عشان امي عاميه جوزي خلاني ارمله في الشارع
انت في الصفحة 1 من 6 صفحات
وقبل ما نبدأ حكايتنا اعرفكم علي بطلتنا النهارده واللي اسمها مريم وعندها 24 سنه وعايشه هي ومامتها لوحدهم من بعد ما باباها ربنا افتكره وكانت مخطوبه لابن عمها وكان في يوم معزوم عندهم وققالهم وهما قاعدين يتعشو
احمد
انا بقول يا طنط لو ينفع اخد مريم معايا بكره نشوف الشقه الجديده اللي ان شاء الله نتجوز فيها انا كلمت السمسار وقالي ان السعر كويس عليا اووي
طيب علي خير يا حبيبي ان شاء الله ربنا يجعلها قدم السعد عليكم بس هي فين بالظبط عشان المسافه بينا وبينها ما تكونش بعيده
احمد بقلق
للاسف يا حماتي المسافه بعيد شويه هي في المساكن اللي اخر المحافظه المساكن الجديده دي اللي كانت عليها عروض من فتره وان شاء الله تكون مناسبه لينا واهو يا طنط كل واحد علي قده ولا يكلف الله نفس الا وسعها
طيب ما هي بعيده وبعدين ممكن ما تعجبنيش يا احمد وانا ما اقدرش اقعد فتره كبيره اصلا من غير ما اشوف ماما ولا اجي اطمن عليها ما تقولي حاجه يا ماما
احمد پحده
تقول ايه بس يا مريم والله حرام عليكي انا بحاول اشوف حل وانتي بتدوري ازاي تقفليها في وشي وبعدين وقت ما تحبي تيجي هنا مش همنعك عن حماتي كفايه ان انا من لما امي قابلت وجه رب كريم وانتي يا طنط معوضاني عنها
ويعلم ربنا يا احمد انك زي ابني واكتر والله وروحو شوفو الشقه وربنا يقدم اللي فيه الخير وانتي ما تحبيكهاش مع ابن عمك احنا مش اغراب عشان نعمل الحركات دي احنا اهل والجواز شخصين بيرتبطو ببعض مش شقه ودهب وفلوس وجهاز كل دي شكليات يا بنتي المهم ان جوزك يراعي ربنا فيكي وانتي تصونيه في غيابه قبل وجوده فاهمه يا مريم اوعي تنسي ربنا وتبصي لفتن الدنيا والشكليات
حاضر يا ماما انا هسمع كلامك ونشوف الشقه يا احمد بكره وان شاء الله ربنا يقدملنا اللي فيه الخير
وعدي اليوم وتاني يوم راحت مريم مع احمد عشان يشوفو الشقه اللي كانت فاضيه وكمان صغيره اووي وقالتله وهي مدايقه
مريم
يعني مش كفايه يا احمد انها بعيده جدا عن بيت ماما لا وكمان صغيره اووي دي اوضه وصاله وحمام والمطبخ مش هيكفي نقف فيه انا وانت يعني مش هقدر اخد راحتي فيه وكمااان في الدور التاسع يعني لو الاسانسير باظ في يوم انا هيتقطع نفسي في الطالعه والنازله
والله هي دي ظروفي يا مريم معلش نتحمل فيها شويه لحد ما ربنا يعدلها وبعدين نجيب شقه احسن منها ان شاء الله وبعدين انتي نسيتي كلام مرات عمي امبارح الشقه والحاجات دي شكليات
مريم لا ما نسيتش يا احمد بس برضو انت كمان ما يرضيكش اتعب سوا في الموصلات بين الشغل والبيت هنا او لو هروح لماما لاني اكيد هروحلها مره او مرتين في الاسبوع وكمان مشكلة الاسانسير لو باااظ انا مش هقدر اقعد في الشقه دي ولو هنستني وتجيب شقه افضل منها انا ما عنديش مشكله نستنا بس نتجوز واحنا مرتاحين
حرام عليكي يا شيخه انا بقي عنددي 35 سنه اللي في سني دلوقتي معاهم بدل العيل اتنين وانتي تقوليلي نستني هستني ايه بس اتقي الله يا مريم احنا هنتجوز هنا في الشقه دي وانا مش هقبل نقااش في الموضوع ده تاني خالص
مريم پحده
انت بتزعقلي يا احمد طيب اتجوز لوحدك بقي بس انا مش هكروت نفسي في
الجواز كده
