لو مخستيش انا هفسخ الخطوبه

ومنعت نفسي اعيط بس عرفت اني هبكي دلوقتي شوية وارتاح بعدين احسن ما اتجوز واحد مريض زيه يخليني ابكي العمر كله 
متأكدة
بابا قالها بهدوء فهزيت راسي وقولت
متأكدة يا بابا اطلع وقوله كل شئ قسمة ونصيب 
هز بابا رأسه ومسك الشبكة وخرج ..قعدت أنا علي السرير وبعد لحظة كنت بعيط جامد 
.

اتفضل يا بني كل شئ قسمة ونصيب 
اټصدم مؤمن وقال
بنتك بترفضني مش عايزة تتنازل عشان خاطري بعد ما تنازلت واستحملت اني افضل معاها رغم أنها بقت زي التريلا
قرب منه ابو ايه وضربه قلم وقال
اطلع برة لو بنتي ذات نفسها عايزاك أنا من هخليك تقرب منها ولا اسمك يرتبط بإسمها يالا برة !!!
اتعصب مؤمن واخد الشبكة ومشي 
قعد ابو أية علي الانترية واتنهد وقال
انسان ناقص صحيح .
مرت الايام وانا بحاول انسي مؤمن واللي عمله فيا بس موضوع تاني كان شاغل بالي اوووي العملية اللي قال عليها مؤمن دخلت دماغي صحيح اعرف عنها كتير بس كنت خاېفة علي نفسي لو عملتها يحصلي حاجة عشان كده مفكرتش في الموضوع كتير ولجأت للريجيم ولكن فشلت بس ليه مجربش العملية دي أنا من حقي اشوف نفسي جميلة صح من حقي محسش بالتعب ومن حقي مخافش اني اموت بسبب السمنة دي بس لما قولت لبابا علي الموضوع كان رد فعله عڼيف
انتي اټجننتي صح تكميم معدة ايه اللي عايزة تعمليه ..انتي عارفة انك ممكن ټموتي فيها طب عارفة أن ليها أعراض بعد كده ليه يا حبيبتي تدمري نفسك كده ممكن اوديكي دكتورة أو جيم او حتي الاتنين ونظمي اكلك وهتخسي وانتي مش تخينة للدرجة الكبيرة دي يعني 
يا بابا بس 
من غير بس يا آية أنا مش هضحي ببنتي عشان الخرافات دي شوفي مين دكتور كويس وشوفي احسن جيم وانا معاكي لكن مش هخاطر بيكي يا بنتي
اقتنعت شوية بكلام بابا وفعلا حجزت في جيم مبدئيا وبدأت اعمل رياضة 
بعد اسبوع 
فجأة رن جرس الباب فتحت الباب ولقيت قدامي تسنيم بنت خالة مؤمن 
خير
قولت ببرود ..
ابتسمت وقالت 
كل