غدر زوج

قبل ما نبدأ حكايتنا اعرفكم علي بطلتنا النهارده واللي اسمها ملك وعندها سنه وشغاله مدرسه في مدرسه اعدادي ومتجوزه بقالها سنه
وفي يوم كانت راجعه من شغلها وطلعت شقتها لقيت حماتها قااعده بتتفرج علي التلفزيون ولما شافتها قالت
ثريا 
انتي رجعتي يا ملك اتأخىتي ليه يا بنتي اهو عزت رجع وهو متعصب جدا عشان مالقاااش الغدا جااهز واتحيلت عليه اقوم اجهزله ما رضيش

ملك بقلق
تقومي ازاي بس يا ماما انتي تعباانه يا حبيبتي ارتاحي انتي وانا هدخل ارضيه وانا مجهزه كل حاجه في المطبخ والله علي التسخين بس
ثريا
حقك عليا يا بنتي انا اسفه ما تزعليش منه ولو قال حاجه زعلتك معلش ما ترديش عليه وهو متعصب
ملك 
حاضر يا ماما ما تقاقيش انتي بعد اذنك هدخل اشوفه
ودخلت ملك الاوضه لقيته رامي هدومه علي الارض والجزمه ومكركب الاوضه جدا ولما شافها قال پحده
عزت 
ما لسه بدري يا ابله ملك هستني شويه كمان لحد ما تتكىمي وتيجي تجهزي ليا الغدا لا غدا ايه ده لحد ما حضرتك تجهزيه هيبقي عشا
ملك 
طيب اهدي وانا علي طول اهو هروح اجهزلك الغظا حتي مش هغير هدومي وحقك عليا مش هتتكرر تاني
عزت پحده
انا عايز افهم انتي اتأخرتي ليه النهارده وبكلمك مش بتردي عليا ليه انتي لو عملالي قيمه مش هتعملي كده
ملك
انت قيمتك فوق راسي والله يا حبيبي بس هو ڠصب عني انا بعتلك رساله وقولتلك ان عندي ميتنج في المدرسه مع المدير والموجهين اللي جم النهارده وهتأخر
عزت
وانا ماليش دعوه انتي تنفذي اللي انا هقولك عليه وبعد الحركه اللي انتي عملتيها دي شغل ممنوع ويا تشوفي طلباتي علي اكمل وجه وزي ما انا عايز يا تغوري من هنا وانا هجيب ست ستك
ملك بدموع 
بقي كده يا عزت اخرتها تقولي انا كده طيب ما انا بساعدك في مصروف البيت وشايلين شيلتنا مع بعض و
عزت پحده
ما طلبتش منك تساعديني انا الحمد لله اقدر افتح بدل البيت اتنين وتلاته وهي كلمه يا ملك يا تسببي الشغل يا كل واحد فينا يروح لحاله
ملك بدموع
اللي تشوفه يا عزت انت شكلك بقيت مستبيع وانا عند بيت اهلي انا مش هتحمل اھانتك دي اكتر كن كده
ومشيت ملك فعلا وراحت لبيت اهلها وفعدت هناك مع منال مامتها ومرات اخوها اللي راح من سنه سهي
منال
خلاص يا حبيبتي اسمعي كلام جوزك وسيبي الشغل وما تخربيش علي نفسك
ملك
انتي اللي بتقولي كده يا ماما انا برضو اللي بخرب علي نفسي ده بيتلكك وبعدين ما هو متجوزني وانا بشتغل ايه اللي اتغير دلوقتي
سهي
يمكن يا ملك عايزك تهتمي بيه تكتر الراجل برضو عايز يحس انه اهم حاجه في حياة مراته مش شغلها ومش بيحبها برضو تنشغل عنه في حاجه
منال
قوليلها يا سهي وبعدين ما هي عارفه ان عزت طبعه صعب شويه ومش بيتفاهم بسهوله وقولتلها الكلام ده انا واخوها الله يرحمه قالت ايه لا عزت طيب انتو اللي مش فاهمينه وبعد الجواز هيبقي حاجه تانيه طالع حاجه تالته ورابعه
ملك 
هو انتي امي يا منال ولا لقيااني علي باب جااامع ما تيجي في صفي مره واحده وبعدبن انا مش هسيبه ده بمۏت فيه بس عايزه اربيه بصراحه عشان يبطل يزعق فيا ويبطل يقولي سيبي الشغل والكلام الرخم بتاعه ده
منال 
طيب يا ملك خليكي قااعده عندي لحد ما نشوف اخرتها ايه هقوم اعملك لقمه تاكليها ومالك كده خسيتي ووشك بقي اصفر اشحال ان ما كنتي متجوزه اللي بتحبيه وما حدش غاصبك عليه
ضحكت سهي وملك قالت
شايفه
يا