هاجر و هو مش موجود
طب وبعدين !
اتنهد بحيرة و قرر انها تقعد معاهم انهاردة و بكرة يشوف حل لانه ما ينفعش يرفض
معلش يا مرات عمى ما ينفعش تاخدي سجدة معاكى عشان علاجها و محتاجة رعاية .. لكن مفيش مانع انك تقعدى معاها هنا
ردت بفرحة
تسلم يا حبيبي .. ربنا يخليك ليهم و ما يحرمهومش منك
ختمت كلامها و هى بتبص لهاجر بمغزى و بعدين بصت لسجدة بحنان
تعالى يا سجدة ارتاحى ف اوضتك شوية يا حبيبتي .. تعالى يا يزن انت و يامن عشان ترتاحوا يا حبايبى و بعدين انتوا واحشينى اوى
خدتهم و هى بتضحك جواها بانتصار و حقد و بتكلم نفسها
انا هوريكى ان ما قلعتك من البيت دا ما ابقاش مرفت
مؤيد فضل مراقب مرفت لحد ما دخلت اوضة سجدة و الټفت لهاجر بأسف
هاجر انا
قاطعته بسرعة و على وشها ابتسامة
ما تقولش حاجة يا مؤيد .. انت مش محتاج تبررلى اى حاجة
مؤيد بصلها بحب
انا عارف ان وجودها هنا مش صح بس ما ينفعش اتطردها دى مهما إن كان مرات عمى
ابتسمت بهدوء
يا حبيبي و انا عمرى ما هطلب كدا و لا عمرى هعملها .. كفاية وقوفك جنبى و دفاعك عنى دا عندى بالدنيا و ما فيها و قصاد النظرة ال شيفاها ف عيونك ليا انا استحمل اى حاجة ف الدنيا
ربنا يخليكى ليا و يقدرنى على سعادتك
و يخليك ليا يا حبيبي
بصلها بمكر
قوليها تانى كدا
عقدت حواجبها باستغراب
هى ايه !
ابتسم بخبث
يا حبيبي
ختم كلامه ب غمزة
خبطته ف كتفه بخفة
مؤيد !
بصلها بهيام و حب
عيونه و قلبه
بس بقى يا مؤيد انا هدخل اجهز العشا
سابته و هربت من قدامه على اوضتهم تغير هدومها
وقف يضحك عليها
طب استنى اساعدك
دا كله كان ف عيون بتراقبهم پحقد و غل و كره و تنوى بالاا و الف لا انها تترك هذه الفتاة
بأخذ مكان عزيزتها و فلذة كبدها لن تترك اخرى تأخذ بيتها و زوجها بل و الادهى اولادها
رجعت مرفت غرفة سجدة و هى بتنوى الشړ و تكيد المكائد .. قربت من من سجدة و رسمت على وشها ابتسامة
قوليلى يا سجدة ايدك بټوجعك يا حبيبتي !
سجدة بصتلها ببراءة
لا يا تيتة .. بس مضيقانى اوى و مش عارفه احركها
قعدت جنبها ع السرير و مسكت ايدها المصاپة باستها بحنان
معلش يا حبيبتى بكرة تروق و تبقى زى الفل و ترجعى تحريكها تانى
بصتلها بمكر
الا قوليلى يا سجدة هى هاجر هى ال وقعتك !
بصتلها
لا يا تيتة انا وقعت و انا بلعب مع يامن و يزن
بصتلهم بدهاء
اكيد مرات ابوكوا هى السبب
يامن بصلها بعدم فهم
بس يا تيتة طنط هاجر كانت ف الطبخ ما لهاش دعوة سجدة وقعت من ع السرير و احنا بنلعب
بصتله پحده و ڠضب
ما تقولش طنط دى مرات ابوك و بس دى عايزة ټخطف ابوكوا منكوا
اتحكمت ف ڠضبها و اتكلمت معاهم بنعومه عشان تقنعهم
انتوا مفكرين انها تاخدهم عند اهلها كدا صدفة و لا من حبها فيكم ! مفيش مرات اب تحب ولاد جوزها .. دى عايزة تطفشكم واحدة واحدة انهاردة خدتكم بيت ابوها و كسرت ايد سجدة بكرة يا عالم هتعمل فيها و فيكم ايه !
و ابوكم هيصدقها ف كل حاجة تقولها مش هو بيزعقلكم لما بتضايقوها !
هزوا راسهم بموافقة
ايوا بسهى ساعات بتطلب منه ما يزعقش لينا و ساعات كمان بتنكر اننا بنضايقها
بخبث
دى بتمثل عليكم و على ابوكم عشان تبين انها طيبة و بتحبكم و واحدة واحدة تكره ابوكم فيكم و تطلب منه انه يطردكم من البيت و هو طبعا ما هيصدق لانه بيسمع كلامها و مش بيرفضلها طلب
مش هى لكا بتطلب منه انه ما يزعقلكوش بيسمع كلامها !
هزوا راسهم بموافقة
كملت بدهاء
طب لو حد فيكوا اعتذرله او قولتوا انكم ما عملتوش حاجة بيقبل اعتذاركم !
مؤيد بحيرة
لا
شوفتوا بقى انه بيسمع كلامها بس يعنى المفروض انتوا ولاده حبايبه يصدقكوا انتوا مش هى و يسمع كلامكوا انتوا شوفتوا بقى انها اول ما تطلب منه يجردكم من البيت هيتطردكم علطول عشان يراضيها
سجدة پخوف و حيرة
طب و بعدين يا تيتة احنا مش عايزين نبعد عن بابا
بصتلهم بانتصار انها حققت ال هى عايزاه و كملت بخبث
انا هقولكوا
هاجر_عمر
تزوجت_أرمل
Part 12
مرفت لمتهم حواليها عشان الصوت و كملت بخبث
بصو بقى انتوا هتعملوا ....
هاجر دخلت اوضتها طلعت بيجامة بيتى بكم و بتلف عشان تروح الحمام لقت مؤيد داخل و بيقفل الباب وراه و على وشه ابتسامة
هاجر عقدت حواجبها باستغراب و خجل
خير يا مؤيد عايز حاجة !
مؤيد بابتسامة مطمئنة
هغير هدومى
رفع حاجبه بمشاكسة
و لا ممنوع !
ضحكت بخفية
لا مش ممنوع انا داخلة اغير ف الحمام
سابته و دخلت الحمام و هو طلع تيشرت و بنطلون بيتى و غير هدومه و قعد على طرف السرير استناها لما خرجت
خرجت بعد ما بدلت لبسها و عاقدة شعرها كحكة و بتنشف وشها
فضل يراقبها و على وشه ابتسامه
خدت بالها انه لسه موجود و نظراته ليه ابتسمت بخجل
مالك بتبصلى كدا ليه !
رفع حاجبه باعتراض
هو عيب ابص على مراتى و لا ايه !
اتنهدت بحب و خجل
انا هروح احضر الاكل
كانت هتخرج بالبيجامة بس افتكرت ان جدة اولاد مؤيد موجودة .. ما حبتش تبقى على اريحية قدامها من غير حاجة هى مش سالمه من لسانها و لا كلامها ال يسمم و مش عايزة مشاكل زيادة لبست اسدال و خرجت ع المطبخ و مؤيد دخل معاها و مد ايده ياخد طبق السلطة و بيقطعها
بصتله بتساؤل
انت بتعمل ايه !
هز كتفه و هو بيقطع
بساعدك .
شدت من ايده الطبق و السکينة و بعدتهم
يا حبيبي انا مش محتاجه مساعدة و بعدين انا هعمل ايه يعنى ! الاكل موجود و يدوب هسخنه بس
مسك خدودها بمشاكسه
حبيبتى اشطر بنوته يا ناس .. و بعدين انا بحب اقطع السلطة عشان افضل جنبك ف المطبخ
ختم كلامه بغمزة
ساب خدودها و شد طبق السلطة يكمل تقطيع الخضار
هزت دماغها بقلة حيلة من اصراره و على وشها ابتسامة
سخنت الاكل و بدءوا يحطوه ف اطباق سوا و يخرجوه على السفرة
هاجر و هى بتحط اخر طبق ع السفرة بصت ناحية اوضة سجدة و بتكلم مؤيد ال بيحط الطبق ال ف ايده هو كمان
هو طنط و الاولاد ما خرجوش ليه !
بص للاوضة و عقد حوجبه بغموض و شك
من مرات عمه و اجتماعها المغلق باولاده و شيئ من القلق اتسرب لقلبه و اتكلم و هو بيبص للباب
ثوانى هروح انادي عليهم
اكتفت بابتسامة ليه و هو راح خبط على الباب
سجدة .. مرات عمى انتوا صاحيين !
مرفت بتوتر بتحاول تداريه
اه .. اه يا حبيبي
عقد حواجبه باستغراب و شك اكبر انها ما سمحتش انه يدخل و لا حد فتح الباب
طيب يا مرات عمى العشا جاهز يا ريت تتفضلى انتى و الاولاد يلا يا يزن يلا يا يامن
بصت مرفت للاطفال بمعنى انهم يسكتوا
ماشي يا حبيبى روح انت و انا هجيب الاولاد و هحصلك
مؤيد استغرب انه مش سامع صوت حد و بدأ يفكر انه لازم يبعد مرات عمه من البيت باسرع وقت لانه خاف على هاجر منها و من انها تحرضهم على هاجر
مرفت بصتلهم بمكر
زى ما قولتلكوا بقى هتعملوا ماشى يا حبايبى .. اتفقنا !
كلهم ف صوت واحد باصرار و تحدى
