قصة حقيقية كاملة 

البنوتة بالخداج ... فارس كان متل الامۏات ... قاعد بالعزا بدون اي حركة ... لا بياكل ولا بيشرب بس بدخن .... مع انه ما كان ېدخن ابدا لانه رياضي ......وبعد العزا يدخل غرفته اللي عند اهله وصوت بكاه يوصل لعڼا من كتر مهو عالي وبوجع ... انا زعلت عليه وحرقلي قلبي ... بس حاسة انه ربنا ... شعور ملخبط مو قادرة ابدا اوصفه ...

طلعت البنت من الخداج وكان تالت يوم عزا ... وانا كنت قاعدة ... حطت حماتي البنت ... اتطلعت عليها باستغراب ... وقلتلها لا ما بدي ... مديت ايدي لارجعلها اياها ...قعدتي جنبي حماتي وقالت يا بنتي ... هاي البنت يتيمة ... وما الها حدا ومو ملاقية حدا احسن منك يرب........قاطعت حماتي قبل ما تكمل كلمتها ... وقلتلها وعيني مليانة دموع ... خالتو انا عندي دراسة كتير ومو ضايل شي للفاينل وما بلحق بينها وبين الدراسة .... وانا جواتي بقول ... كيف يخطرلك اني اربي بنت واحد ما تزوجني غير لينتقم ويتسلى ... كيف بدي احب بنت ... نولدت من اب ما علمني غير الكره ... بكرهوا .. وبكره امها ... وبكره اهلي ..وحتى حالي بكرهو ... كيف بدي اعلمها الحب وانا قلبي مليان حقد وغل اتجاه اللي ظلمني ... كيف بس كيف !  
قالتلي حماتي يا حبيبتي يا هلا ... البنت هلأ مو واعية كوني ام الها ... وخليها تعيش بين ام واب واسرة ما تكون متشنططه بيني و بين سلفتي ... واذا عالدراسة الك علي بس تكبر شوي اكملك ماجستير ودوكتوراه وعحسابي الخاص كمان بس بترجاكي ... ما تحطي هالبنت بكفة ابوها ... هالبنت ما الها ذنب .. بترجاكي ...
البنت بحضني بس صدقا ما تطلعت عوجها وما كان نفسي اشوفها ... كانت نايمة وهادية ... لبعد ساعة صارت ټعيط ... وانا هزيتها شوي ... وتطلعت عليها ... وهي تطلعت علي وكانت تضحك ... يا الله ما اجملها ... يا الله ما ابرئها ... ياالله شو حبيتها ... متل اللعب .... صرت ابكي ابكي بصوت عالي وما همني الناس اللي حوالي  حسيتها فتحت قلبي ودخلت فيه ... ما اتخيلت اني احبها ... وما تخيلت اني احب اربيها ... هاي اللحظة من العمر ... هاي اسعد لحظة من زمن طويييل ما حسيت فيه ...
خلص العزا ... وبلشت قصة حب جديدة انبنت بيني وبين هالبنت الصغيرة... لهلأ ما سموها.... واصلا ابوها مو واعي وما شافها ولما قالوله يشوفها رفض وقال هاي البنت قټلت حبيبتي انا ما بدي ياها ... ويمكن هاد السبب خلاني احبها اكتر لانه ابوها كرهها ...
حماتي