ارجعي لي يا نور مش عارف اعيش من غيرك
كتير وسامحتها لله وجه يحيى من السفر يحضر عزا مامته وأول ما نزل أتصل على مراته التانية وطلب منها تيجي بس هى رفضت حتى محضرتش عزا حماتها وبعد الميتم راح يجبها قعدت تتشرط عليه عشان ترجع وهو وافق على كل شروطها ومن ضمن شروطها أنه يعمل ليها أقامة وياخدها معاه ويكتب ليها شقة في البيت ويحط رصيد في حسابها لأن هو كان بيبعت مصاريفها على والدته وهى كانت متحكمة فيها وبعد ما عمل دا كله وخدها معاه مفكرش حتى يسأل عن عياله وانا أساسا مش فارق معايا يسأل ولا لأ لأنه مكنش بسأل فيهم وهو معاه هيسأل فيهم وهما بعيد عنه وفي يوم وهو في السعودية كان معاه عهدة فلوس مبلغ كبير تبع شغله لأنه بشتغل مندوب مشتريات ومبيعات جت سلوى اللي هى مراته وحطت له منوم وكانت مجهزه حالها وأول ما نام ضړبت ضړبتها وخدت الفلوس وهربت على مصر ولما صحي من النوم ملقهاش في الشقة وفضل يدور عليها كتير وبعدين أتصل على أخوها يقوله أن أخته خدت فلوس العهدة وأختفت فأخوها قاله أنها طلبت منه يحجز ليها تذكرة طيران من أسبوع في السر من غير ما يحيى يعرف لأنها خاېفة يمنعها وميعاد طيارتها كان أمبارح بالليل بس هو ميعرفش أنها خدت منه فلوس ولا الكلام ده هى قالت له أنها لو مرجعتش مصر ھتموت نفسها لأنها مش مرتاحة مع معاه وهو نفذ ليها رغبتها لأنه خاف لتعمل حاجة في نفسها حاجة وحاول يحيى أنه يكلمها ترجع له فلوس شغله لكن هى رفضت تتواصل معاه وأنكرت أنها خدت منه فلوس أصلا وفضل يحيى محتاس مش عارف يعمل أيه ولولا صاحب الشغل عارف أنه أمين ومش ممكن يسرق عهدته سامحه وخصم العهدة من مرتبه وفضل أكتر من عشر شهور يسد فيها لغاية ما خلصها ونزل مصر وراح ليها عند أهلها وأتفاجئ أنها رافعة عليه خلع بعد ما باعت الشقة لأخو يحيى لأنها قالت له لو هو مشترهاش هتبعها للغريب وهو اشتراها بدل ما حد غريب يدخل بيت أبوه وخدت فلوس الشقة ورصيد البنك وفلوس عهدته دا غير ما باعت عفشي اللي كان مدخلها عليه ودهب الشبكة ولمت كل حاجة ووقفت في وشه وقالت له انا مبحبكش انا أتغصبت على جوازك من أبويا وأخواتي عشان مطلقة بس خلاص محدش فيهم هيقدر يتحكم فيا لأن بقى معايا الفلوس اللي تخليني متحوجش ولا أتذل لحد وخلاص أخيرا هتحقق حلمها وتتجوز الإنسان اللي عاشت عمرها كله تحبه وكانت بتكلمه وعلى تواصل معاه في جوازتها الأتنين وبسبب الفلوس معرفوش يتجوزوا لأنه كان على قد حاله وكمان عرف أنها كانت بتاخد حبوب منع حمل عشان متحملش منه وأتهمت أمه بالكذب يحيى مستحملش يسمع منها كده وطلقها مستناش لما تكسب الخلع ورجع بيت أبوه يضرب كف على كف ويكلم نفسه ويقول دا حق نور اللي ظلمتها معايا وطبعا أخبار الفضايح بتاعته مع مراته التانية ملت البلد وهو مقدرش يستحمل ورجع سافر تاني انا من وقت ما طلعت من بيته مكنش متوفر معايا فلوس عشان أأجر محامي يرفع قضية طلاق لأن يدوب كنت مماشية مصاريف عيالي بالعافية وكل ما أروح لمحامي يقولي خمس ألاف أقل حاجة ففضلت لغاية ما ربنا فتحها عليا ورزقي زاد الحمدلله لأني بدأت أدي دروس تأسيس للأطفال وبقى عندي مجموعة كبيرة حسنت دخلي الحمدلله
