خلاص بقى يا مريم مش عارفه ابطل احب هو بايدي

_خلاص بقا يا مريم قولتلك مش عارفه ابطل أحبه هو بإيدي يعني اكرهه في يوم وليله!!
_يا أفنان والله العظيم انا خاېفه عليكي مش هو أخويا بس ميستهلكيش ومش بيفكر فيكي وبيفكر في غيرك يبقا ليه تحبيه اللي يرميكي يا حبيبتي انسيه وارميه من دنيتك خالص.
_خلاص يا مريومة هفكر ف كلامك المره دي بجد ربنا مايحرمني منك أبدا يلا بقا علشان السيكشن.

دي مريم أعز وأغلي صاحبه ف حياتي احنا اللي اتنين من صغرنا مع بعض واللي بتتكلم عنه ده أخوها أدهماللي معرفش انا بحبه ولا هو مجرد تعود لاني بشوفه معظم الوقت او حتي من كلامهم وتلميحاتهم ليا من واحنا صغيرين كأنهم طبعوا الكلام ف دماغي وانا منسيتهوش لكن هو ولا شايفني كل يومين يتسلي بواحده شكل ولا كأني موجودة ولا حتي عنده أخت بنت وشايفاه ..مريم عندها حق ف كل حرف قالته انا من النهارده هشيله من تفكيري خالص وهدعي ربنا يعيني علي نفسي...
دخلنا المدرج وقعدنا قدام عشان نفهم ونسمع من كمية البنات اللي بتفضل تتكلم ع الدكتور بجد مش عارفه ازاي مش بيتكسفو ولا بيخافوا من ڠضب ربنا يلا ربنا يهديهم كلهم...
_مريم عشان خاطري قولي للدكتور يعيد الجزء ده تاني.
_وانا مالي يا حبيبتي قولي انت.
_ماشي يا مريم ابقي اشوفك تطلبي مني حاجه لمده اسبوع.
استجمعت شجاعتي وقولت..
_لو سمحت يا دكتور ممكن تعيد الجزئية دي تاني.
_تمام يا أفنان ركزي معايا.
_تمام يا دكتور.
لحظة كده هو عارف اسمي!!! يلا المهم اني افهم..
_تمام كده يا أفنان ف حاجه تاني عايزها.
_لا يا دكتور شكرا.
خلصنا وخرجنا عشان نروح وبعدين وقفت فجأة وقولت..
_مريم هو دكتور يزن عرف اسمي ازاي!
_يابنتي ارحميني بتقفي فجأة كده وتخضيني .. انا استغربت زيك كده اولا عددنا كبير وثانيا مش مميزين اوي يعني علشان يعرف اسمك بس عادي يعني متشغليش دماغك.
_ماشي.
أسبوع والتاني وانا سبحان الله وبفضله شيلت أدهم من دماغي وقربت من ربنا أكتر وأكتر وكمان لبست الخمار والنهاردة كان اول يوم وانا لبساه مش مصدقه احساس اللي حسيته احساس غريب كأني فراشة طايرة من السعادة والفرحة وازاي مكنتش اعرف حاجه بالجمال ده الحمد لله ع كل التغيرات اللي حصلت ف الفترة الاخيرة دي علمتني اني عمري ماهبعد عن ربنا تاني ابدا وعمري ماهعصيه تاني ... النهارده أخر محاضرات ف الترم علشان الامتحانات هتبدأ
حضرت انا ومريم أربع محاضرات وكان ناقص سكشن دكتور يزن تعبنا جدا وانا نزلت اجيب اي حاجه ناكلها وانا ف الطريق الدكتور قابلني وقال
_أفنان انت ماشية ولا اي!
استغربت شويه وقولت..
_أنا أسفه يادكتور بس مش من حق حضرتك تسألني سؤال زي ده انا مش ف السكشن أنا بره عن اذنك.
_أفنان أنا أكيد مقصدش أدخل واسألك سؤال بالخصوصية دي بس السكشن ده