علقت بالكاميرا
عليا وهو بيتريق
شكلك نسيت نفسك لما كسبت المسابقة ياض يا ربيع أوعى تكون فاكر انها شطارة منك ولا افكرك انت كنت مړعوپ مني بس الحظ ساعدك والحكم قفش في الحمامة اللي في الصورة اللي أنت اصلا ماكنتش قاصد تصورها هي وقالك بااااس.. هي دي حمامة السلام والفن يا راجل مافيش حظ كده بس برضه انت مصور شاطر وتستاهل عشان كده انا هساعدك.
سهلة وبسيطة الحل في القصر.. قصر الغريب.
يطلع ايه قصر الغريب ده يا شلبي
قصر في حتة مقطوعة مقفول وصاحبة مش بيزوره غير مرة في السنة فانت تنط من على السور تاخدلك كام صورة جوة بعدها تطلع لا من شاف ولا من دري.
والصور يا خفيف ما هيشوفها ويودينا في داهية.
وبعدين بقى.. المسابقة مش هترفع الصور على السوشيال غير بموافقة منك فانت تقفش القرشين وتكسب المسابقة بعدها ترفض رفعها ها عندك استفسار تاني ده انت حرامي افكار وبجح صح.
اشاورلك ليه.. ما يلا اخدك بعربيتي دلوقتي انا ماعنديش مشواير بيها النهاردة ولو طلعلي حاجة زي الخازوق اديك عرفت الطريق ارجع انت.
امين يا صاحبي.
لمېت حاجتي وغيرت هدومي بعدها نزلنا من الشقة ركبنا العربية نص ساعة وكنت قدامه.. قدام قصر الغريب بصيت للقصر وانا مبهور من منظره وقولت لشلبي
نص الجملة الأولاني جميل النص التاني مش مفهوم.. يعني يا جدع هجيبك لحد هنا وانا مش عامل حسابي في حاجة زي كده انت ايه دماغك دي مش شغالة غير في التصوير ده يا راجل حتى التصوير دماغك وقفت فيه وأنا اللي جايبك هنا عشان تفلح في المسابقة.
والله انا ما شوفت حاجة من الأخوة اللي بنا غير التعب وحړقة الډم.. تعالى يا راجل اشبكلك عشان تنط من على السور.
يلا.. استعنا على الشقى بالله.
نطينا من على السور ونفضنا هدومنا بعدها شلبي قالي
بص.. انا لما جيت هنا قبل كده كسرت شباك الحمام وبما ان صاحب البيت بيجي كل سنة يبقى هيكون لسه مكسور.
عيب عليك اللف بالعربية وانك تشوف ناس اشكال والون تتكلم معاهم يخليك تعرف اكتر من كده.
صدق كلامك بعد اللي شوفته يا شلبي.
من سكات نطينا من الشباك المكسور ودخلنا حمام القصر بعدها خرجنا على الريسبشن برة وقتها فتحت بوقي من عظمة المنظر الديكور كله معمول على شكل أجنحة حتى السلم كأنك بتطير للدور اللي بعده مش بتطلع على رجليك ابدا الألوان
كلها كانت
