انا ليلي ٢٧سنه ودي قصتي
وقال
ياماما ياماما ليلى حامل ياماما ليلى حامل
فجأه نوال كشرت ووشها قلبت وحماتي
يالف نهار ابيض يالف نهار مبروك ياحبايبي ياولاد الف الف مبروك فرحتيني يا ليلي والله اسمعي من هنا ورايح انتي مش هتعملي حاجة ابدا انتي ترتاحي ونوال هي اللي هتعمل كل حاجة
ليلى
عادي ياماما انا هبقا اعمل شوية
الحما
نوال قالت بضيق
حاضر ياحماتي اللي تشوفيه مبروك يا ليلي
ليلى
الله يبارك فيكي يانوال عقبالك يارب ان شاء الله
نوال
ان شاء الله انا طالعه شقتي عن اذنكم
ليلى
طيب اااا على فكرة يانوال الدكتور كتب لي على حقن فيتامين وقالي اخدها ممكن تبقى تديها لي
ها اااه ان شاء الله يا ليلي
وسبتنا وطلعت واحنا طلعنا شقتنا وقولت لعمر
انت مش حاسس ان مرات اخوك وشها قلب لما عرفت اني حامل
عمر
يقلب ولا ميقلبش هي حره يا ليلي وبعدين متبوظيش علينا فرحتنا بقا وتقولي انها زعلانة ولا فرحانة اللي يزعل يزعل وبعدين ياقلبي دي حاجة بتاعت ربنا ولا ايه
ليلى
وبعدها فضلت اطلع لنوال في ميعاد محدد عشان اخد الحقنة عندها في شقتها وقالت لي
الحقن دي كويسة عشان البيبي خليكي مواظبة عليها
ليلى
ماهو انا بطلع لك في الميعاد عشان اخدها اهو ربنا يستر انا خاېفه اوي
نوال
مټخافيش ان شاء الله خير انا هدخل المطبخ اكسر الحقنة عشان افضيها في السرنجة
انتي ايدك خفيفه يادكتورة
نوال
بالشفا ان شاء الله يا ليلي
ونزلت شقتي وفضلت اطلع لنوال اخد الحقنة في مواعيدها ومتابعة مع الدكتور وبص في السونار وقالي
انتي بتاخدي الحقن اللي انا مديها لك يا مدام ليلى في مواعيدها
ليلى
ايوه طبعا يادكتور باخدها في مواعيدها انا معايا سلفتي دكتورة وهي اللي بتدي هالي
اها ودي دكتورة ايه دي بقا
ليلى
دكتورة باطنة وكلي بس شاطرة اوي
الدكتور بشك قال
هي عندها اولاد ولا لا
ليلى
لا معندهاش هو في حاجة يادكتور ولا ايه وبعدين الجنين اخبارة ايه طمني
الدكتور
لا تمام يامدام ليلى
وحسيت ان الدكتور مخبي عليا حاجة ومش عايز يقولي
وفي المستشفى عند نوال قالت لممرضة عندها
نوسة
خير يادكتورة اؤمريني
نوال
اسمعي يانوسة انا عارفة انك انتي اللي ماسكة حاضانات الأطفال في المستشفى هنا الأول امسكي الفلوس دي انا عارفه انك عندك عيال ومحتاجة الفلوس
نوسة
ياخد عدوينك يادكتورة منحرمش منك يارب
نوال
اسمعي يانوسة انا عايزاكي تجيبي لي طفل يكون لسه مولود بس في الوقت اللي هاقول لك عليه
نوسة
طب وده اجيبه ازاى يادكتورة مش فاهمة انا
نوال
انتي هتعمليهم عليا انا يانوسة ما أنا عارفه انك بتظبطي في العيال اللي بتتولد وبتبعيهم هو انا نايمة على وداني يعني
نوسة
وطي صوتك يادكتورة ده الموضوع ده بعمله ڠصب عني والله انتي عارفه العيشه بقت صعبه ازاى
نوال
خلاص يبقا تنفذي اللي هاقول لك عليه وهديكي قرشين حلوين قولتي ايه
نوسة
اللي حضرتك تقولي عليه يادكتورة انا تحت امرك طبعا بس الوقت هيبقا امتى عشان اجهز لك عيل حلو كده
نوال
انا هبقا اقولك على الوقت المناسب المهم انا عايزة طفل يكون صحتة كويسه ويكون جميل وولد مش بنت
نوسة
من عنيا يادكتورة انتي تؤمري والله طيب اروح انا اشوف شغلي عن اذنك
وفضلت نوال تفكر في حاجات كتير ورجعت البيت وانا طلعت لها عشان ميعاد الحقنة وقالت لي
تعرفي يا ليلي ان وشك حلو عليا مش انا كمان طلعت حامل بعد السنين دي
ليلى بفرحة
بجد يا نوال الف الف مبروك
ياحبيبتي فرحتيني والله ده احلى خبر سمعته
