عمتي استغلت مۏت امي وجوزتني ابنها

عمتي استغلت ۏفاة امي وجوزتني ابنها عشان يخلف مني 
وقبل ما نبدأ حكايتنا اعرفكم علي بطلتنا النهارده واللي اسمها سما وعندها عشرين سنه وحيدة باباها ومامتها باباها ربنا افتكره لما كانت صغيره وعايشه هي ومامتها لوحدهم في شقه بسيطه ....
وفي يوم دخلت سما عند هناء مامتها اللي كانت واقفه بتعمل الاكل في المطبخ وقالتلها ...

سما 
يا ماما يا حبيبتي مليون مره اقولك انتي ارتاحي واللي عايزااه انا هعملهولك
هناء 
لا يا قلب ماما انا مش هرتاح غير لما اعملك باميه باللحمه اللي انتي بتحبيها
سما 
لا خلاص مدام فيها باميه باللحمه يبقي خليكي واقفه واتعبي براحتك
ضحكت هناء وقالتلها 
طيب روحي حضري السفره يا لمضه لحد ما اجهزلك الاكل
سما 
من عينيا يا احلي ماما
_وطلعت سما وبدأت تجهز في السفره وفجأه الباب خبط لبست سما حجابها وراحت فتحت الباب ولقيت عمتها الهام في وشها ودخلت علي طول وقالت
الهام 
مالك يا بت يا سما شوفتي عفريت ولا ايه 
سما قفلت الباب
لا طبعا يا عمتي انتي تنوري في اي وقت
الهام 
طبعا في اي وقت اجي ده بيت اخويا يعني بيتي هي امك فين لتكون بره وسيباكي لوحدك في البيت
طلعت هناء من المطبخ وقالت 
لا يا ام عمر انا اهو هو انا اقدر اسيب بنتي اصلا تعالي اتفضلي وادخلي يا سما جهزي باقي الاكل عشان عمتك هتتعشي معانا النهارده
الهام 
لا يا حبيبتي انا جايه شبعاانه من بيتي وواكله اكل عمرك انتي وبنتك ما تحلمو تشوفوه ربنا يخليه ليا عمر ابني مش حارمني من حاجه
ادايقت سما والهام قالت بضيق 
اللهم اغزيك يا شيطان بلاش منه الاكل يا الهام تشربي ايه ما هو ما يصحش تيجي وما تشربيش حاجه
_الهام قعدت علي الكنبه وحطت رجل علي رجل وقالت...
الهام 
اشرب شاي عندكم شاي بقي ولا ابعت اجيبلكم ...
قعدت هناء قدامها وقالت 
لا طبعا عندنا شاي وعندنا كل خير كمان ومستوره الحمد لله يا حبيبتي روحي يا سما اعملي لعمتك شاي وهاتيلها كمان حتت كيكه من اللي عملاها خلي عمتك تدوق عمايل ايديكي
الهام
والله وكبرتي يا سما وبقيتي عروسه وبتعرفي تعمليي كيكه
سما 
شكرا يا عمتي ربنا يخليكي يا عمتي بعد اذنك
ودخلت سما المطبخ والهام قربت من هناء وقالتلها بهدوء
الهام 
قوليلي بقي يا هناء يا حبيبتي هي سما في سنه كام في الكليه دلوقتي
هناء 
في سنه تالته وخلاص فاضلها سنه وتخلص وربنا يكرمها بقي بوظيفه كويسه
الهام 
وظيفة ايه بس وكلام فاضي ايه هي بس تخلص جامعه وتتجوز وتتستت في بيت جوزها وعريسها عندي
هناء بضيق 
طيب بس تخلص جامعه وربنا يقدم اللي فيه الخير
هناء 
ما سألتنيش يعني مين العريس ده يعني يا هناء
هناء 
ما انا قولتلك يا الهام مش وقته الكلام دلوقتي لما تبقي سما تخلص جامعه
لوت الهام بوزها وقالت 
اممممم طيب يا حبيبتي علي العموم انا سمعت انها شغاله في محل ملابس اطفال بقي ده ينفع يا هناء بنت المرحوم حامد اخويا تشتغل بياعه في محل
هناء 
هو ايه العيب في كده هي شغاله عند واحده صحبتي ولا شغاله حاجه عيب ولا حاجه حرام
الهام 
مش القصد يا مرات الغالي انا بس يعني بقول يبقي عمر ابن عمتها عنده بدل المحل اتنين وتلاته واربعه وهي تروح تشتغل عند الغريب وتشتغل ليه اللي تحتاجه تروح لابن عمتها وتشاور عليه وهو هيجيبه ليها ده بيحبها اووي
هناء 
اومال طبعا مش اخته الصغيره يا الهام وربنا يكرمه من الوسع ويعوض عليه هو ومراته بالزريه الصالحه
الهام 
بالك انتي يا هناء يا اختي يا حبيبتي لو سما اتجوزت عمر وفرحونا بحتت عيل اا
هناء پحده 
نعممم انتي بتقولي ايه