طول عمري اسمع عن الفلوس الحړام
لما تيجي نشوف الموضوع دااا
سماح
ياشيخه غوري بقا هي نقصاكي
وقفلت سماح مع نور وبعد شوية رجعت البيت سماح
ليلي
كنتي فين يا سماح
سماح
ملكيش في كنت منين ما كنت واديني جيت اهو
ليلي
لاحظي اني انا امك وطبيعي اسألك كنتي فين
سماح
في ايه يا ماما ليه دايما محسساني اني بعمل حاجه غلط ودايما بتساليني روحتي فين وجيتي منين ما عندك نور اهي عمرك ما سألتيها راحت فين ولا جات منين ولا اتاخرت ليه
عشان نور اختك مبتعملش حاجه غلط نور اختك مش تعباني زيك وبتسمع كلامي وبطاوعني لكن انتي لا
سماح
تمام خليها تنفعك بعد ازنك انا داخله انام
ودخلت سماح الاوضه وغيرت هدومها
نور
كنتي فين
سماح
خير انتي كمان هو انتو بتحققه معايا ليه كدا
نور
لا ابدا ياستي حابه اعرف كنتي فين
سماح
قولتلك كنت مع صحابي
نور
يعني انتي مروحتيش تشوفي مصطفي جارنا
ااا اي اللي بتقوليه دا بس مصطفي مين اللي روحت شوفته ليه بتقولي كدا هاا
نور
لا ابدا اصلو ركب معايا الاسانسير النهارده وقالي انه كان معاكي وسابك وقالك مروح
سماح
ملكيش في دي حياتي وانا حره فيها ملكيش انك تدخلي
نور
يابنتي افهميني انا والله خاېفه عليكي ليه شايفه اني بكرهك واني بغير منك انا اختك الكبيره وشوفت في الدنيا اكتر ما شوفتي انا بنصحك لاني خاېفه عليكي بلاش اللي بتعمليه دا بلاش لبسك دا والولاد اللي بتكلميها وصحابك اللي انتي ماشيه معاهم وبلاش كلامك وطريقتك مع امك دي
شششششش بقولك ايييه متكليش دماغي سبتلك انتي الاحترام والادب واللبس المحترم والصحاب الكويسين وبرك لي امك انا ياستي وحشه وبت ستين في سبعين
نور
مسيرك هتندمي يا سماح واديني بقولك مسيرك هتندمي
سماح
لما اندم ابقا اقولك
ودخلت سماح البلكونه وكلمت مصطفي
سماح
الو ايوه يا زفت الطين انت بتقول لي اختي اني انا كنت معاك النهارده انت بتعملي مشاكل مع اختي وتخليها تقولي كلام ميتلبسش عليه هدوم
في ايه يا سماح هو انا قلت اي لدا كله ما دي الحقيقه ما انتي كنتي معايا فعلا وبتحبيني فعلا هو انا قلت حاجه غلط
سماح
لا مقولتش حاجه غلط انك تقول لي اختي اني انا كنت بتسرمح معاك النهارده يبقا مقولتش حاجه غلط ولا الهباب اللي بتشربه لحس دماغك
مصطفي
الزمي حدودك ثم انتي ليه مش طالعه لي اختك سبحان الله ولا فيكم حاجه من بعض
طب انا هقفل وحسابك معايا بكره يا مصطفي
مصطفي
احسن برضو عشان دماغي وجعتني منك وابقي سلميلي علي اختك نور وخديلي منها البركه هااا
بعدها قفلت سماح السكه في وش مطصفي ودخلت لنور
سماح
اقولك ايه يابت انتي اي حاجه من اللي قلهالك مصطفي دي حقيقه ايوه اه كنت معاه واه بحبه وهو بيحبني وهيتقدملي قريب وهتجوز قبلك وهتفضلي انتي بايره
يتجوزك ااه مفيش واد مشي مع بت اتجوزها الراجل بيتجوز البت الغاليه معااه اوييي
سماح
احترمي نفسك واعرفي تمامك لا اقوم اورهولك
نور
انا هكون الكبيره العاقله ومش هرد عليكي ويلا تصبحي علي خير
سماح
يارب تنامي ما تصحي
وتاني يوم الصبح رن عليها مصطفي
سماح
خير علي الصبح نسيت تقول حاجه بالليل ف قلت تصبحني بيها
مصطفي
ااه نسيت اقولك اسف يابت متزعليش حقك عليا كنت متقل امبارح حبتين
سماح
اممم والمفروض انا اسامحك وكل متقل اعذرك
مصطفي
مليش غيرك يا ميحا وعشان اصالحك انا عازمك علي مكان جامد النهارده في الشباب والبنات صحابهم تعالي وهنسيمي حتي اسمك
سماح
اممم ودا فين وامتا
مصطفي
فين وامتا دي سبهالي انا انتي بس جهزي نفسك علي بعد المغرب كدا ورنيلي وهستناكي اول الشارع وبعدها نروح
سماح
اممم هفكر وارد عليك
مصطفي
لا يا روح امك مفيش تفكير هتلبسي وهستناكي يلا سلام يا مزه اسيبك ترتبيها بقا وتشوفي
هتخرجي ازاي
