هنبدا المزاد العلني

وطلعها بره وبقي ينفض فيها بالمنفضه والتراب كله يطلع منها ونورسين واقفه قدامه 
نورسين بقت تكح من كتر ما التراب طالع من المرتبه  
نورسين كح .. كح .. اي يابني بالراحه شويه مش قادره 
هشام طيب نفضي انتي ياهانم
نورسين مسكت المنفضه بتنفض بالراحه اوي ومافيش تراب طالع منها اساسا
هشام لااا احنا كده مش هنخلص مسك منها المنفضه وبقي ينفض التراب لحد ما نضف المرتبه خالص 
واخدها وحطها علي السرير 
واخيرا نضفوا الاوضه سوا 
هشام انا هاروح اشترى اكل بسرعه يانورسين 
نورسين 
هشام نورسين مابترديش ليه 
نورسين جسمي ابتدي يرجع ياكل فيا تاني ياهشام مش قادره 
هشام طيب تعالي .. تعالي معايا 
هشام اخدها ومسكها بالراحه اوي وهي بقت ماسكه نفسها وحاضنه نفسها وماشيه معاه بالعافيه 
هشام احنا لسه في الاول عايزك تبقي قويه يانورسين 
بقلمي مآآهي آآحمد
نورسين مشيت معاه وډخلها الاوضه ودخل معاها وقفل عليهم الباب هما الاتنين 
وبعدها بشويه نورسين مابقيتش قادره تتحمل الالم كان في كل جسمها حرفيا كل حته في جسمها بتتقطع مش قادره 
نورسين قربت من هشام وقعدت علي ركبها 
نورسين بتوتر وۏجع هشام .. هشام .. معلش ارحمني المره دي.. عارف .. هي .. هي ..المره دي وبس مش هقولك اي حاجه المره اللي جايه بس ساعدني اروح اخد البرشامه مش قادره
هشام انسي يانورسين .. انسي 
نورسين بقت تلطم علي وشها 
نورسين بعياااط مش قااادره .. مش قادره حرام عليك انت اي ما بتحسش 
نورسين بقت تخبط راسها في الحيطه من كتر الۏجع اللي في
جسمها مره تصوت ومره ټعيط ومره تجرى علي هشام وتمسك فيه شويه لحد مابقيتش عارفه تعمل اي 
هشام قرب منها وبقي يحتويها واخدها في حضنه وهي بټعيط لحد ما الفجر أذن ونامت شالها حطها علي السرير ونومها وغطاها ونام جنبها وهي راحت بصيتله
وبحركه لا اراديه منها قربت منه ونامت جوه حضنه 
لحد ما النهار طلع ومع اول خيط شمس جه عليهم هشام بقي يتسحب من جنب نورسين بالراحه جدا عشان تفضل نايمه وطلع بره وقفل عليها الباب من بره وراح يجيبلها اكل عسل ابيض وفطير وجبنه واول ما روح سمع نورسين وهي عماله تخبط علي الباب بكل عزمها 
نورسين افتح ياهشااااام .. افتح حرام عليك مش قااادره حرراااام .
هشام كان كل ما بيسمع عياط نورسين وضعفها وقله حيلتها زي ما يكون في حد بيجيب خنجر وبيحطه في قلبه اوقات كتير بيضعف وبيبقي عايز يطلعها عشان يرحمها من عڈابها بس بيرجع في كلامه لان ده لمصلحتها 
كان بيدخل معاها ويقفل عليهم الباب هما الاتنين وكل مره ټضرب فيه ومره تعوره وتخربشه بضوافرها ومره ياخدها يكتفها واوقات كتير كانت بتعمل حمام علي نفسها عشان مكانتش بتقدر تتحكم في نفسها وهو كان بيساعدها ويغيرلها هدومها ويغسلهالها كان معاها بروحه وقلبه و بعد كل ده ماكنتش بتنام غير في حضنه الايام عدت عليهم بمرها وبس مكانش فيها حلو ابدا اسبوعين اكل نورسين كان قليل لدرجه فظيعه مكانتش بتاكل تقريبا اسبوعين شافووه فيهم هما الاتنين الۏجع والمرار بجد 
لحد في يوم وهشام قاعد بره زي كل يوم راح جاب شويه خشب وۏلع فيهم وراح بقي بيشوي دره 
بيبص لقي نورسين طلعت من اوضتها وقربت منه 
وحطت ايدها علي كتفه 
هشام اتخض بسرعه وقام 
هشام نورسين انتي طلعتي من الاوضه ازاي 
نورسين ابتسمت نسيت تقفل باب الاوضه بعد ما طلعت 
هشام نورسين انتي هاديه انتي جسمك مش بيوجعك 
نورسين لاااا ياهشام بيوجعني بس علي خفيف لدرجه اني قاعده معاك وعادي مجرد صداع خفيف مش اكتر 
هشام اتنهد كل ده هيروح مع الوقت وبكره تشوفي 
نورسين عارفه .. وعارفه كمان انك هتفضل جنبي لحد ما اقدر اقف علي رجلي وابقي كويسه ومش هتسيبني ابدا ياهشام
هشام ده اكيد يانورسين 
تاخدي دره 
نورسين بابتسامه اخد 
هشام ادا لنورسين الدره وبقوا ياكلوا سوا والدنيا كانت ساقعه اوي هشام جاب البطانيه ولفها عليه وعليها وقدامهم الڼار شغاله نورسين حطت راسها علي كتف هشام وهي مطمنه وراميه كل همومها علي كتفه 
مافيش احسن من انك تلاقي حد يحبك لدرجه انه يشيل همك اكتر منك حد يحبك بجد وېخاف عليكي من قلبه بجد زي ما هشام حب نورسين من قلبه بجد
اسيبكم بقي مع اللحظه الحلوه دي وربنا يارب يرزق كل بنوته باللي يحتويها وېخاف عليها اكتر من نقسه قولوا امين
الجزء السابع  
بقلمي مآآهي آآحمد
نورسين حطت راسها علي كتف هشام وهي راميه حملها كله عليه وعارفه ومتأكده انه مش هيسيبها ابدا 
هشام تعرفي انك اول يوم جيتي فيه الفيلا كسرتيني اوي 
نورسين عارفه ياهشام بس ده عشان مكننش عايزاك تقرب مني مكنتش عايزاك تعرفني علي حقيقتي كنت خاېفه اني اقرب منك وتعرف اني مابقيتش البنت الصغيره البريئه بتاعت زمان اللي بتعشق الجوافه من علي الشجر 
هشام انتي لسه بتحبي الجوافه من علي الشجر 
نورسين يابني دي اكلتي المفضله بس بشرط انا اللي اجيبها من علي الشجر يا اخدها من ايد عم حجازي غير كده لاء 
هشام بس كده طيب قومي معايا 
هشام قام وشدها من دراعها وقومها  
نورسين هنروح علي فين ياهشام دلوقتي بس 
هشام تعالي معايا وانتي ساكته ماتاكلميش خالص 
هشام اخدها وراحوا ارض ماليانا شجر مخصوص بيتزرع فيه الجوافه  
هشام اي رايك 
نورسين ولما صحاب الارض يشوفونا دلوقتي 
هشام عيب عليكي انتي معاكي اسد يابنتي خدي اللي انتي عايزاه ومحدش يقدر يكلمك 
نورسين بابتسامه يارااااجل
هشام اي مش مصدقه 
نورسين لاء ودي تيجي طبعا مصدقه 
نورسين بقت تحاول تقف علي طراطيف صوابعها عشان تطول الجوافه بس معرفتش وهي بتبص فوق ورافعه ايديها عشان تاخد حبه الجوافه 
مره واحده بتبص لاقت هشام وطي وشالها من رجليها ورافعها 
نورسين بصيتله كده تحت وهو بقي يبصلها وابتسمتله 
هشام هاتي الجوافه بسرعه 
نورسين مدت ايدها وبقت تقطف الجوافه وبعد ما اخدت اللي هي عايزاه هشام نزلها بالراحه اوي ونزلها ووقف رجليها علي الارض وبقت قريبه اوي من هشام لدرجه انها بقت سامعه صوت نفسه وهو كمان نفس الكلام 
كان في مابينهم نظره طويله اوي وحلوه اوي اوي 
بقلمي مآآهي آآحمد
واللي قطع النظره دي الغفير بتاع الارض لما شافهم واقفين في الارض وبياخدوا الجوافه 
الغفير مين هنااااك 
نورسين وقفت ورا هشام بسرعه 
نورسين الحق ياهشام 
هشام انتي لسه هتقوليلي الحق .. اجري يانورسين .. اجري 
هشام مسك ايدها وبقي يجرى بيها والغفير يجروا وراهم ونورسين كانت مېته علي نفسها من الضحك لحد ما اخيرا وصلوا البيت بتاعهم نورسين وهي بتضحك وبقت عنيها تدمع من كتر الضحك 
نورسين ههههه هو ده بقي واخدت نفسها  
هو ده بقي اللي معاكي اسد 
هشام قرب منها وهو بيضحك وبينهج في نفس الوقت .
هشام هههههه طبعا يابنتي معاكي اسد انتي مش حاسه ولا ايه 
نورسين وهي بتبص لهشام وبتضحك مره واحده حطت ايدها علي شفايفه وبصتله وبقت تلمس بصوابعها شفايفه والهوا كان بيرجعلها شعرها لورا 
وبعدها راحت لمست بصوابعها علي خده بكل حنيه 
نورسين انا بحبك ياهشام .. بحبك ومش قادره اخبي عنك اكتر من كده اني بحبك 
هشام بعد عن نورسين خطوه 
نورسين في ايه ياهشام انا قولت حاجه غلط 
هشام انتي ماقولتيش غير الغلط كله يابنت المنياوي
نورسين تقصد ايه .. انا بقولك اني بحبك من واحنا عيال صغيره وانا بحبك ياهشام.. طول السنين اللي سافرت فيها دي وانا عمرى ما نسيتك حاولت اعمل نفسي نسياك بس معرفتش او ماقدرتش حاولت اتجاهلك اول ما جيت من السفر بس برضوا ماقدرتش وبرضوا قربنا من بعض انا عارفه ومتأكده ان انت كمان زيي وبتحبني زي ما بحبك بالظبط 
هشام في نفسه انا ماطولش حتي لني احبك بيني وبين نفسي يانورسين انتي ناسيه انا مين وانتي مين يابنت المنياوي 
نورسين انت ساكت ليه ماترد عليا 
هشام بص لنورسين وودا وشه الناحيه التانيه 
نورسين لفت وبصت وبقي وشها في وش هشام 
نورسين معقول احساسي خاني وماتكونش بتحبني ياهشام 
هشام اتنهد ايوه يانورسين مابحبكيش انتي مجرد حد عزيز عليا مش اكتر 
نورسين هشام انت بتقول ايه 
هشام اللي سمعتيه يابنت المنياوي انا عمرى ما فكرت فيكي بالطريقه دي اذا كنتي انتي شوفتي او فكرتي حاجه تانيه مني غير كده دي مش مشكلتي
نورسين انا مش مصدقاك ياهشام انت اكيد بتكدب كل حاجه بتبين انك بتحبني نظره عينك ليا بتقول انك بتحبني .. وقوفك جنبي .. حنيتك عليا .. حتي لمسه ايديك ليا بتبين انك بتحبني 
انا عارفه انت بتعمل كده ليه 
هشام بصلها واستغرب 
نورسين كملت كلامها 
نورسين عشان كنت بشرب .. وبسكر .. بس .. بس انا هغير كل ده ياهشام اوعدك اني عمرى ما هرجع للطريق ده مره تانيه هرجع عن كل حاجه عملتها حتي طريقه لبسي هغيرها مش هاروح الاماكن اللي كنت بروحها تاني .. هشام انا مابقيتش عايزه من الدنيا غيرك .
هشام بقي مبسوط اوي من كل كلمه نورسين بتقولها كان نفسه هو كمان يقولها انه بيحبها وانه مايقدرش يستغني عنها بس هو عارف الفرق الكبير اللي ما بينهم ومره واحده لقي نورسين دموعها نزلت من عنيها وهي بتبص في عنيه وكان خلاص لسه هيقولها ان بيحبها 
راح مره واحده لقي الفون بتاعه بيرن بيبص لقاه المنياوي بيه رد بسرعه 
هشام الووو ايوه يامنياوي بيه 
المنياوي
هشام تحت امرك يامنياوي بيه
المنياوي
هشام بكره ان شاء الله هنكون راجعين 
هشام قفل الفون من هنا 
نورسين بصيتله وهي مخنوقه جدا من اللي حصل وبقت زعلانه جدا من كرامتها اللي بقت في الارض 
هشام احنا لازم نروح بكره المنياوي بيه عايز......
ولسه هيكمل نورسين قطعته في الكلام  
نورسين بكسره وحزن في عنيها احسن برضوا ياريت نروح بكره 
وبعدها سابت هشام ودخلت الاوضه وقفلت علي نفسها الباب 
في اللحظه دي هشام شاف حزن في عنيها ماشفهووش قبل كده وبقي مضايق جدا من نفسه بس ماقدرش يدخل وراها كان نفسه ياخودها في حضنه ويقولها ان كل كلمه قلهالها كانت كڈب وانه بيحبها بس دايما حاطط ابوها قدامه بس ماقدرش 
بقلمي مآآهي آآحمد
هشام بتنهيده ياريتك تفهميني يانورسين 
هشام فضل قاعد قدام البيت اليوم ده مانامش وهي كمان مانمتش نهائي وبقت تفكر طول الليل ياترى ليه هشام رفضها بالطريقه دي .. اكيد في بنت تانيه في حياته عشان كده رفضها 
بقلمي مآآهي آآحمد
تاني يوم الصبح  
هشام لسه هيخبط علي نورسين عشان يمشوا راحت نورسين فتحت الباب وهي ماسكه شنطتها
نورسين انا جاهزه 
وسابت هشام ومشيت علي طول 
هشام طلع وراها واخد منها الشنط حطها في العربيه وركبوا 
طول الطريق الاتنين محدش فيهم اتكلم ولا كلمه كل واحد كان عايز التاني ينطق يقول اي حاجه بس كل واحد منهم مستني التاني يتكلم 
طول الطريق كانت نظراتهم مليانه كلام 
لحد ما اخيرا وصلوا ونورسين وهي