واحد من اصحابي راح يخطب

السلام عليكم ورحمه الله وبركاته

واحد من اصحابي راح يخطب اهل العروسه طلبوا منه شبكه ب ٢٠٠ الف جنيه مع ان الاسرتين متوسطى الحال

_ افتكرت قبل ما اجيب شبكه قعدت مع مراتى و فهمتها كل ظروفي و امكانياتى و هى بلغت اهلها و يوم ما زورناهم والدها قاللى الشبكه دى هديه منك و حتبقي بتاعتك في يوم من الايام فلا ترهق نفسك بما لا تتحمل

_ وقت التجهيز في حاجات عجزت معايا خطيبتى باعت جزء من شبكتها من غير ما تعرف اهلها و نزلنا اشترينا الحاجات الناقصه انا و هى

_ حمايا علشان عارف ان الجواز اخد كل الميزانيه لقيناه حجزلنا شهر العسل من غير ما يقول كانه هديه علشان مرفضش او يحرجنى

– لما جيت اتجــوز قبل كتب كتابي بيوم كتبت كل العفش و الشبكه و عملت القائمه و روحت اديتها لحمايا من غير ما يطلبها بعد الجواز باسبوع حمايا جالى يزورنى و اداهالى و قاللى انا مديلك اللى اغلى من الخشب و الملايات و الحلل

_ في اول جوازنا كانت حماتى و حمايا لما ييجوا يزورونا مكنوش يجيبوا حلويات او شيكولاته كانوا يجيبولنا فراخ بانيه و لحمه و كراتين بيض علشان عارفين اننا في اول حياتنا و دول اهم من الحلويات عندنا

كل ما ازعل من مراتى افتكر الحاجات دى و انسي الزعل

كل ما ربنا بيكرمنى بفتكر ان هى و اهلها عمرهم ما ارهقونى و لا حملونى فوق طاقتي بحاول اردلهم جمايلهم عليا و بحافظ على بنتهم

كل ام و اب لازم خصوصا الفترة دى يشوفوا ان العريس اللى جاى لبنتهم هو ابن ليهم مش مستثمر خليجى بيشترى شاليه او فيلا دة واحد حيكون قرابته ليهم قرابه ډم و عمر طويل فالمقدمات دائما تؤدى للنتائج فزى ما حيسهلوا عليه في البدايه حيفضل فاكرلهم جميلهم و معروفهم و كل ما حيصعبوا عليه الموضوع و يرهقوة زى ما هو حيــشوف الموضوع مجرد شروة و حييجى وقت و يبيع

لو حسيت ان اللى جايلك راجل و ابن أصول اقف معاه هييجى يوم يبقي هو سندك

بناتكم اغلى من كام غويشه بنات الأصول ميتاقلهاش دهب .. يسروا ولا تعسروا

_ منقول
لا حول ولا قوة إلا بالله