حكاية ام

دى حتى ليلى مراد غنت على شاطئ الغرام اغنية الميا

والهوا

شيرين مين ليلى مراد دى

اسر نعم هو فى حد ميعرفش ليلى مراد

شيرين طب خلاص مفيش مشكله انا حاجى معاك

اسر خلاص تمام ياشيرين حضرى نفسك حنسافر اخر الاسبوع

تغلق شيرين السكه ثم تحدث نفسها

ماشي يااسر انا حفضل وراك لحد مااخليك تحبنى جنى مكنتش احسن ولااجمل منى

وانا حعرف ازاى اخليه ېموت فية

فى احد الكافيهات التى تطل على البحر مباشرة يجلس مالك ويسر

يسر تنظر للا رض ولا تتكلم

مالك يسر مش ناوية بقى تبصيلي

يسر تنظر اليه بخجل شديد

مالك تعرفى انك حلوة اوى

يسر انا حلوة بجد

مالك ايوة طبعا حلوة وزى القمر كمان

لكن انا بقى اللى اسمرانى وشكلى بالبلا

يسر هههههه هههههه

بالعكس يادكتور

مالك لاء دكتور ايه الله يخليكى بلاش دكتور دى خالص

يسر ماشي يامالك

بس على فكرة الراجل مش بشكله الراجل بادبه اخلاقه واحترامه للى حواليه

مالك طب ايه رايك فية

يسر بخجل كويس

مالك تقبلي تتجوزينى يايسر

يسر ...............

مالك يسر انا بحبك وبحبك اوى كمان

من اول لحظه شفتك فيها حسيت انك دخلتى قلبي ولما اتكلمت معاكى وقريت منك اتاكدت ان لقيت فيكى كل اللى بتمناه

يسر وانا كمان والله ربنا يعلم انى بحترمك جدا وكفايه انك اللى ساعدت اقرب انسانه لقلبي انها تدخل فى طريق الشفا

مالك طب قولي بقى انك موافقه فرحى قلبي

يسر هو انتى متضايقه بسبب انى اقل منكم فى الامكانيات الماديه

بس والله انا ححاول على اد مااقدر اوفرلك حياة كريمه

يسر مالك انا مش كده انا الماديات اخر حاجه بفكر فيها

وعمرى مااهتميت بالكلام ده

بس انت اول شخص يدخل حياتى ومكدبش عليك حسه ان شاعرى متلغبطه مش عارفه احددها بالظبط

بس كل اللى انا حساه انى ببقى مبسوطه اوى وانا شايفاك ادامى

مالك طب ممكن تدينى فرصه اقرب منك وادخل قلبك

ممكن تسمحيلي اتقدم رسمى واوعدك انك مش حتندمى ابدا

يسر انا متاكده يامالك انى عمرى ماحندم

مالك يقوم واقفا يعنى موافقه صح انتى موافقه مش كده

بحبك والله العظيم بحبك فيجد كل من فى الكافيه ينظر عليهم ويبتسم

معلش ياجماعه اصلي بحبها والله فيضحك كل من فى الكافيه ويدعون لهم بالسعاده

بينما يسر كانت فى قمة الخجل

خلاص يامالك ڤضحتنا

مالك انا حتصل بخالى الله يرحمه عشان ييجى معايا

يسر خالك الله يرحمه حييجى منين

مالك ياربي قصدى عمى عمى حقوله يبجى وبعد كده حاخد معاد من دكتور مصطفى

فى العياده

تجلس حياة على المكتب لترتيب الوراق الاوراق قبل انصرافها

الدكتور حياة تعالى عندى من فضلك

حياة ايوة يادكتور

الدكتور خدى ياحياة

حياة ايه ده يا دكتور

الدكتور دى مكافاة ليكى ياحياة

حياة ليه يادكتور هو انا قصرت فى حاجه او عملت مشكله

الدكتور هههههه

هو فى حد بياخد مكافاه على تقصيره

حياة انا اعرف ان المكافاه بيديها صاحب الشغل لما يكون ناوى يمشي اللى بيشتغل عنده

وانا محتاجه الشغل اوى والله يادكتور

الدكتور هههههه هههههه

والله انتى زى العسل ياحياة

ومين قالك انى اقدر استغنى عنك فى العيادة ده انتى حتى وشك حلو علية اوى ومن وقت ماجيتى العياده وانا مش ملاحق على المرضى

وعارف انى جيت عليكى اوى وكان الاتفاق انك شغلك لحد الساعه عشرة وبقيتى بتتاخرى معايا لحد الساعه ١ وانا عارف انك بتذاكرى

عشان كده دى مكافاه ليكى عشان تعرفى تدفعى حق دروسك وتشترى الكتب اللى انتى محتاجاها

ومن اول الشهر مرتبك حيزيد ٥جنيه

حياة بس كده كتير علية اوى يادكتور

الدكتور ولا كتير حاجه انتى زى بنتى

اهم حاجه انك تتجدعنى وتتشطرى عاوز اشوفك السنه الجايه فى كلية الطب ان شاء الله

ولما

تدخلى الكليه حيكون لينا نظام تانى وان شاء الله لو ربنا ادانى العمر حجيب واحده تساعدك

حياة ربنا يخليك يادكتور منحرمش منك يا رب

تخرج من مكتبه وعلى وجهها ابتسامة رضا

لتجد امامها ابو علا

ابو علا خير فى حاجه

ابوعلا مفيش والله بس ام

علا تعبانه شويه وكنت عاوزك تيجى معايا عشان انا محتاس بالبنت الصغيرة

حياة حاضر من عينيه انا خلصت الشغل خلاص

حستاذن الدكتور وتذهب معه

يصعدان للشقه

تدخل حياة فتجد ام علا نائمه فى الفراش

حياة ايه ياحبيبتى مالك الف سلامه عليكى

تقوم ام علا من الفراش

يالهوى عليك ياابو علا انت بردو رحت جبتها

كده تقلقها بردو

حياة فى ايه ياام علا مالك

ام علا مفيش حاجه والله ياحياة ده هو بس اللى بيحب يعمل من الحبه قبه

ابو علا والله ابدا ياحياة دى بقالها كام يوم تعبانه ومش قادرة تصلب حيلها

ودلوقتى داخت ووقعت وشهد كانت على دراعها ووقعت من ايدها ستر ربنا انها موقعتش على دماغها كانت البت راحت مننا

ولما مردتش تنزل معايا للدكتور تكشف قلت اجيبك انتى

يرن تليفونه

انا حنزل تحت عاوزنى وحطلع تانى

حياة ام علا هو انتى حامل

ام علا حامل ايه بس ياحياة فال الله ولا فالك

دى البت لسه بشيلها على كتفى

حياة ايوة بس الاعراض دى أعراض حمل

ام علا لا ياحياة مانا حاطه وسيله

حياة مفيش وسيله مضمونه

وادام مشيئة ربنا بيبقى مفيش كلام

بصي انا حقولك انا حبعت علا تجيب اختبار حمل من الصيدليه ولو مطلعش فى حمل يبقى حتلبسي وحننزل سوا عالمستشفى بنانك عاوزينك

بعد قليل تصعد علا بالاختبار

علا هى ماما تعبانه ياابله حياة

حياة لا ياحبيبتى ان شاء الله تبقى كويسه

تخرج ام علا اليهم وعلى وجهها علامات الصدمه وتمد الاختبار بيدها لحياة

حياة مش معقول فى خطين اهوه يعنى حامل مش قلتلك

فتبكى ام علا

حياة ايه ده انتى بتعيطى

ام علا امال يعنى حفرح انتى مش شايفه حالنا ده احنا بنقول بس ربنا يقدرنا عالبتين اروح كمان اجيب التالت

حياة ايه الكلام اللى بتقوليه ده

ده رزق باحبيبتى وبعدين هو انتى اللى بترزقى ده ربنا هو اللى بيرزق

وفى السماء رزقكم وما توعدون

ده فى ناس بيدفعوا ملايين عشان ضوفر عيل احمدى ربنا ويارب تجيبلنا اخ حلو كده لاخواته

ابو علا ها ياام علا مش حنروح بقى للدكتور

حياة لاء خلاص انا عرفنا مالها

ابو علا خير مالها

حياة حيجيلك نونو صغير

ابو علا بفرحه بجد انتى حامل

ام علا ياسلام ومالك فرحان كده ليه

ابو علا ومفرحش ليه مش رزق وجيلنا من ربنا

ام علا وافرض جبت بنت بردو

ابو علا ماتجيبي بنت واللايارب يكونوابنتين كمان وايه المشكله

ده حتى البنات رزقهم واسع

وبعدين احنا حتتشرط على ربنا واللا ايه

مانت شايفه سيادة المستشار اللى فى الدور العاشر ماهو قاعد هو ومراته ياعينى زى الغلابه وصرف ډم قلبه عالعمليات وبردو مفيش فايده

المهم ندعى ربنا اننا نربيهم كويس ويطلعوا صالحين

تنظر له حياة باعجاب شديد فبالرغم من انه غير متعلم الا ان تفكيره افضل بكثير من غيره

حياة طيب انا حمشي بقى

ابو علا لاةتمشي تروحى فين ده انا حنزل اشترى حاجه حلوة عشان الخبر الحلو ده وانتى حتباتى عندنا والصبح امشي بالسلامه

فى احدى شركات الادويه

بداخل المعمل

تعمل شهد بكل همه ونشاط بينما تراقبها احد العيون بكل اهتمام ويقرر بدء الحديث معها فمنذ ان بدات العمل بالشركه وهى لا تسمح لاى رجل بالحديث معها نهائيا

صباح الخير ياانسه شهد

شهد بدون النظر اليه صباح النور

ممكن تسمحيلي اتكلم معاكى شويه

شهد نعم تتكلم معايا

ايه الكلام ده حضرتك انا جايه هنا عشان اشتغل مش عشان اتكلم

والله انا مقصدش حاجه وحشه انا غرضي شريف وعاوز ادخل البيت من بابه

شهد باب ايه وشباك ايه حضرتك وانت تعرفنى منين عشان تطلب طلب زى ده

انا عارفك من وقت ماجيتى الشركه وبشوفك وانتى بتشتغلى وبجد نفسي اتكلم معاكى واتعرف عليكى وتعرفينى

بصي انا حقولك

انا اسمى فريد شوقي

شهد ههههه هههههه

فريد شوقى مرة واحده طب امال فين محمود المليجى مش معاك ليه

فريد الله تعرفى ان ضحكتك حلوة اوى

شهد امممم طب وانت عاوز ايه ياسي فريد شوقي

فريد عاوز اتكلم معاكى هى نص ساعه بس وقت البريك ححكيلك كل حاجه عنى وقوليلي رايك

شهد ............

فريد الله يخليكى مترفضيش ادينى فرصه اعبرلك عن اللى جوايا

شهد ماشي يااستاذ فريد

بعد مرور ساعتين

يجلس فريد امام شهد بصي يا شهد اولا كده انا عندى اخت اكبر منى متجوزه وعندها ولد وبنتين

والدى كان مدير مدرسه ودلوقتى عالمعاش أما والدتى ست بيت

وانا خريج علوم وعندى ٣سنه

شفت بنات كتير بس انتى الوحيده اللي لفتتى نظرى بادبك واخلاقك

شهد يعنى انت عاوز ترتبط بية لمجرد انك شايفنى مناسبه ليك مش اكتر من غير ماتكون بتحبنى مثلا

فريد بصي ياشهد انا حكلمك بصراحه وحقولك على كل حاجه جوايا وصدقينى لو رفضتينى بعد كده انا مش حضايقك ابدا

شهد اتفضل اتكلم انا سمعاك

فريد انا ياشهد وانا فى الجامعه ارتبطت عاطفيا بواحده زميلتى وكنت بحبها جدا فوق ماتتصورى وهى كانت بتقول انها بتحبنى

ويعلم ربنا انى كنت بحافظ عليها وعمرى ماطلبت اقابلها واللا اسرح بيها لان دى بنت ناس

بس واحنا فى سنه رابعه جالها عريس كويس كان مهندس فى البترول وانتى طبعا عارفه اول مااى ام واب بيسمعوا كلمة بترول بتجيلهم سكته قلبيه من الفرحه

المهم طبعا هى قالتلى وانا مكدبتش خبرجريت طبعا على ابويا وامى اقولهم الحقونى البنت اللى بحبها حتتخطب وانا عاوز اتقدملها

بابا قاللى وانت حيلتك ايه تتقدم بيه

قلتله انى حشتغل واكون نفسي

وخصوصا ان اختى الكبيرة كانت لسه متجوزة وطبعا جوازتها اتكلفت كتير

بابا حاول يقنعنى ان مش حينفع وانا مفيش فايده مصر ومصمم

المهم بقى اخدت خالى من ورا بابا ورحتلهم

لقيت بيتهم متواضع جدا وانا اللى كنت بقول اننا على اد حالنا لقيتهم اقل مننا بكتير

ولما اتكلمت مع ابوها قاللى بص يابنى انا مش معترض عليك لشخصك بس انا راجل عاوز بنتى تعيش فى مستوى احسن من اللى احنا فيه انا بنتى اتحرمت كتير كفايا بقى حرمان سيبها تتجوز وتفرح وانت بكرة تنسى وتلاقى بنت الحلال اللى تسعدك

طبعا بقى انا ثورت وقلتله حرام تفرق بين قلبين هو مش حيديها الحب اللي انا بحبه لها

ابوها قاللى طب يابنى خلاص انا حجيبلهالك تقعد معاك ولو قالت إنها عاوزاك والله حوافق عليك وحخليها تستناك

دخلت البنت وحطه وشها فى الارض ومكسوفه تكلمنى ولما ربنا كرمها واتكلمت قالتلى كل شئ قسمه ونصيب وانا اتمنالك السعاده

قلت يمكن غاصبين عليها

لقيتها بعد اسبوع عريسها جايبها لحد الكليه بالعربيه وجايبه شيكولاته وبتوزعها على صحابها

لا بس الصراحه ادتنى انا كمان من الشيكولاته

شهد ههههههه ههههههه ههههههه

فريد هههههه هههههه

تعرفى ياشهد انا دلوقتى بضحك بس متعرفيش

وقتهاةحالتى كانت عامله ازاى انا روحت البيت قفلت على نفسي ومش عاوز اتكلم مع حد

ومرت الايام وانخرجت وربنا كرمنى وبابا كلملى واحد صاحبه شغلنى هنا

والحمد لله اشتريت شقه ووضبتها

وقررت انى مش حسمح لواحده انها تحتل قلبي الا لما تكون مراتى عشان انا مش حمل ۏجع تانى

ولما جيتى اتشدتلك وعجبنى ادبك واخلاقك

انا حكتلك باختصار عن حياتى ولو عاوزة تعرفى حاجه تانى انا تحت امرك

شهد هو سؤال واحد بس وتجاوبنى عليه بصراحه

انت لسه بتحبها ولو جت فرصه انكم ترجعوا لبعض ترجعلها

فريد فكرة انى بحبها دى انا

نسيتها من زمان والله مالها مكان فى قلبي

واللى باعنى انا عمرى مااشتريه وعمرى ماحفكر فيها فى يوم من الايام هى كانت وراحت لحالها خلاص وبقت ماضى وانتهى

الجاى ان شاء الله هو اامستقبل اللى نفسي اعيشه معاكى

والله ياشهد ماحتندمى بس ادينى فرصه

شهد طب ممكن تدينى فرصه افكر وارد عليك

فريد ماشي

ياشهد وانا مستنيكى

فى مطروح

اسر صباح الخير يا شيرين

شيرين صباح النور يا اسر

هو انت حتخرج

اسر ايوة رايح المحكمه

شيرين وتسيبنى هنا لوحدى

اسر طب ماتنزلى تقعدى تحت لحد ماارجع انا مش حتاخى

شيرين بس اعمل حسابك بالليل تسهرنى

اسر حاضر ياستى من عينيه

وبعد مرور عدة ساعات وعودة اسر من المحكمه

ينظر بجانب عينيه ثم يلتفت سريعا

يانهارك اسود ومنيل

ايه اللى انتى لابساه ده انتى اتجننتى

شيرين فى ايه يا ياسر لابسه مايوه عادى مش حوار يعنى

اسر يسحبها من يديها پعنف شديد

ويجرها وراءه بينما ياتى شخص من خلفها

ايه يابنى ادم انت حد بردو يتعامل مع الجمال ده كله بالشكل الهمجى ده

فيلكمه اسر فى وجهه

ويضربان بعضهما بشده بينما ياتى الامن لفض الڼزاع

واخيرا تم فض الاشتباك

اسر وهو يدفعها بشده وعڼف على الفراش

عاجبك اللى حصل ده

شيرين محصلش حاجه على فكرة انت اللى كبرت الموضوع

اسر تصدقى انك انسانه بارده ومعندكيش ډم

كبرت الموضوع ليه فاكرة نفسك متجوزة سوسن

بس الغلطه غلطتى انى جبتك معايا

ودى غلطه مش حتتكرر تانى

مايوه لابسالى مايوه واللى رايح واللى جاى بيتفرج عالهانم اللى ملهاش حاكم

بس وحياتك ياشيرين لحربيكى من اول وجديد

واعرفك مين هو اسر التهامى

تمر الايام سريعه هكذا هى الحياة وماكان يزيد تعاقب الايام سوى البعد والجفاء بين اسر وشيرين

فمنذ ذلك الوقت الذى اخذها معه الى مطروح ليحاول هدم الحواجز بينهم خالفت الرياح ماكان يتمناه

وبدلا من ان تهدم الحواجز بنيت الجسور بينهم ليصعب الامر اكثر واكثر للتواصل بينهما

فلقد حزم امره وتاكد من انها لا بد من تاديبها فمادامت لم تاتى باللين فلتاتى بالشده وليكن مايكون

ولكن هل ياترى ستتقبل شيرين هذاالامر

بالطبع لا فمن الصعب ترويضها بالشكل الذى لم تعتاد عليه فهى لم تتعود من اسر غير المعامله الطيبه والتى لم تقدرها

اسر من فضلك مينفعش كده

اسر هو ايه اللي مينفعش ده

شيرين يعنى اجي اخرج الاقى مامتك تقوللى انى ممنوعه من الخروج

ليه هو انا عيلة

اسر ايوة ياشيرين انتى ممنوعه من الخروج ولازم تعرفى ان مكانك هو البيت وبس

وتخللى بالك من البنات انتى فاهمه

لانك للاسف مكنتيش اد الثقه اللى اديتهالك

شيرين مش اد الثقه ليه ان شاء الله

عملت ايه عشان كل ده

مكبر الموضوع اوى كده ليه

موقف وحصل وانتهى

اسر موقف وحصل وانتهى ده من وجهة نظرك لكن اللى حصل انى اتفضحت ياهانم وانتى ولا على بالك

الخڼاقه اللى حصلت ربنا رزقنا بواحد ابن حلال ونزل الصور والفيديو على الزفت النت

واتقال ان اسر التهامي اللى عامل نفسه بيدافع عن الحق سايب مراته تلبس ملابس فاضحه وپيتخانق مع واحد محترم بيقولله عيب تسيب مراتك عارضه نفسها كده للناس

تحبي اقولك ان فى ناس سحبوا قواضيهم من عندى بسبب الڤضيحه دى

انا انا اسر التهامي اللى الكل بيخلف باخلاقى تيجى انتى باستهتارك وعدم تحملك للمسئوليه تهدى كل اللى بنيته

لا ياهانم انا مش حسمحلك بده واعملى حسابك من النهارده مفيش خروج ولا نادى انتى فاهمه حتقعدى تهتمى بالبنات وبس

ومش عاوز اشوف وشك ادامى

ولاول مرة تشعر شيرين بالخۏف منه فهو لم يثور هذه الثورة من قبل

اسر انا اسفه مش حتتكرر تانى

اعتبرنى عيلة وغلطت عشان خاطر جنى الله يرحمها

اسر وهو