معديه الشارع في امان الله فجاه عربيه تيجي وتخبطني

تئذي حد 
ماما لا خالص 
....................
فارس قاعد في ركن الزنزانه متضايق ومخڼوق 
بيقرب منه الراجل ومعاه اتنين تانيين
بيقوم فارس بقلق مش هانخلص بقا 
..مش قلتلك الليله ليلتك يا عروسه 
فارس اللي هيقرب مني هاشقه نصين لا تكونوا مفكرني من بتوع بابي ومامي وواد نايتي لا دا احنا رجاله اوي وبيشمر أيده بيستعد للمعركه الداميه 
بيتلموا عليه وبيكتفوه وهوا بيحاول يفلت منهم وقرب منه الراجل و.....
باب الزنزانه بيتفتح سابوه وجروا قعدوا كل واحد منهم في مكانه ...
فارس ناس ماتجيش الا بالعين الحمرا 
الشويش فارس ابو الوفا ..
فارس ايوه ....وقبل مايخرج ...
فارس عارفين هوا اللي حاشني عنكم ربنا بعتهولكم نجده وعمل فيها زي البلطجه ومشي مع الشويش....
دخلوا للظابط .....
ياربي حتي السچن ما اثرش في جمالك انت ايه يابني بسبوبه نوتيلا ورجعت لحركات وشي تاني اللي هوا ماتيجي ورا مصنع الكراسي 
المحامي تمام كده يا حضرة الظابط .
الظابط انتي خلاص
هاتتنزلي يا حنين 
حنين 
الظابط حنين يا استاذة يا انسه..
حنين ايوه يا حضرة الظابط هتنازل هتنازل
الظابط انتي كويسه دلوقتي 
حنين انا الحمد لله 
بتبص ل فارس اللي اول مابصلها وعنيه جت في عينها برق لها و اتك علي سنانه وكان هاين عليه يجبها من شعرها
الظابط امضي وان اتعرض لك تاني ده الكارت بتاعي ما تتعبيش نفسك وتيجي اديني رنه بس 
انا ناس بتفهم بيشقطني شكله بس ايه كل الا كده احنا ماحليتناش غير كرامتنا ..
اتنازلت عن المحضر ولاحظت أن الظابط معجب ولما لا ها لما لا ما انا بت جامدة بردك وليا معجبين كتير بس النفس بس وقلبي اللي موديني في داهيه وماحبش الا اللي بيبهدله ويطلع عينه 
خلصت الإجراءات ووقفت استناه بره المركز 
اول ما طلع قرب مني وكور أيده كده لا يا نونا انفدي بجلدك احسن شكلك هتاخدي علقھ تبيتك في المستشفي جريت ايه ده ده بيجري ورايا هوا انا عملت ايه لكل ده يعني 
ماتهبط بقا حرام عليك بنجري بقالنا اتنين كيلو يا مفتري ما كانش يومين في السچن يعني 
فارس مش هاسيبك هاجيبك هاجيبك 
حد يلحقنننننننننيييييي هيموتني اتهد بقا حرااام عليك بقالنا ساعه بنجري يا مفتري 
فارس ده كان هيتعمل حفله يا بنت الجذمة 
حفله قهوة ولا حفله شاي نيهاهاهاهاه
فارس وليكي نفس تهزري 
ما انا طلعتك اهو اله 
فارس طلعتيني لا كتر خيرك 
اه يا كش يطمر ايه ده هوا فين وقفت جري لقيته واقع عالارض تقريبا اتعتر في طوبه أو حاجه وماسك رجله 
قربت منه انت كويس بطل تظلم في خلق الله بقا شايف ربنا عمل فيك ايه دي إشارة بطل افتري
اتك علي شفايفه بالجامد وغمض عينه ووشه احمر وعروق رقبته ظهرت ..
برقت وسكت ...
قعدت جمبه بهدوء انا هاسكت تماما عارف ليه اكيد عايز تعرف انا هاقولك لان الصمت في حرم الجمال جمال 
قام بدون اي كلمه ولسه هايقفشني زي ما الفرارجي بيقفش الفراخ كنت وقفت تاكسي وركبت اه انا في الصرف ما فيش زيي وبعدين امشي من قدامه احسن اصل يعملني بوفتيك قفوش اوي فارس ده اشحال ما طلعته اله 
بقلم حنين عادل..
..............
في بيت فارس ᕙಠ ਊ ಠᕗ
سيف هههههههه بقا كل ده يحصلك يا بني منها
فارس هوا كده بس ده انا كان هيتحفل عليا دا الراجل غنالي ما تزوقيني يا ماما 
سيف دي دماغ شغاله يا جدع هتعمل معاها ايه 
فارس انا ماعتش عامل حاجه خلاص انا زهقت من يوم ما شفتها والمصاېب نازله زي الرز عليا وان عملت مقلب بترده اشد انا اتخنقت وزهقت ومليت 
............
لازم بقا اصالحه هايتجوزني ازاي وهوا شايل مني اله 
فكري فكري يا نونا هتعملي ايه تصالحيه بيه 
........
ايوه لقيتها 
...............
فارس قاعد في أوضته...
الخدامه الورد ده اجي لحضرتك ..
بيمسك فارس الورد وبيلاقي فيه رساله
مش هامشي وحاسب رمشي ما بينامشي
فمتكترش متستهرش
بواحد حبك وانت في حبك برضة مبوخ
هاتخس في حبي النص
تمشي وعنيك بتبص
أجدع منك اهو نخ
ده انا سهل اعملك فخ
وانزل فيك طخ إلخ إلخ
استحمل لو جدع
بسبوسة بالسمنة منقطة
ياللي رسي عليك العطى
أنا عايز أتوب من العطعطة
وده باختياري
اه يا ماجستير في الهشتكة
انا قلبي جالك اه اشتكي
وانت ولا كأنك حاسس بڼاري
ده في قلبي حتي مبقعة
يا فانيليا بطعم مسقعة
يا ضحكة وقلبت كركعة
وحاولت أداري
فارسياربي انا مش قادر كركعه ومسقعه الصبر من عندك يارب 
قعد فارس بعد ما رمي الورد في السله وقطع الرساله مېت حته وهوا متعصب ماقدرش عالح......قدر عالبردعه 
لبس نضارته وبيقرأ كتاب بعد ما قرر ياخد يومين إجازة يريح أعصابه بعد اللي حصله يا عين أمه 
..........
بالليل ....في قصر فارس 
دخلت بيت فارس بعد ما اتسحبت 
وقفت في الجنينه تحت البلكونه بتاعت أوضته 
وندهت يا فاروسي يا فروستي. 
بيطلع فارس وبيفتح البلكونه وهوا لابس النضارة 
انا 
هوا 
حطيت ايدي علي قلبي هاموت منك وتبقي ارمل قبل ماتتجوز حرام عليك يا جدع قلبي من فرط الجمال السكر العسل القشطه البسبوسه يذوب 
فارس واقف ساكت بردة
انا ايه هوا انت زوعلان مني في حاجه يا حبيبي ولا ايه انا عارفه اني انا طيبه ومش بعمل
حاجه بس لو زوعلان هاصلحك وايه كمان هغنيلك يلا ياعم ابسط بقا مين قدك موزة زيي بتحبك وهتغنيلك 
ياللي نسيت الغرام ارجع هنا وقلي
مين زقك على الخصام
دة انت اللي فاضلي
اول ما عرفت انك عاوزني جيت قوام ما اقدرش استغنة عنك يا معلمني الغرام
وهقولك بردة عينة يا وحشني الف عيني
وهقولك بردة عيني يلي في بعدك كاوني اامرني هتلاقيني في لحظه بين اديك
كلة كلة كوم وزعلك انت كوم انا عندي الدنيا تزعل ولا تزعل مني يوم
انالسة كنت بحلم وعد النجوم يلي في بعدك بقاسې ولا ارتحش يوم 
وهقلك بردة عينك يلي في بعدك كاويني اامرني هتلاقيني في لحظه بين ايديك 
كوته اقټلي امك وانزلي 
فارس ودخل وقفل الباب 
طب ايه بقا دا انا حتي صوتي احلي من البلابل اله شكله هيتعبني دا انا لو قتلاه مش هيعمل كده دماغه صغيرة اوي يختتتتي
ولسه اللي جاي تقيل مع كاتبه الجيل 
نيهاهاهاهاه
وبس كده
تصالحه ولا الواد يسافر قبل ما البرج اللي فاضل في دماغه يطير ولا يسامحها ويتجوزها ويريحنا ويريحها ويريح نفسه انتظروا البارت الجاي
يتبع ..
رواية عريس لقطة الحلقة العاشرة
عريس_لقطه
البارت_العاشر 
..اعمل ايه يا ماما مش راضي يكلمني حاولت كتير اصالحه وهوا متجاهلني تقوليش قاټلاه ما انا طلعته هاعمل ايه اكتر من كده يعني اموت نفسي دي دماغه صغيرة خالص 
ماما بصي بطلي شغل الهبل بتاعك ده واستغلي انوثتك 
انا وحركات ما تيجي نجيب مليجي 
لاتفاجأ بقلم نازل علي وشي اله
ماما مش اللي في دماغك يا زباله هو انا عرفت اربي 
.اله اومال قصدك ايه يعني 
ماما قصدي تغريه بجمالك بطلي شغل المقالب ووريه أن انتي رقيقه وجميله 
انا أن شالله يسلح حالك ويجبر خاطرك يا رب
ماما انا عارفه انتي هتنيلي الدنيا 
..انا دا انا هبهرك 
دخلت اوضتي استعدادا لتنفيذ الخطه الاستراتيجيه اثناء ما كنت بعمل عنه سيرش اه دا انا جامدة جدا في الانجليزي مايغركوش يعني وجدت أنه بيروح نايت كلاب واحد لا غير يتردد إليه دائما وده أن شاء الله هيبقي المحطه الجايه 
اكرمنا يا رب 
...............
مكالمه هاتفيه...
سيف ايه يا بني انت فين
فارس في البيت بريح اعصابي 
سيف تعالي نسهر النهاردة ماتكسلش بقا 
فارس بجد مش قادر 
سيف لا يا عم انت واحشني وعايز اشوفك تعالي بقا المكان بتاعنا
فارس ماشي هاجي
سيف اشطا يا برو
فارس اشطا هلاقيها منك ولا منها ولا من مين 
سيف الله يكون في عونك يا بني 
.............
في النايت كلاب ...
سيف ايوه كده فك ماحدش واخد منها حاجه 
فارس انا عايز اعرف وشي عليه ايه كل ما تبصلي تضحك 
سيف ها لا ولا حاجه يا بني انا مبسوط اني شفتك 
فارس يارب يكون ده السبب 
سيف اومااال هيبقي ايه يعني 
فارس 
...............
لبست فستان سهره قصير وسبت شعري وانا واقفه قدام المرايا حطيت ميكب هادي طلعت قمرين قمرين ايه تلاته اربعه ايه ده كله ايه ده كله يخربيت جمالي اوديكي فين يا ثقه 
لبست عبايه فوق الفستان اهل الحته عندنا أن شافوني كده هبقي ماكنش يومي 
ركبت تاكسي وقلعت فيه العبايه 
الراجل كان مفكرني لا مؤاخذة بس احنا اشرف من الشرف 
نزلت قدام النايت كلاب ودخلت ربنا يستر
فارس كرم كان قاعد علي البار
قربت منه وانا مبتسمه كده بالظبط اه لازم أبين له أني أنا رقيقه 
فارس 
اكيد اټصدم من جمالي الفتاك 
فارس ايه اللي جابك هنا انا عارف انك عملي الاسود 
..بيحبني وبيموت فيا بس مش بيعترف 
انا ايه وحشتني يا فاروسي ماوحشتكش ولا ايه 
فارس
انا عارفه اني واحشاك وانك بتحبني زي ما انا بحبك صح...
سيف انا سيف ص.....
انا عارفه انك صاحبه اذيك يا سيف 
سيف انا تمام 
ليتفاجأ بقلم علي وشه اظبط يا سيف حركات حمدي الوزير دي مش عندنا نحن بنات عائلات محترمات 
سيف اني اسف
شديت فارس من أيده قصدي شدني من ايدي عشان نرقص مع بعض 
فضلت ارقص وهوا واقف صنم 
لحد ماسبني وراح قعد علي البار 
كملت رقص لعل وعسى يجي يحن عليا ويعرف أن مالهوش غيري 
سيف ياعم البت جايالك مخصوص وبتحبك ماتريحها بقي وريح نفسك 
فارس بس يلا
سيف بس وربنا حلوة وډمها خفيف أن ماشيلتش اشتال انا ...
فارس اشتال وريحني 
برقص الاقي حد بيمسكني جامد اللي بنعمله في الناس هايطلع علينا ولا ايه 
اول مرة في حياتي احس بالخۏف 
لحد ما غمضت عنيا ماعدتش قادرة أبعده لحد ما لقيته بعد عني اخيرا 
فتحت عنيا لقيت فارس ماسكه من قفاة وشاده علي الأرض ومطلعه بره 
This my hero
طلعت اجري وراه طلعت بره 
لقيته طاحن الراجل ضړب 
انا لسه هتكلم واقول لو كنت استنيت شويه كان فاتني عجنته في بعضه ماكنتش محتاجه حد 
اتفاجأ بقلم علي وشي وقعني علي الأرض 
حسيت أن الإشارة راحت ماعتش شايفه بودني ولا سامعه بعيني قومت من علي الأرض وانا دايخه .
فارس پغضب اللي تعمل كده زيك تبقي واحدة رخيصه 
انا پبكاء رخيصه عشان حبيتك 
فارس ايوه رخيصه وراميه نفسك ومافيش واحدة محترمه تعمل اللي عملتيه ده بجد انا عمري ما شفت بنت ارخص منك وايه القرف اللي لبساه ده في واحدة محترمه تلبسه 
..عمرك ما شفت واحدة ارخص مني وانا في نظرك مش محترمه 
فارس ايوه مش محترمه وعمري ما هاربط اسمي باسم واحدة زيك لأني بقرف منك 
..انت عندك حق انا اللي غلطت ورخصت نفسي لما حبيتك بس انا قلت يمكن تحبني زي ما بحبك بس في الاخر شوفتني واحدة مش محترمه وراميه نفسها عليك وفي الأخر بتقرف مني انا عمري ما حد جرحني وقلل مني قدك انا هامشي وماعتش هتشوف وشي تاني بس اعرف ان عمر ما حد كان بيحبك قدي بس دلوقتي ماحد كرهك قدي 
مشيت وانا حاسه ان قلبي متقطع مېت حته ايه ده انا وصلت لإيه وصلت نفسي لكده عشان بحبه ملعۏن ابو الحب اللي يزل صاحبه 
وصلت البيت وقلعت العبايه ايه ده انا وصلت لإيه وصلت لكده مسحت
دموعي