صعيدية في محڼة
ماهو كان عريس وبيتدلع
بصت علي السرير وغمضت عينيها جامد وهزت رأسها لا لا لو فضلتي تفكري كدا مش هتعمري ي صفية انسي كانت وقت وعدي وانتي الأولي والأخيرة أن شاء الله
دخلت الحمام وملت البانيو ميه ومستنيه احمد يصحي من النوم عشان تحميه وتنزل تحت لحماتها افتكرت كلام المحامي لما اتصلت بيه قبل ماتغير رأيها وتطلع لعمار ودار بينهم حوار
رائف .. ولا يهمك ي صفية ايه في حاجة
صفية .. جعفر عايز يرجعني
رائف .. جوزك رجع من السفر
صفية .. لا دا اخوه
اللي هنا اعمل ايه انا مستحيل اسامحه بالسرعة دي !
رائف راجل حكيم رد .. بصي ي بنتي رجعتك في الوقت الحالي أصلح لك مادام ظروفك صعبة ومافيش حد بيساعدك علي تربية ابنك ومعني انك مش عايزا تصالحي جوزك بسرعة يبقي في نية للصلح جواكي فرايي ترجعي وتتوكلي علي الله اهم حاجة تبعدي عن المشاكل وتقعدي مع ابنك لوحدكم من غير لا اخوه ولا أمه
رائف عفوا انا تحت امرك في اي وقت
صفية ياصفية
انتبهت لصوت حماتها اللي بتنادي من تحت ففتحت الباب وردت
نعم .. ايوا في حاجة
حماتها .. انزلي حالا عايزاكي
صفية باستغراب .. هحمي احمد طيب وانزل
حماتها .. لا لاول
صفية .. وه في ايه ياتري ..
لما منصور سأل مراته عرفتي ازاي أن جعفر زميلي في الشغل انحرق سكتت وماعرفتش ترد الكذبة مش حاضرة والموقف صعب اوي عليها ممكن يشك فيها لو قالت اي حاجة راحت قفلت الخط وبسرعة قفلت بيانات الهاتف وقعدت في جانب علي السطح تفكر
همت .. اعمل ايه دلوقتي ي نهار اسود منصور هيسألني تاني ولازم ارد رد كويس
همت .. الو كيفيك ي صفية مبروك رجعتك
صفية .. الله يسلمك الحمد لله بخير
همت .. أكده ماتسأليش عليا ولا تكلميني اعرف انك جيتي اجيكي !
صفية .. انتي كمان ماسألتيش عليا طول مانا غضبانه
همت اتلجلجت شويه .. العيال شغلوني وحماتي ست كبيره ومريضة لكن مع ذلك مانستكيش والله
همت .. ايه عامله وجوزك جه علي أكده ولا لسه
صفية .. الحمد لله بخير جعفر لسه مانزلش كمان سبوع أن شاء الله هيجي
همت .. يجي بالسلامة أن شاء الله
صفية .. الله يسلمك عامله ايه وعيالك عاملين ايه
همت تجاهلت السؤال وسألتها هي منصور امبارح كان سهران في الشغل بس ماقاليش أن جعفر امعاه هو اشتغل في موقع تاني ولا ايه
همت .. ي خبر لا اله الا الله ازاي دا حصل
صفية .. بسيطة أن شاء الله وقع علي رجله ميه مغلية
همت .. عين وصابتكم ربنا يرده سالم ويبارك لكوا في حياتكوا
صفية .. هههههه عين علي ايه بس !! يالله الحمد لله علي كل حال
همت .. طيب هقفل دلوقتي عشان ابني امعاه درس وهكلمك بالليل لما يعاود وينام
صفية ربنا معاكي
همت مع السلامة
بعد ماقفلت مع صفية كلمت جوزها علي طول
همت .. ايه حصل النت قطع من عندك ولا ايه
منصور .. لا دا انا رنيت عليكي تلت مرات ماردتيش
همت .. ايوا ابنك كان عايز فلوس عشان الدرس المهم كنت بقولك جعفر ايه عامل صفية مرته فيها الخير كلمتني تسأل عليا وعلي العيال فسألتها علي حالها وجوزها قالت لي .. والله زعلت عليهم
منصور ارتاح وفهم أنها عرفت بالصدفة .. قلبك كبير ي حبيبتي ربنا يحفظك لينا انتي نور حياتنا كلنا
همت .. هعمل ايه انتوا قدري وواجبي خدمتكوا
منصور .. امي ايه عامله
همت افتكرت ميعاد الدوا ردت .. عندها دوا دلوك يادوب انزل اغديها واديها الدوا
منصور .. الله يكرمك خدي بالك منها دي ست كبيرة واختي متجوزة ومشغولة مع عيالها وبيت جوزها
همت ماتقلقش يالا سلام
منصور .. مع سلامة الله
الحق يتقال همت كانت خاېنة ومچرمة لكن كانت كويسة مع حماتها برغم مشاكل اخت جوزها معاها إلا أنها كانت بتحمي حماتها وتأكلها وتخدمها يمكن كانت بتعمل كدا تكفير ذنوب او حاجة تخليها تسامح نفسها في النهاية هيرميها في الشارع واحتمال كبير هو ضعيف قدامها وبيتمني لها الرضا بس علي اساس انها صاينة بيته ومضلله علي عياله وأمه مايعرفش
عدت الايام وجه ميعاد رجوع جعفر صفية راحة جاية في شقتها ومعاها احمد وشهد بنت حنان ..
شهد .. مالك ياخالة
صفية .. خالك جعفر في الطريق جاي بعد غياب طويل مش عارفه ايه اللي هيحصل
احمد .. ابويا جاي يامه
حضنته وطبطبت عليه . ايوا ياحبيبي وجايبلك حاجات حلوة كتيرة
احمد .. هيييييه
صفية .. يالا انزلوا العبوا تحت ولما ياجي نادمي عليا بسرعة ي شهد اول ماتسمعي صوت العربية وخالك عمار امعاه
شهد خدت احمد من أيده ونزلت بيه علي السلم حاضر
فضلت صفية متوترة في الشقة ودخلت لبست فستان بنفسجي وطرحة طويلة ونقاب فكرت لحظات .. ياتري جعفر هيقول ايه لما يعرف اني منقبة ومابقيتش اخرج غير بيه
اكيد هيفرح مافيش راجل يكره السترة
صوت شهد وهي طالعة تجري علي السلم ياخالة ياخالة
صفية فتحت باب الشقة بفرحة وهي بتبتسم .. ها جه
شهد .. ايوا كلهم برا وجدتي بتفتح الباب
صفية .. طب يالا بينا
نزلت قدام البنت بسرعة علي
تحت وقبل ماتنزل اخر درجة سلم كان جعفر في وشها ..
صفية .. قلبي زايد دقاته والله كني جنيت وماقدراش اسيطر علي نفسي
جعفر واقف قدامها مبتسم ومافكرش كتير .. قال صفية
صفية .. نزلت وبتمد أيدها تسلم راح شاددها لحضنه قدام كل أهله نوح وعمار وأمه وسمر ومرات نوح وبنته وشهد وأحمد وحماتها
صفية مكسوفة خالص بس سلمت نفسها لمشاعره الطايشة وسكتت جوا جعفر حالة من الشجاعة الجنان والأندفاع
جعفر .. اتوحشتك قوووي ي ام احمد
صفية حطت أيدها علي ضهره وطبطبت عليه .. وانا كمان اتوحشتك قد الدنيا كلها
جعفر .. يااااه علي الايام
صفية ساكته في لحظات الحضن الاحساس اجمل من الكلام مئة مرة
سكتت علي قد ماتقدر وسابت الثواني المعدوده دي تعوضها ۏجع سنين
حماتها حمدالله علي سلامتك ي ولدي
جعفر حس أنه تنبيه كفاية أكده وفي شقتك اعمل اللي يعجبك ساب صفية ورد .. الله يسلمك ياست الحبايب
بص قدام شوية شاف اسراء مرات نوح ابتسم وقال فجأة .. اهلا ازيك ي اسراء
اسراء بعيونها السودا الواسعة بصت له وقالت .. الحمد لله بخير تسلم ي ابو احمد
ماشاء الله بتك جميلة زيك
نوح واقف وه طب وانا
جعفر .. لا احنا عايزين البت سوقها يمشي خلي الواد شبهك والبت امها
الكل ضحكوا علي كلامه وبعد كدا اتغدوا وراح كل واحد علي شقته ..
نوح بيقفل باب الشقة واسراء بترضع بنتها الصغيرة عندها سنة ونص تقريبا وقربت تتفطم دخل متنرفز وباين علي وشه أنه مضايق
اسراء .. مالك
نوح .. مامليش
اسراء وه هو انا ماعرفكش والله متغير
نوح .. وتعرفي مين تاني ي ست هانم ياعرفه في الرجالة
اسراء استغربت كلامه .. انت بتغلط ليه
نوح .. لسه بتستفسري بطلي تمثلي وش الملايكة ده ماينفعش معايا جعفر قال لي علي كل حاجة ..
رمي نوح الكلمة وسكت عامل زي اللي رمي سهم من غير مايحدد مكانه هو عايز يعرف اللي مايعرفهوش اللي حاسس بيه ومش متأكد منه هل كان في علاقة بين اسراء وبين جعفر ولا لا
شالت بنتها بعد مانامت وحطتها في السرير غطتها واتغطت جامبها ..نوح استغرب ايه البرود دا كله ..!
نوح راح شد الغطا .. بقولك جعفر قالي علي كل حاجة
اتعدلت بمنتهي الهدوء وقعدت علي السرير وقالت .. طيب لما هو قالك ماعملتش حاجة ليه ليه شكلك محتاس ولسه عايز تسمع
عموما ي نوح هو مايقدرش يقولك عارف ليه
اقولك من غير ماتسأل نفسك لأن اخوك الكبير شيخ البيت الموقر حاول قبل أكده يكلمني ويدخل معايا دخلت الحبيبه بس انا رفضته واديته في جنابه مش كل الستات سهله وبيتمشي معاها . فهمت
والله وحيات بتي هو دا كل اللي حصل
نوح قعد جانبها علي السرير .. مصدقك جعفر لعبي
اسراء .. الحمد لله الثقة أساس اي علاقة لو انعدمت يبقي الحياة انتهت بين الطرفين .
نوح .. بصي مالكيش صالح لابجعفر ولا بمرته اقتصريهم خاااااالص والزمي شقتك ومافيش نزول غير معايا كل ليلة ساعة اخر النهار
اسراء .. اللي تشوفه بس اروح لاهلي كل يوم الجمعة مايتغيرش
نوح .. ماشي بس انتي وظروفي برضو مش اجباري
اسراء .. قدم النية الخير وهو يتسهل
نوح .. تمام
اسراء .. يالا عاد نام النهار هيطلع
نوح .. ماشي
اسراء .. ومالك مبتسم أكده ووشك امنور
نوح .. عشان قلبي ارتاح
جعفر داخل بشويش اوضة نومه وبيسأل صفية بالاشارة والهمس
احمد نام
صفية .. ايوا خلاص
جعفر .. زين هاتي انيمه مكانه
شاله واول ماتحرك صحي وعيط .. انا عايز ماما عايز ماما
صفية ضحكت وقامت بسرعة .. صح انا غلطانه المفروض اقعد جامبه لما ينعس في أوضته لانه متعود ينام جامبي وانا معاه اهنه
جعفر شيله لها وقال بتكشيره اخدي نيميه وتعالي
صفية .. ماشي
حطته علي سريره وفضلت تحرك أيدها علي شعره وتغني له بشويش عشان ينام بتطبه زي ماهو متعود بالظبط ..
حبيبي الغالي ي اغلي الغوالي يا حمادة
ان شالله تعيش وتبقي عريس وتاكل شوكولاته
ي حبيبي الغا
نام ي قلب امه غطته وقفلت الباب وراحت علي اوضتها بخطوات خفيفة غير مسموعه علي اساس ابنها مايحسش بيها ولا يقوم وراها لكن لسوء حظها جوزها كمان ماحسش بيها وسمعت كل حاجة ..
الفصل السادس عشر
سمعت صفية كل كلام جوزها وكانت مصډومة من طريقته وقفت مكانها زي الصنم ازاي بعد غياب تلت سنين يرجع متغير وبيعرف ست غيري ..!
طب ليه
علي الأقل كان صبر لما انيم ابني وارجع اقعد معاه لو الليلة بس يكون مخلص لي ..
انا مش عارفه اتصرف ولا اتحرك لاي اتجاه ادخل عليه ولا ارجع انام جامب ابني وخلاص
بعد تفكير طويل من صفية كان جعفر بيضحك ويقول بصوت واطي مسموع لها
جعفر .. هههههه ي نهار جوزك الاهبل كان هيقفشك
الطرف التاني علي الخط .. ايوا بس ربك ستر
جعفر .. ناصحه
الطرف التاني اللي صفية ماتعرفش مين .. لا انا بدأت اقلق كدا هيشك فيا ويركز معايا
اكتر
جعفر .. لا لا تقلقي كي دا انا عايز اجيكي
الطرف الآخر .. احترم نفسك كفاية كلام فيديو بس وصوت
جعفر .. اكده تقدري يبقي بيني وبينك خمس دقائق مشي وما اشوفكيش
صفية قررت تعمل نفسها بتقفل باب احمد ولسه خارجة
