يابابا كنت منعتني
يا ابو يوسف ما ممكن الواد كويس ويكفي انه عايز يدخل البيت من بابه ومش عايز يكلم بنتك مثلا من ورانا
خالد
انا مش مقتنع بصراحه
ناديه
احنا نشوفه مش هنخسر حاجه لو عجبنا وافق ولو معجبناش كله في ايدك يا خويا
خالد
ربنا يقدم اللي في الخير انا بكره هتكلم معاها قبل ما انزل الشغل يلا بقا اطفي النور دا عشان عايز انام
ناديه
وطفت ناديه النور ونامت هي وخالد
وتاني يوم علي الفطار قاعدين كلهم بيفطرو راح خالد مره واحده كدا قال
خالد
الا مقولتليش يا اسراء بقا اي حوار العريس دا بقا
اسراء بتوتر
احممم عريس ايه يا بابا انا مش عايزه اتجوز
خالد
اممم مش عايزه تتجوزي ااه اصل يا ستي امك قالتلي انك كلمتيها وقولتيلها ان في واحد زميلك عايز يتقدملك
لا دي ماما بتضحك عليك متصدقهاش
ناديه
شوف البيت وحوراتها
يوسف اخوها
ايه الموضوع يا جماعه ما تحكولي وعريس جاي لمين جاي للمصديه دي دي مصديه يا بابا والله
خالد
اسكت انت بكلمك جد يا اسراء ردي اي حكايته دا
اسراء
بس يا حج انا قلت لماما كل حاجه وهو عايز ياخد معاد مع حضرتك ف هااا اقوله امتا بقا بكره مثلا
خالد
وليه بكره ما نخليها النهارده
انا والله بقول كدا وخير البر عاجله
خالد
اخرسي يابت مسمعش صوتك سبيني ادور الموضوع في دماغي واخد قرار ووقتها نشوف الموضوع دا
اسراء بحزن
اللي تشوفه يا حج يلا سلام بقا نازله الجامعه
خالد
ماشي يا حبيبتي عايزه فلوس
اسراء
لا يا حبيبي معايا خيرك سابق يلا سلام بقا اشوفكم علي الغدا
يوسف
ليه يا حج مش بتسألني عايز فلوس وكدا انا ابنك علي فكره والله
ادي اللي ناقص اصرف علي شحط جاك البلا سديت نفسي انا قايم انا كمان نازل شغلي
ونزل خالد وفضل يوسف هو وامه
راحت اسراء الكليه وقابلت احمد وبعده شويه في الكفاتريا قبل المحاضره
احمد
مالك يا بنتي لاويه وشك لسه
اسراء
مفيش حاجه
احمد
والله علي اساس اني مش عارفك يعني في اي
اسراء
مفيش مضايقه شويه ابقا اقولك بعدين يلا عشان المحاضره خلاص هتبدء
وبعد مرور شهر دخل خالد الاوضه عن اسراء وفعد معاها وقالها
خالد
يعني انتي ضروري عايزه العريس دا يجي يعني
اسراء بكسوف
عادي اصلا اللي تشوفه حضرتك
خالد
اممم اللي اشوفه اه عموما قوليلو يجي بكره انا مستنيه بعد العشا اعرف دا مين واي حكايته وتعرف عليه
احااضر يا احلي بابا وقامت حضناه جامد وبسته في خده
طلع خالد من اوضتها وبعد ما طلع من الاوضه رنت اسراء علي احمد وقالتله
اسراء
استاذ احمد حضر نفسك بكره بعد العشا بابا مستنيك بكره
احمد بفرحه
انتي بتتكلمي جد والله فعلا مستنيني
اسراء
اه والله مستنيك بكره هو قالي كدا عموما متتاخرش يا حبيبي بكره ربنا هيسر امورنا ان شاء الله
احمد
اتأخر ايه بس انا مصدقت من النجمه هكون عندكم انا مش مصدق نفسي بصراحه
اسراء
ولا انا والله يلا بقا روح شوف هتلبس ايه عايزاك قمر بكره هااا
احمد
هبهرك يا مراتي المستقبليه يلا سلاااام دلوقتي
وقفل احمد مع اسراء وتاني يوم صحيت اسراء وبدأت توضب البيت عشان احمد جاي عشان تستقبله
جه احمد بعد العشاء علي طول فتحله الباب خالد
خالد
لا منضبط وانا احب الانضباط اتفضل يابني نورتني والله
احمد ببتسامه
والله يا عمي البيت منور بناسه
خالد
زاد نور طيب بدخولك في ولا تزعل اتفضل اقعد اهلا بيك يا حبيبي
احمد
اهلا بحضرتك يا عمي مبسوط بجد اني هتعرف عليك
خالد
انا اللي مبسوط ان في شباب زيك لسه بتبغي الحلال ربنا
يبارك فيك وفي
