ماهو انتي طول ماهمك الشغل وانتي عمرك ماهتجوزي
خلاص يبقى انتي اسأليها من غير ما تجيبي سرتي اني قولت ليكي حاجة
زينب بتفكير ..خلاص انا هقول لها انك عايز تتجوز واسألها لو هي مكان اي وحدة هترضى ولا لأ ايه رأيك
معتز بأبتسامة قبل رأسها..الله عليكي ياخالتي ياعسل تسلم افكارك تمام كدا يالا اطلع انا
زينب..خليك اتغدى معنا
معتز..لأ بلاش النهاردة بالذات عشان متكنش بينة اني قولت ليكي حاجة
معتز بفرحة..ياريت ياخالتي ربنا يسمع منك
زينب نكزته في كتفه..في ايه يا واد اتقل شوية دا انت واقع بقى هههههههه
معتز بضحك..بصراحة اه محدش فاهمني غيرك انت ياقمر مش هوصيكي من غير ما حد يعرف
زينب..من عيوني ياحبيبي ربنا يفرح قلبك
________________________________________
يجي
خرج معتز واغلق الباب خلفه
جلست زينب وهي تكاد تطير من الفرحة اخيرا ربنا استجاب لدعائها وسوف تتزوج نسرين وكمان من معتز فهو مثل ابنها متربي على يدها
فتح عزت الباب ودخل لاحظ شرود زينب وقال لنفسه..ياترى بتدبري ل ايه يازينب
اقترب منها وقال بصوت عالي..السلام عليكم
عزت لوح بيده امام وجهها ونظر لها نظرة مطولة ..في ايه مالك سرحانة في ايه
زينب انتبهت له..هاا لا ابدا ولا حاجة انت جيت امتى
عزت..من شوية وانتي ولا حاسة بيا
لم ترد زينب قاطعها دخول نسرين وقالت..السلام عليكم
استغرب عزت ونسرين من طريقتها
قامت زينب من مكانها واحتضنت نسرين بشدة وقالت..حبيبة قلبي انتي
نظرت نسرين ل والدها نظرة تسأل مط بمعنى لااعرف
نسرين..انا هدخل اغير هدومي واجي
دخلت ابدلت ملابسها وخرجت وجدت امها قد اعدت الغداء على غير العادة والعراك والصوت العالي وانها كعدمها وليس لوجودها فائدة استغربت اكثر واكثر وجلست بجانب والدها وهمست له..هو في ايه مالها ماما
جاءت زينب من المطبخ معها باقي الاكل وجلست وعلى وجهها إبتسامة غريبةونظرت لنسرين وقالت..بقولك ايه يانوسي
نسرين اتسعت عيناها وتدلى فكها مستغربة فهذه اول مرة امها تدلها هكذا..نوسي دا في حاجة بقى نعم
زينب قررت الدخول في الموضوع بدون مقدمات ..ايه رأيك في معتز
زينب نظرت لها بأبتسامة غريبة..اكيد رأيك فيه كعريس ليكي
نسرين هزت رأسها بالنفي ..لأ طبعا
زينب بحدة..يعني ايه لأ
نسرين ارادت ان تريح والدتها وتنهي هذا الحوار..يعني معنز زي احمد بالضبط
زينب اختفت الابتسامة وتغيرت ملامحها واتسعت عيناها پغضب وقالت بعصبية..لأ معتز مش زي احمد دا مش اخوكي
عزت تدخل لتهدئة الموقف ويريد ان يفهم ماسر اصرار زوجته..اصبري بس يازينب وفهميني هو معتز طلب نسرين
سكتت زينب ولم ترد
عزت بعصبية..مش تفهميني ايه اللي حصل بالضبط
زينب هي لاتريد ان تقول ماقاله لها معتز فقالت بعصبية وصوت عالي ..لا افهمك ولا تفهمني انا قولت كلمة ومش هرجع فيها هتتجوزه ڠصب عنها ونظرت لنسرين واكملت انتي عايزة تقعدي كدا لا هتتجوزيه يعني هتتجوزيه ودا اخر كلام عندي انتي فاهمة..............
الفصل التاسع
صدم عزت من كلام زينب واصرارها على جواز نسرين من معتز
عزت نظر لها بحدة وقضب حاجبيه وقال بنبرة صوت مخيفة..زينب هو معتز طلب نسرين ردي عليا انتي منين واثقة كدا من كلامك ثم اكمل بنبرة محذرة.. ردي من غير كدب
بلعت لعابها بصعوبة فهي تشعر بالخۏف من نظرته ونبرة صوته التي ارعبتها حكت ماحدث بينها وبين معتز لانها خاڤت من زوجها فهو طيب ودائما ساكت ولكن اذا تكلم او تدخل لايمكنها ان تكسر كلمته
نظر عزت ل نسرين وجدها تبكي اشفق على حالها فقال بحنان..مالك بس يابنتي بټعيطي ليه
نسرين بدموع وانفاس متقطعة من اثر البكاء..انا مش هقدر اتجوزه والله انا شايفاه زي احمد
زينب نظرت لها بحدة وقضبت حاجبيها ..اوعي تكوني فاكرة اني مكنتش واخدة بالي من تصرفاتك وانتي ما تصدقي تطلعي فوق عشان تشوفيه ايه اللي غيرك
شعرت نسرين بالخجل من نفسها ألهذه الدرجة كانت تصرفاتها واضحة ومازاد خجلها وجود والدها يسمع هذا الكلام لم ترد وظلت تبكي
عزت احدت عيناه بغيظ يرمها بنظرات غاضبة من كلامها فهو يفهمها هي تفعل هذا كله في محاولة لضغط عليها ..انتي هتحاسبيها على حاجة عملتها وهي صغيرة ومراهقة وطايشة وبعدين ماهي كانت قدامه ليه ماكنش شايفها وليه دلوقتي بعد ما اتجوز وخلف كمان جاي يتقدم لها دلوقتي شافها وعايزها ولا عشان عارف ان مفيش بنت هترضى به لكن طبعا لما يتقدم لنسرين احنا نطير من الفرحة ونجري عليه مش كدااا قالها بصوت عالي
زينب تغيرت ملامحها وهدئت نبرتها لتقول بهدوء..لأ هو قال انه ندمان انه مافكرش فيها من الاول وان هي اكتر واحدة هتخاف عليه وتتحمله
اراد عزت الرد على زوجته لانه يشعر بالڠضب الشديد منها يضغط على اسنانه وعيونه حمراء تكاد تخرج من مكانها من شدة الڠضب لكن قاطعه صوت رنين هاتفه ونظر فيه وجد رقم بدون أسم دخل غرفته ليبتعد عن زوجته وبكاء نسرين ويعرف يرد على المتصل
عزت اخذ نفس عميق وهدئ من انفعاله وغضبه وقال بهدوء..السلام عليكم
ادم بنبرة هادئة ..وعليكم السلام حضرتك والد الانسة نسرين
عزت تغراب فالمتصل يعرف نسرين ..ايوة انا ابوها انت مين وتعرف نسرين منين
ادم بتوتر ..إحم احم انا ادم عزالدين
تذكر عزت هذا الاسم فهو صاحب المكتب الذي تعمل به نسرين
عزت..ايوة أستاذ ادم صاحب المكتب مش كدا في حاجة هي نسرين عملت لحضرتك حاجة فهو تخيل انه اتصل كي يشكو منها لانه يعرفه انسان ملتزم واذا فعلت شئ لن يكلمها
ادم بهدوء..ايوة انا بس الاول بلاش حضرتك دي انا زي ابنك ولا حضرتك مترضاش اني اكون أبنك
عزت بنبرة ابوية حنونة..لأ طبعا انت زي احمد ومحمد ودي حاجة تشرفني يا ابني
ادم قد شعر بالرحة ..انا كنت عايز حضرتك في موضوع مهم
عزت يستمع بأهتمام..اتفضل ياابني
ادم ..انا عايز اتقدم للانسة نسرين وعايز من حضرتك تسألها ولو هي موافقة نحدد ميعاد واجيب امي واطلبها رسمي ولو رفضت بردو ياريت حضرتك تبلغني لو سمحت
عزت بفرح..دي حاجة تشرفنا ياابني حاضر هسألها وارد عليك
ادم بنبرة يملأها السعادة..انا متشكر ليك جدا
عزت ..مفيش شكر انت زي ولادي يبقى مفيش شكر ولا ايه
ادم بنبرة صوت متلهفة ..طب انا هستنى اتصالك بس ياريت......وسكت
عزت ابتسم فهو فهم من نبرة صوته المتلهفة انه يريد الرد بسرعة ..ماتخفش مش هطول عليك هسألها واتصل بيك
ضحك ادم وعزت
ادم..طب السلام عليكم
عزت ..وعليكم السلام مع السلامة
خرج عزت من الغرفة وقد تغير وجهه من الڠضب الى إبتسامة واسعة شعرت زينب بالراحة فهذا يعني انه فكر في الموضوع ووافق عليه اذا نسرين لا تستطيع الرفض فوالدها ليس معها وهذا يعني انها يمكنها الضغط عليها
اقترب عزت من نسرين التي انتبهت لفرحة ابيها وتغير وجهه مما زاد خۏفها فهي ايضا فكرت نفس تفكير والدتها وانه وافق بلعت لعابها بصعوبة وظلت تبكي
عزت نظر لها بأبتسامة ونظرة حانية..نسرين هو انتي رفضة معتز ولا رفضة الفكرة عموما
نظرت له نسرين بعدم فهم..يعني ايه مش فاهمة
عزت ..يعني لو اتقدم ليكي واحد تاني ترضي ولا انتي مش عايزة تتجوزي اصلا
زينب عقدت حاجبيها بغيظ..ايه اللي انت بتقوله دا بدل ماتقولها هتتجوزيه ڠصب عنك
عزت نظر لها بحدة ..اسكتي يازينب انا بسألها هي ونظر لنسرين
________________________________________
نظرة مطمئنة يملأها الحنان.. ردي يابنتي ماتخافيش
نسرين رفعت رأسها ونظرت له بترقب فهي تخشى ان يكون تفكيرها صحيح ووالدها اقتنع بمعتز..يابابا انا مش كرهة فكرة الجواز لأ انا زي اي بنت نفسي يبقى عندي اسرة واستقر في حياتي بس معتز لأ انا شايفاه اخويا
أبتسم عزت ..يعني لو اتقدم ليكي واحد تاني توافقي مش كدا
زينب نظرت له تغراب ..هو في واحد تاني متقدم لها ماتتكلم على طول وتفهمنا في ايه
عزت نظر لزينب ..ايوة ياستي اتقدم لها ادم عزالدين
لم تنتبه نسرين للاسم ومازالت تبكي وتقول لنفسها ..ودا كمان يعرفني منين هو انا ناقصة معتز وسي ادم عزالدين دا كمان
زينب تغراب فهي تشعر انها سمعت هذا الاسم من قبل ..انا سمعت الاسم دا قبل كدا ونظرت لها.. بت يانسرين مش دا اسم المدير بتاعك ولا انا بيتهيقلي
انتبهت نسرين لكلام امها ونظرت لأبوها وهي تمسح عيونها بظهر يدها كالاطفال..هو صح ادم يابابا
عزت هز رأسه بمعنى نعم..ايوة هو ياحبيبتي ونظر لها وجد دموعها اختفت وظهرت فرحة ولمعة في عيونها لامثيل لها ها ايه رأيك الراجل عايز يعرف ردك عشان يجيب امه ويجي يطلبك
زينب نظرت لنسرين تسألها..هو كان في المكتب انهاردة
نسرين..ايوة هو جيه انهاردة ليه بتسألي
زينب..طب ليه مكلمش معاكي وسألك هو
عزت ..عشان انسان ملتزم وعارف حدوده كويس واللي عمله هو الصح فاهمتي
زينب..ايوة ياخويا فهمت بس انت هتقول ايه لأبن اخوك
عزت قضب حاجبيه ..يعني هقوله ايه كل شئ قسمة ونصيب والمهم هي عايزة ايه مش ابن اخويا ها يانسرين ايه رأيك
نسرين بخجل..اللي تشوفه يابابا
عزت بفرح..طالما اللي اشوفه فأنا موافق جدا وحاسس انكم لاقين على بعض اوي خاصة دلوقتي
زينب بحيرة ..طب انا هقول ايه ل معتز
عزت..ولا حاجة قوليله ان في واحد اتقدم لها وانك مافتحتيش معها الموضوع اصلا وانه الراجل اتصل بيا وانا سألتها وهي وافقت قبل ماانتي تتكلمي معها
كدا احسن عشان مايفكرش اننا قارنا بينه وبين العريس او يفهم ان نسرين قبلت ادم عشان ظروفه احسن منه فاهمتي يازينب
زينب هزت رأسها تؤيد كلامه..ايوة ياخويا فهمت تسلم دماغك اهو كدا مايزعلش دا بردو ابن اخوك يعني زي ولادك
عزت..كدا تمام اروح اجيب تليفوني نسيته في الاوضة
احضر هاتفه ورجع بيضحك
نسرين اتسعت عيناها تغراب ..بتضحك على ايه يابابا
عزت..ابدا اصل ادم رن عليا ست مرات اما اتصل به لا يفكر اننا مش موافقين
نسرين بخضة..اتصل بسرعة يابابا
عزت بضحك..يابت اتقلي شوية
انتبهت نسرين لنفسها ..انا قصدي يعني......عن اذنكم انا داخله
________________________________________
انام
عزت..لسة بدري هتنامي دلوقتي الساعة تسعة
نسرين..اصلي تعبانة وعايزة انام
عزت..زي ماتحبي تصبحي على خير
نسرين..وانت بخير
زينب..هو بس اللي بخير
اقتربت نسرين منها وقبلتها ..وانتي بخير ياحبيبتي
زينب ربطت على ظهرها..اوعي تزعلي مني يانوسي انا عايزة مصلحتك وكان نفسي اجوزك واطمن عليكي
هزت نسرين رأسها بإجاب..انا عارفة
