جوزي كل ما اهلي يجي عندي يطردهم
ما بيتي بقا وباخد راحتي في ولا اي رائك انت
رد عليه بابا باحراج وقاله
بيتك طبعا يابني عموما انا ماشي اهو عشان اسيبك علي راحتك واسف لو جيت ليكم فجأه كدا
راح مشي بابا وهو مضايق ولكن مكنش مبين زعله وانا زعلت جدا وتصدمت من جوزي وتصرفه مع بابا وفضلت اعيط واقوله
انت ازاي تعامل بابا كدا هو مش بيشتغل عندك ودا بيت بنته يعني في اي وقت يجي انت مش جايبني من الشارع
انا مش ناقص ۏجع دماغ ومتعمليش فيها المصدومه دا انا ودا اسلوبي لو كان عاجبك وعيشي لا احسن اطلقك وارجعك لعيشة الفقر اللي اناي كنتي فيها
قولتله بدموع
عمره الفقر ما كان عيب ولا حاجه تعر ربنا خلقنا فقراء اه بس عندنا كرامه وانا مش هسمح لحد يهين كرامتي انا واهلي انت فاهم
قالي ببرود
ونبي خفي الدراما اللي انتي عملاها دي انا معملتش حاجه لدا كله
فعلا معملتش حاجه انا داخله انام
ودخلت اوضتي وفضلت اعيط واقول ليه يارب كرمتني بجوز قاسې زي دا انا مكنتش عايزه كدا يارب يعني انا اطلع من تعب الاقي تعب اكتر وبعدها نمت محستش بنفسي والغريب انه حتي مفكرش يصالحني غير لما احتاج حقه الشرعي مني
بعديها بكام يوم كنت واقفه في المطبخ راح دخل عليا وقالي
بسمه انا اهلي جايين النهارده عايزك تعملي اكل كتير وتشرفيني قدامهم
عيوني ليك دا هما يشرفه في اي وقت والاكل اعتبرو جاهز
وقتها مفكرتش في حاجه وفرحت فعلا ان اهله جايين علي الرغم من ان بابا لما جه مستقبلهوش كويس
المهم حضرت الغداء وحماتي وحمايه واخته جم وستقبلتهم ولكن هما كان استقبالهم ليا مش لطيف ومكنتش فاهمه هما ليه بيتعامله معايا كدا
عموما عديت الموضوع وحضرت الغدا وحطيته علي السفره ومكنش في مكان عشان اقعد انا ولقيت جوزي بيقولي اغرب جمله فالدنيا
مش مهم انتي تاكلي لما ناكل ابقي كلي براحتك اصلا مفيش مكان ليكي او روحي كلي علي ترابيزة المطبخ
انا دموعي نزلت ولكن حولت اداريهم لكن زعلت من ردت فعله ازاي هو يقولي كدا وفي نفس الوقت لقيت الباب بيخبط فتحت لقيته اخويا فرحت لانه كان في الجيش وليا كتير مشوفتوش روحت حضنته وقولتله
ادخل يا حبيبي دا انت واحشني اوي
وانتي وحشاني اوي يا بسمه انا عارف اني مقصر معاكي بس خصب عني
وقبل ما يخلص كلامه مصطفي اخويا لقيت محمد بنبره صوت غريبه بيقولي
مين عاي الباب يا ست هانم واقفه ترغي مع مين
انا بحزن
دا مصطفي اخويا يا محمد رجع من الجيشوجاي عشان يسلم عليا
لقيته بيقولي هو مره ابوكي ومره مصطفي ما يجو اهلك يعيشه معانا هنا هما اول مره يشوفو شقق نضيفه ولا ايه
مصطفي بصوت عالي
انت بتتكلم ليه
