((البت اللي هتحمل مكان الست هانم وصلت))

العشر سنين يبق انت عندك حق فعلا ! 
يونس هز راسه وقال هيا قالتلي ان صلاح هو اللي قفل القضية بسلطاته وبعد الشبهه عنه وطبعا اكيد خلي ناس من اللي يعرفهم هما اللي خلصوه من الليلة دي كلها 
اشرف بصله وقال طيب يا يونس انت هتعمل ايه معاه هتعرف تجيب دليل ضدة ازاي !!! 
يونس هز راسه وقال اكيد في دليل طبعا انا متاكد ان وجود روح قدامي مكنش صدفة ابدا واكيد ربنا سبحانه وتعالي اراد ان الحقيقه تظهر وانا اللي هخدلهم حقهم منه 
اشرف هز راسه ووقف وهو بيحط ايده علي كتف يونس وبيقول 
طيب يا يونس انا هكون معاك في كل حاجه بس انا عايزك تقوم تروح علشان باين عليك مرهق جدا ودا غلط علي صحتك ! 
يونس هز راسه ووقف وسلم علي اشرف والاتنين خرجوا وكل واحد روح بيته بقلمي شيماء صبحي 
وصل يونس للبيت وطلع اوضته ولقي ان روح عمالا ترتعش وبتهتف باسم سحر قرب منها پخوف وقال علشان يصحيها روح فوقي !!! 
روح كانت بټعيط وبتمد ايديها علشان تمسك في سحر لانها شيفاها قدامها وبتقول بعياط سحر انا اسفه اني ملحقتكيش سامحيني 
يونس اټصدم من الحاله اللي هيا وصلتلها وقرب منها اخدها في وهوا بيمسح علي شعرها علشان تهدي وروح فتحت عينيها وهيا لسا خاېفه ولما لقت يونس قدامها ضغطت علي وهيا بتقول بعياط سحر يا يونس انا شوفتها قدامي وكانت بتبصلي وټعيط انا اكيد غلطانه اني سبتها صح 
يونس هز راسه بلا وقال انتي ملكيش اي ذنب دا قضاء وقدر متلوميش نفسك!! 
روح هزت راسها وهيا بصاله بعياط وقالت انت عارف مين صلاح دا يا يونس 
يونس فضل باصصلها وساكت وهو مش عارف يقولها ايه روح كانت ملاحظة سكوته فقربت ايديها من خدة وقالت يونس انت عارفه رد عليا ارجوك 
يونس هز راسه بايوا وقال ايوا اعرفه يا روح بس مش هينفع اقولك اي حاجه ودا علشانك انتي انا خاېف عليكي وبعدين يا روح صلاح دا خلاص انا فتحت القضية من تاني ومش هسيبه غير وهوا واخد جزاءة !! 
روح بعدت عنه وهيا بتمسح دموعها وبتقول انا مش ههدي يا يونس الراجل دا هو السبب في كل حاجه هو السبب اني اعيش ٨ سنين في حالة اكتئاب ومش عارفه اتخلص منها وخلاني اعيش فاقدة النطق من اللي انا عشته وغير انه قتل صاحبتي قټلها بكل برود علشان ياخد غرضة من طفلة مكملتش عشر سنين ممكن تقولي انا اهدي ازاي انا كنت فاهمه كل حاجه مش غبيه كانت عبير بتقولي ان منصور بياخد البنات يفسحهم بس انا كنت عارفه كان بيعمل فيهم ايه ولما روحت الاوضة وشوفت السرير اللي مليان ډم اتاكدت اني صح وان عبير كانت بتكدب بس انا عارفة انها بتعمل كدا علشاني وعلشان خاېفة عليا اعرف حاجة بشعه زي دي !
يونس قرب منها وهوا بيقول پغضب كل اللي انتي حكتيه دا انا عارفه وبعدين انا قولتلك كلهم هياخدوا جزائهم انا ظابط وعارف ازاي اوقعهم كلهم في شړ اعمالهم وحقك انتي وكل اللي اتاذو هيتردلهم بس انا عايزك تهدي لان عياطك دا بيحسسني اني ضعيف يا روح ممكن تهدي !
روح بصت في عينيه وهزت راسها لما لاحظت الصدق في كلامه قربت منه وحطت راسها علي وقالت انت مش ضعيف يا يونس انا اللي ضعيفة انا اللي مقدرتش اعمل اي حاجه وعشت طول عمري بتحامي في اللي حواليا وعمري مواجهت لاني ضعيفه 
يونس مسح علي شعرها وقال انا عايزك تكوني اقوي من كدا يا روح علشان الفتره الجايه هتواجهي كل دول والمواجه محتاجه للقوة وعلشان تردي حقك انتي وسحر وبقيت اصحابك لازم تكوني قويه !
روح هزت راسها وبعدت عن وقالت حاضر يا يونس بس انا هنام علشان تعبانه ! 
يونس هز راسه وقال طيب يلا نامي انا هقضل جمبك علشان لو حلمتي باي حاجه تانية الحقك 
روح ابتسمت علي كلامه وهزت راسه ونامت 
وبعد نص ساعه كان يونس لسا صاحي وهوا بيبص عليها وبيقاوم النوم بالعافيه روح قربت عليه وهيا فكراه عبير لانها خلاص نامت نوم عميق وشدته عليها ويونس لانه عايز ينام استسلم ليها ونام في !!!! 
بقلمي شيماء صبحي 
تاني يوم صحيت ماجده وهيا بترفع ايديها علشان تفوق وافتكرت ان روح ويونس اتاخروا انبارح فقلقت عليهم وقررت انها تطلع تشوفهم الأول قبل ما تجهز الفطار 
خرجت ماجدة من
اوضتها وطلعت علشان تشوف يونس وروح وتطمن انهم رجعوا واول ما دخلت الاوضة اټصدمت من اللي شيفاها كان يونس واخد روح في وضاغط عليها كانها هتهرب 
ماجده حطت ايديها علي بوقها وهيا مش مصدقه انه واخده في بالشكل دا وهيا المفروض محرمة عليه!!!
المنبه بتاع يونس رن قام وهوا حاسس بصداع في دماغه بص جمبه وشاف روح وهيا نايمه علي ابتسم علي شكلها وبص حواليه علشان يقوم شاف ماجده واقفه بتبصلة بضيق 
يونس استغرب وجودها فبصلها وقال بصوت واطي خير يا نانا واقفه كده ليه 
ماجده هزت راسها وقالت انا عايزاك يا يونس بس قوم اجهز الاول وانا هستناك تحت ! 
يونس هز راسه ياستغراب وهيا خرجت من الاوضة وهيا متضايقه من اللي يونس بيعملة ! 
يونس بعد روح عن جسمة بالراحه و قام من علي السرير علشان يجهز للشغل 
دخل الحمام خد شاور سريع وخرج وبدا يلبس وكل دا وروح نايمه 
جهز يونس ومسك تلفونه والمفاتيح وخرج من اوضته وهو نازل علي السلم جاله اتصال من صلاح السعدني والد خطيبته 
يونس بص للرقم بكل ضيق ورد عليه 
صلاح بابتسامه صباح الخير يا حضرت الظابط اكيد انت صاحي وانا مقومتكش من النوم !! 
يونس هز راسه وقال لا طبعا انا صاحي انت عارف بق اني بصحي كل يوم بدري علشان شغلي والقبض علي المجرمين كالعاده !! 
صلاح ضحك وقال ربنا يكرمك يا يونس وتعيشوا وتنضفوا البلد من المجرمين!! 
يونس ابتسم بسخريه علي كلامه وقال اكيد دا شغلنا!! 
صلاح ضحك وقال بس قولي بق انت مجتش اميارح ليه علشان تصالح نادية!! 
يونس استغرب كلامه وقال اصالح نادية 
صلاح هز راسه وقال اكيد يا يونس هيا مش خطيبتك ولازم تصالحها ولا انت غيرت رئيك ولا ايه 
يونس رد عليه وقال باستغراب مش فاهم غيرت رأي في ايه هو مش حضرتك كنت مكلمني علشان نخلص الموضوع وكل واحد يروح لحاله ايه اللي اتغير في الكام ساعه دول ! 
صلاح ابتسم وهو بيبص لناديه اللي واقفه قدامه وقال انا بس فكرت في الموضوع وحاولت مع ناديه علشان تفكر وتاخد القرار الصح لانها برضوا بتحبك يابني وانت برضوا بتحبها ومش عاوزكوا تندموا علي قرار اخدتوه في وقت ڠضب!!!
يونس اتنهد ورد عليه وقال انا حاولت كتير مع ناديه كتير بس الظاهر كدا انها تخطت حدودها في حجات كتير وانا هاجي لحضرتك النهارده علشان نتكلم في الموضوع دا ونخلصة 
صلاح هز راسه بالموافقه وقال خلاص ماشي يا يونس انا هستناك في الفيلا النهارده بس اوعي تنسي اتفاقنا 
يونس رد عليه وقال لا مش هنسي متقلقش هاجي في ميعادي ! 
صلاح ضحك وقفل معاه ويونس حط تيلفونه في جيبه وهوا حاسس پخنقه من كلامه معاه !!!
نزل يونس علشان يروح لماجده واول ما نزل وهيا شافته قربت عليه وهيا متضايقه وقالت ايه اللي انا شوفته دا يا يونس ازاي نايمين في بعض كدا انت ناسي انكم متحرمين علي بعض من غير جواز !
يونس اټصدم من كلام جدته ورد عليها بكل هدوء وقال انتي فاهمه غلط يا نانا روح كانت تعبانه وانا كنت قاعد جمبها ونمت بالغلط ولاكن انا مش
قصدي انام جمبها كده 
ماجده حطت ايديها علي كتفه وقالت بس برضوا يا يونس حتي التلامس غلط دي ينت اجنبيه عنك انت عارف ربنا كويس وطبعا عارف ان دا غلط وبعدين بلاش الكلام دا انت كدا ممكن تعلقها بيك وانت اصلا خاطب 
يونس اتعصب من كلام جدته وقال انا مش خاطب يا نانا بص علي دبلته وقلعها وهوا بيقول ادي دبلة ناديه اهي انا مش عايزها خلاص انا وناديه معدش في بنا اي حاجه كل واحد راح لحاله وانا قايلها كده والموضوع انتهي !
ماجده بصتله بحزن وقالت انت بتعمل كل دا علشان روح مش كده انت عارفها بس من كام يوم معقول تسيب
خطيبتك علشان بنت لا ليها اصل ولا فصل 
يونس اتضايق من كلامها عن روح ولاكنه رد عليها وقال روح ملهاش اي علاقه بموضوعي انا وناديه وبعدين هيا بنت يتيمه ومتربيه في ملجأ ومش
علشان هيا كده تبق ملهاش اصل وفصل انتي كنتي حباها يا نانا ايه اللي غيرك عليها كده !
ماجده بصتله وقالت ناديه شافتك امبارح انت وهيا في الملاهي معقول يعني يا يونس عيله زي دي تخليك تركب ألعاب زي العيال الصغيره !
يونس اټصدم من كلامها وقال الظاهر ان ناديه جتلك انبارح وسخنتك عليا بس انا هقولك حاجه يا نانا انا هاخد روح وهرجع بيتي وانا اسف لو كنت زعجتك باني اجي واجيب روح معايا !
ماجده اټصدمت من كلامه وقالت برفض لا انت هتاخدها وتمشي ازاي انا خلاص اخدت عليها وعليك انت كمان انت عارف اني عايشه لوحدي ومصدقت انك جيت تونسني وروح انا اتعودت عليها برضوا 
يونس بصلها واتنهد بتعب وقال طيب علشان خاطري ينانا بلاش تضغطي عليا انا والله فيا اللي مكفيني وروح مش وحشه صدقني دي بنت غلبانه وملهاش في اي حاجه بس اللي مش غلبانه فعلا هيا ناديه فبلاش تسمعي كلامها علشان بكلامها دا ممكن نخسر بعض !
ماجده خاڤت من كلامه وهزت راسها وقالت مش هسمعهلها يا يونس بس اوعدني انك مش هتسيبني وتمشي!! 
يونس هز راسه وقال حاضر يانانا اوعدك اني مش همشي بس علشان خاطري بلاش تزعلي روح دا لو ليا خاطر عندك 
ماجده اتكلمت بدموع وقالت انت ليك طبعا خاطر عندي بلاش تقول الكلام دا روح انا بحبها وهشيليها في عينيا متخافش !!
يونس قرب منها وقبل جبينها وقال انا اسف يا نانا مش قصدي ازعلك انا طبعا عارف اني ليا خاطر وانك بتحبيني بس صدقني والله انا الفتره دي مضغوط جدا ادعيلي ربنا عدي الفتره دي علي خير !! 
ماجده ابتسمت وهزت راسها وقالت ربنا يوفقك ياحييبي ويبعد عنك شړ ولاد الحړام 
يونس ابتسم وهو بيرد عليها اللهم امين انا همشي بق علشان عندي شغل كتير 
ماجده مش هتفطر!! 
يونس هفطر في المكتب 
يونس قال كلامه وخرج وساب ماجده واقفه مكانها وهيا حاسه بالذنب من الكلام اللي قالته ليونس 
بقلمي شيماء