عشان امي عاميه جوزي خلاني ارمله في الشارع
نتجوز وربنا هيفرجها ان شاء الله
وفعلا بعد فتره كان اتجوز احمد ومريم وعاشو مع فاتن في شقتها وفي يوم كانو قاعدين ومريم قالت
مريم
انا بفكر اقعد بقي من الشغل واهتم بالبيت مع ماما يا احمد وانت قولت ان شغلك بقي كويس الحمد لله يعني مش هنحتاج مرتبي في حاجه
احمد
ايه الكلام اللي انتي بتقوليه ده يا مريم يعني ايه تبطلي شغل هو انتي مش شايفه الظروف عامله ازاي والاسعار اللي كل يوم بتزيد ده بدل ما نمسك في القرش اليومين دول انتي عايزه تقطعيه خالص
يا احمد ماما تعباانه دي عندها يا حرام صداع مستمر وكمان مش قادره علي خدمتي انا وانت وانا برجع من الشغل مهدوده مش بقدر اقف علي حيلي ولو عملت حاجه وتعبت ونمت بدري انت بتزعل لاني مش بشوف طلباتك فقولت خلاص خليني ابطل الشغل واقعد في البيت
احمد
هي مرات عمي كانت اشتكتلك في حاجه ولا من حاجه بلاش تتلككي وبلاش كسل احنا محتاجين مصاريف وكمان لو ربنا كرمنا بحتت عيل هتبقي ورطه كبيره
ورطه ده بدل ما تقول انه خير من عند ربنا وكل حد بيجي برزقه تقول كده يا احمد وبعدين مش كفايه قاعدين في شقة ماما كمان هنخليها تخدمنا ده احنا ما يبقاش عندنا ډم والله
احمد
وهي امك هتقعد لوحدها ليه خلينا نتكلم بالعقل ست كبيره زي دي هتقعد في شقه طويله عريضه لوحدها ليه وبعدين هو كل ده في الاخر هيروح لمين ما لينا يا حبيبتي
بعد عمر طويل يا احمد ايه اللي انت بتقوله ده ربنا يديها الصحه وطولت العمر وبعدين انا لو هشتغل يبقي انت ما تخليش ماما تعملك حاجه وفلوس كشفها وعلاجها يبقو مني ومنك تمن قعدتنا في بيتها من بكره هروح اكشفلها عشان اعرف ايه سبب الصداع الكتير اللي عندها ده
احمد بغيظ
طيب يا مريم اعملي اللي انتي عايزاااه انا بجد ما بقتش عارف اعمل ايه معاكي
احمد
بسم الله الرحمن الرحيم مالك ياا مريم بټعيطي كده ليه يا حبيبتي ماما كويسه الدكتور قالكم ايه
مريم پبكاء
ماما تعباانه اووي يا احمد الدكتور قال ان اللي عندها ده مشكله كبيره في قرنية عينيها وانها مع الوقت هتفقد النظر خالص ويا قلبي عليها عملت نفسها مش زعلانه بس كل شويه ټعيط من غير ما تخليني اخد بالي عشان ما ازعلش عليها
لا حول ولا قوة الا بالله طيب الدكتور ما قالش ان ممكن يكون في علاج او عمليه حتي واحنا ممكن نتصرف ونعملها المهم تفضل تشوف ده كله الا النظر
مريم
للاسف يا احمد قال ان عصب عيونها نشف ومش هينفع تعمل فيه اي عمليه دلوقتي انا بجد ماما صعباانه عليا اوي ومش عارفه اهون عليها ازاي
احمد
بقولك ايه يا مريم هاتي فلوس من اللي معاكي وانا هنزل اجيبلها سمك مشوي عي بتحبه ونحاول نهون عليها شويه بلاش النواح ده قدامها
نسيت اقولك صح انا دفعت مرتبي كله في الكشف والاشعه اللي عملناها وكمان استلفت من هبه صحبتي انت عارف انها دكتوره في المستشفي اللي كنا فيها وكتر الف خيرها صرفتلنا العلاج برضو علي حسابها
احمد
كتر خير ايه بس دي لو بتحس كانت ما خلتكيش دفعتي قرش واحد وانتي دماغك فين وانتي بتدفعي الفلوس دي كلها في حاجه مالهاش
لازمه ما امك كده كده هتعمي
