سر الذهب

انا ست عاديه جدا
وتصرفاتى عاديه عايشه حياتى ذى اى وحده
ام لى 3 اطفال جوزى مسافر بس الظروف معاه في الشغل مش تمام وبندعى ان ربنا يفرجها علينا من وسع
عايشه في بيت صغير جدا ضيق لكن عندى بيت قديم تانى
عوزين نهدوا ونبنيه اكبر واسع بس لسه الظروف مش مساعده خالص
كل حكاياتى انى لما صحيت من النوم افتكرت حلم كده حلمتو انى كان معايا كميه دهب وروحت بعتهم لواحد جوهرجى معرفه واعطانى فيهم 100000 ميه الف

طبعا ضحكت كده وقلت يااااه لو كان حقيقي
كانت الفلوس دى حلت معايا مشاكل كتير
وساعددتنى اعمل حاجت كتييير
قلت الحمد لله على كل حال
لكن المفجاه بقا انو مكنش حلم ايوة مكنش حلم
لانى ببص جمبي على الكمدينو لاقيت كيس بفتحو لاقيت فيه ال ميه الف جنيه
ايه ده دول فلوس حقيقه طب جوا ازاى وامتى
يعنى انا مكنتش بحلم يعنى فعلا اكون بعت دهب وجبت الفلوس
طب الدهب انا جبتو اصلا منين انا معنديش دهب
طب اعمل ايه اتاكد ازاى من كل ده
قررت انى اروح فعلا لى الجوهرجى اللى ممكن اكون حلمت وممكن لا
روحتلو راح اول مااشافنى ضحك قالى
انتى لسهه مصممه احلف مصحف ولا ايه
استغربت جدا مصحف ايه الحكايه
قلتلو مصحف ايه مش فاهمه
بصلى بستغراب وقالى انتى مالك فيكى شي
قلتلو لا بس تعبانه شويه معلش
قالى انا كنت شاكك في كده امبارح انك مش طبيعيه
قلت في نفس امبارح هو شافنى امبارح يعنى مش بحلم يعنى انا فعلا جتلو وبعت دهب وخد فلوس
قررت انى استعبط عليه عشان احاول افهم منوا ايه ال حصل من غير ميشك في امرى
قلتلو الفلوس اللى معايا ناقصه طبعا كنت متوقعا يقولى فلوس ايه
لكن لاقيت ردوا يثبت انى فعلا مكنتش بحلم
قالى لا الفلوس كامله ده انا اللى مفروض يكون ليا عندك جرامين دهب بس انا حسبتك عليهم وسبتلك الفلوس كامله
قلت ف نفسي ايه ده بجد طب انا مش فاكرا حاجه طب انا جيت هنا امتى طب اعمل ايه انا فعلا فكرا حاجه
خفت اتكلم واقلو مش فاكرة حاجه ميصدقنيش او يقول عليا حاجه
قررت انى اروح ومتكلمش شلت الفلوس وسكت
جينا بعد اسبوع الموضوع اتكرر تانى قمت من النوم لاقيت فلوس بس المرادى مبلغ لا يصدقه عقل مليون جنيه
لا اله إلا الله يارب الفلوس دى جتلى منين وازى
خد الفلوس وانا مصدومه ومش مصدقه الفلوس دى جتلى من فين رجعت تانى للجوهرجى اول مشفنى راح قالى ايه الفلوس برضه ناقصه
اصدمت ووشي حمر ومعرفتش ارود عليه تقريبا انا في ورطه انا بمشي وانا نايمه ولا ايه
طب لو بمشي وانا نايمه الدهب اللى ببيعوا ليه ده بجيبو منين
طبعا بعد مرحت للجوهرجى واتاكد انى مش بحلم
وانى فعلا بجيبلو دهب وباخد منوا فلوس قررت انى اصبر كمان عن كده
ومتكلمش قدامه بحاجه يعنى مقلوش انى مش بفتكر شي غير تانى يوم وانى معرفش انا بجيب الدهب منين
قلتلو انا هجيلك ف وقت تانى وروحت
صبرت ايام وايام عشان اشوف هيحصل معايا ايه
اقيت الموضوع رجع اتكرر تاتى ولاقيت المرادى مش فلوس لاقيت شيك شيك فلوس بمبلغ 50 مليون ممضي من الجوهرجى كنت هجنن واقعد ابكى على حالى اللى مش عارفه انا بعمل ايه وايه اللى بيحصلى
خفت اتصل بجوزى واحكيلو اكون انا لاقدر الله بعمل شى غلط وانا مش في وعى
قعدة محتاره كتير لحد مقررت
انى اروح للجوهرجى بحجه انى عوزا اشغل فلوسي في مشرؤع وابداء اشوف كلامه معايا واحاول افهم منوا انا بعمل ايه وايه قصه