انا اپشع واحده في العالم جوزي بيحبني وبيثق فيا بقلم سولييه نصار

 

انت ياض بتهد د مراتي انت متعرفش اني ممكن انهيك للابد مسألتش عليا قبل ما تفكر تهد د حد يخصني ده انا ممكن أسج نك ومش أخليك تشوف الشمس تأني !!!سألت علي عيلتي هما مين قبل ما تهد د واحدة من عيلتنا 
كان علي بيزعق وهو بيضر ب وائل اللي وشه بقا كله د م 
خلاص يا باشا خلاص أبوس ايديك 
قالها وائل بر عب وهو بيقعد علي الأرض وبيترجاه يبطل مكنتش مصډومة وائل طول عمره جبان بيستقوي علي الستات بس 

تمسح الصور يا حيلتها ولا اقولك هات الموبايل امسحهم بنفسي 
خرج وائل الموبايل بتاعه من جيبه واداه لعلي اللي طلب منه الباسورد 
فتح علي التليفون وبص للصور وشه اتجمد اكتر وبصلي وبعدين مسح الصور بعدين حدف الموبايل ناحية الحيط عشان يتك سر لمية حتة .
مسك وائل من تيشرته وقال
قوم يا حيلتها وقولي بقا فيه صور تاني معاكمعاك موبايل تاني 
هز وائل رأسه وهو مړعوپ وكان هيعيط وقال
والله يا سعادة البيه ما معايا حاجة تاني أنا اسف والله بس امشي من هنا ابوس ايديك أنا مش عايز اي فضا يح أنا والله ما كنت ناوي اظهر في حياتها تاني ولا كانت في دماغي أنا اصلا خطبت وبحب خطيبتي بس صاحبتها صاحبتها هي اللي كلمتني وطلبت مني اني اعمل كده هي اللي اقنعتني وقالت إنه هنبسط ببلاش. ..
صاحبتي 
قولتها پصدمة فقال 
ايوة صاحبتك إسراء!!!
يتبع
الفصل الخامس
اسراء...اسراء!!!
قولتها پصدمة وانا بعيط ...كنت راكبة العربية مع علي بعد ما أدب وائل وانا واثقة أنه مش هيقدر يهوب ناحيتي تاني ...كان مفروض ارتاح أني خلصت من المشكلة دي ..بس الكلمة اللي قالها صدمتني ...اسراء تعمل كده ...كان نفسي مصدقش بس افتكرت لما حاولت تخليني اروح للغلط برجليا وتقنع فيا عشان اروح واخو ن جوزي !!!....
مسحت دموعي وقولت. لعلي 
ممكن نعدي علي إسراء!
اتنهد وقال 
خلاص يا تقي انسي ...مش لازم فوضي امرك لله فيها ...
هزيت راسي وانا بعيط وبقول 
ابوس ايديك يا علي خليني اروحلها ...انت متعرفش ...دي مش صاحبتي بس دي اختي يا علي اسرارنا كلها مع بعض ..كنا بناكل سوا ...بنشرب سوا .....أنا أول واحدة وقفت في فرحها....اول واحدة بكيت لما جوزها اتجوز عليها ...حسيت وكأني أنا المجر وحة مش هي !!!أنا مش قادرة اصدق ان اختي تعمل فيا كده ...ليه ...ليه ...انا عايزة افهم يا علي ليه تعمل كده ...أنا هتج نن أنا عمري ما اذ يتها . دي كانت اختي. نصي التاني وتوأم روحي. ..ليه تعمل كده ليه ...أنا همو ت يا علي ...حاسة اني فيه حاجة غلط ...أنا لازم اشوفها يا علي ...لازم اكلمها ...ابوس ايديك خليني اروح ...ولا هتج نن ...
اتنهد علي بتعب وقال 
حاضر يا تقي ...
....
عشر دقايق بالضبط وكنا قدام بيت إسراء ....
أنا هستناكي هنا ...لو فيه اي حاجة رني عليا وهطلع علطول ماشي ...
هزيت راسي وانا بمسح دموعي ...
........
وقفت قدام الباب وانا بمسح أي أثر لدموعي...بحاول أبين اني عادي ...رنيت علي الجرس وفتحتلي هي ...
تقي اتفضلي ..
قالتها بإبتسامة فدخلت أنا ووقفت في الصالة وانا بحاول اسيطر علي انفعالاتي بس لقيت دموعي بتنزل لوحدها وبشهق بقوة ...جات إسراء جمبي وقالت
تقي فيه ايه يا حبيبتي ...طمنيني روحتي لوائل...لو روحتي خلاص انسي ...ده الحل الوحيد دلوقتي تقدري تعيشي مع علي من غير ما ضميرك يأنبك ...
بصيت لإسراء وقولت بصوت مخڼوق
ليه ...ليه يا إسراء ده انتي كنتي اختي. ..ليه تخو نيني بالشكل ده ...أنا عملت ايه غل ط معاكي ...
بصتلي وفهمت أنا بقول ايه ...رفعت راسها وقالت بحر قة
عشان انتي متستاهليش الحياة الحلوة دي ...ولا أن حد زي علي يحبك ويصبر عليكي .....عشان انتي رغم اللي عملتيه عشتي عيشة حلوة اوووي وانا جوزي اتجوز عليا وبقا علطول مع مراته التانية وفين فين اشوفه....ازاي انتي اللي غلطتي وكنتي بتركبي عربيات وتروحي شقق تتجوزي واحد محترم وانا اللي طول عمري محترمة جوزي يعمل فيا كده ...ده مش عدل ...
رجعت لورا وأنا ببكي جامد وقولت
انتي كنتي اختي !!!!
غمضت عينيها ودموعها نزلت وقالت 
وانا كنت بحبك