استعد يادكتور يوسف جالنا حاله

استعد يا دكتور يوسف جايلنا حاله هتتشرح النهارده
_هتوصل امتي
خلاص ٥ دقائق وهتكون هنا
بدأت البس الجوانتي وافتح النور وأجهز لاستقبال أنا كل يوم أو يمكن اكتر في اوقات معينه لكن النهارده كانت مختلفه كانت طفل ما يكملش ٥ سنين نايم قدامي باين علي وشه التعب والاجهاد بس الغريب أن المستشفي باعته اقرار انو مېت بطريقه طبيعيه طب اي اللي جابه هنا

_دكتور احمد قولي الطفل دا ماټ ازاي
المستشفي كاتبه بطريقه طبيعيه
معرفش يا يوسف احنا هنعمل شغلنا
وفعلا بدأنا شغل دام ساعتين لحد ما الساعه جت ١٢ احمد تعب وقال كفايه النهارده ونكمل بكرا لكن أنا كان عندي فضول اكتر وكملت شغل لوحدي
_غريب اوي مفيش حاجه غريبه غير شويه خدوش وفي سن طفل زيك ممكن نقول وقعات وهو بيلعب امال انت جاي هنا لي
هات ايدك
_انت مين
مش مهم بس تعالي معايا 
_هنروح فين
مكان مهم جدا
_يبني قولي انت موديني فين
هتعرف
مشيت وراه ساكت لحد ما دخلنا منطقه ضلمه فيها فيلا كبيره وزرع كتير 
شايف الاسم المكتوب علي باب الفيلا
_اه فيلا الدكتور مصطفي السيد عبد العزيز
اوعي تنسي الاسم دا 
_انت بتختبرني يبني انت جايبني هنا لي
شد ايدي ودخل الفيلا قدامي اول ما دخلت الفيلا لقيت صوت عالي اوي حد بيصوت صوته مزعج بطريقه بشعه حطيت ايدي علي وداني بس الطفل شد هدومي علشان ابصله
انكل يوسف أنا مش مرتاح هناك
متسبنيش لوحدي 
يوسف يا يوسف قووم انت اي اللي نيمك هنا يبني حد ينام وسط الميتين
صحيت مخضوض من الحلم أنا مش فاهم حاجه اي المكان دا ومين دا ركزت في ملامح الطفل اللي قدامي وطلع هو نفس الطفل اللي كان معايا في الحلم بس زاد عندي شغف اني اعرف اي سبب مۏته اكتر 
_اجهز عشان نكمل شغل
انت مش هتروح
_لا نكمل شغل وهروح بليل انام
كفايه كدا شغل النهارده يلا نروح ننام ونرتاح الطفل مېت مۏته طبيعيه الصبح هنكتب الإقرار
يتبع يوسف امضي علي التقرير
_تقرير اي
إن الطفل ماټ مۏته طبيعيه
بما اني المسئول فا أنا اللي المفروض امضي
علي التقرير
_انا لسه مخلصتش شغل 
فاضل اي تاني شرحنا كل حته في جسمه حرام عليك سيبه يرتاح 
_هو مش مرتاح هو محتاج يرتاح سبني اشوف شغلي
_احمد أنا هروح 
من أمتي بتمشي بدري 
_ورايا مشوار مهم مع ماما رايحين لدكتور عشان ضهرها 
ربنا يشفيها ويخليهالك يا صاحبي
الدنيا فيها مشاكل كتير بس كلها تهون وانا شايف امي كويسه قدامي لما بتتعب بحس أن الدنيا كلها بتبوظ حواليا ضحكتها بالنسبالي هي الفرحه وسط كل الۏحش اللي في الحياه
_جهزتي يا ست الكل
جاهزه يا حبيبي ومستنياك
الدكتور بتاع امي في التجمع الخامس مشوار طويل بس يارب يجيب نتيجه وصلنا عند الدكتور ودخلنا كشفنا وقال إنها محتاجه عمليه بس صعبه جدا بسبب سنها الاحسن تمشي علي دواء فا خدتها ومشي
بس واحنا راجعين شوفت زرع