حكاية ام

ت

مصطفى مالك طمنى فى اخبار جديده

مالك وهو يتنهد ايوة

مصطفى بلهفه خير طمنى

مالك بدات تستجيب وحكى له عما حدث

مصطفى بس انا خاېف يحصلها صډمه وتحاول الهروب من الواقع تانى ونرجع لنقطة الصفر

مالك بص يادكتور انا مش حقدر اخمن اللى حيحصل غير

بعد ماتفوق واشوف رد فعلها ووقتها حقول لحضرتك

مصطفى طب انت ايه رايك فى اللى حصل ده قدرت تفهم حاجه

مالك بص يادكتور انا احساسي بيقوللى ان سبب حالتها دى متعلق بحياتها الشخصيه ابنها او بنتها حاجه زى كده

واضح انها اتعرضت لصدمه جامده حصل معاها حاجه كانت فو ق قوة تحملها ممكن مشكله او ۏفاة وده خلاها تهرب من الواقع

يسر هو انا ممكن ادخلها اشوفها اصلها وحشتنى اوى

مالك ايوة طبعا بصراحه هى فيها حاجه غريبه تحس انك تعرفها من زمان

مصطفى هو ده نفس احساسنا تجاهها

يسر ربنا يشفيها يارب

تقوم مع مالك هى ومصطفى ليلقوا عليها نظرة وهى نائمه فى هدوء

مصطفى بينه وبين نفسه وحشتينى اوى صدقينى لو قلتلك البيت وحش اوى من غيرك كل حاجه فى بعادك ملهاش طعم حياتى فاضيه من غيرك ارجعي وفوقى واوعدك انى عمرى ماحسيبك او اتخلى عنك

اما يسر فجلست امامها ومسكت يدها وقبلتها ونزلت دمعه من عينها

مالك يسر انتى بتعيطى

يسر صعبانه عليا اوى يا دكتور

نفسي تفوق بقى صدقنى لو قلتلك انى برغم اني معرفهاش وعمرى ماسمعت صوتها بس حساها ماما اللى ماټت من قبل مااحس بطعم حضنها

تعرف انا اوقات كتير اوى كنت بدخل اوضتها بالليل وانام فى حضنها ياااه حضنها فى حنان الدنيا كله

وطول الفترة اللى قضتها معانا مرضتش اخللى الشغاله هى اللى تهتم بنظافتها الشخصيه

انا اللى كنت بعملها كل حاجه واسرحلها شعرها وكنت ببقى مبسوطه وسعيده بكل ده

يارب تفوقى بقى يارب انا ماصدقت الاقى ام تعوضنى عن امى اللى ملحقتش اعرفها خليها ترجعلى يارب

تعاطف مالك كثيرا معها وشعر تجاهها باحاسيس جديده بدا قلبه ينبض تجاهها

وهذ الامر لايختلف كثيرا عند يسر فهى الاخرى بدات تشعر بعاطفه تجاهه

نظرا لبعضهما فترة وجيزة من الزمن تحدثت فيها قلوبهم بما يعجز اللسان عن النطق به

الټفت مصطفى لهذا الأمر وشعر به فلم يرد ان يقطع عليهم هذه المشاعر الجميله الذى يشعر بانها بدات تتكون بداخلهم فخرج من الغرفه تاركا لهم المجال ليتحدثوا دون خجل منه

تستيقظ حياة من نومها على صوت جرس الباب

علا صباح الخير ياابله حياة

حياة صباح الفل والياسمين على حبيبة قلبي

تعالى ياعلا

تدخل علا وتضع مافى يدها على الطربيزة الصغيرة التى تاكل وتذاكر عليها حياة

حياة ايه ده يا حبيبتى

علا ماما بعتالك شوية حاجات

حياة انا مش عارفه بس مامتك تاعبه نفسها كده ليه

هى كل يوم تبعت الاكل

علا انا مليش دعوة

حياة هههههه طب قوليلى ياشقيه مروحتيش المدرسه ليه النهارده

علا اصلي النهارده عندى العاب والابله بتقعدنا فى الشمس وانا دماغى بتوجعنى

حياة ياحبيبتى الف سلامه عليكى يا روحى

طب بقولك ايه ماتيجى تقعدى معايا وناكل

سوا وبعدين نذاكروا شويه واروحك وانا رايحه العياده

علا ماشي بس قولى لماما عشان متزعقليش لما اروح

تتصل حياة على ام علا

حياة صباح الخير يا ام علا

ام علا صباح النور يا حياة علا وصلت

عندك

حياة ايوة وصلت بس انا عاوزة اعرف هو انتى كل شويه تبعتى حاجات كده كتير اوى

ام علا ولا كتيىر ولا حاجه دى حاجه بسيطه والله

حياة لا ياام علا ده انتى كل يوم تقريبا تبعتى الغدا ده غير الحاجات الحلوة وكمان كل جمعه تعزمينى عندك انا مش عارفه حردلكم ده كله امتى

ام علا طب تصدقى بقى انى كده زعلت منك

حباة زعلتى منى

ام علا ايوة

زعلت منك لانى كنت فاكراكى معتبرانى اختك زى ماانا اعتبرتك اختى

حياة طب والله العظيم انى فعلا بعتبرك اختى ده كفايه حنيتك علية بس انا عارفه ظروفكم على ادكم وانتوا مش ناقصينى

ام علا ياسلام شوف ازاى اصل ورك الفرخه ولا حتة اللحمه اللى ببعتها لك هى اللى حتخلينا منعرفش نشترى المرسيدس اللى كنا ناويين نجيبها

فټنفجر حياة فى الضحك

ام علا ربنا يسعد ايامك يا حياة يارب

انا عارفه انك يا حبيبتى معندكبش وقت تعملى اكل ويادوب بتجرى على الدروس وبعد كده تجرى على العياده وانتى لازم تاكلى كويس وتتغذى عشان دماغك تتعمر وتعرفى تذاكرى وتنجحى

وبعدين دى اوامر ابو علا واللا انتى عاوزاه يزعل منى ده انتى بقيتى عنده من غلاوة علا وشهد

حياة ربنا يخليكم لية يارب والله انتوا ربنا بعتكم لية نجده من السما انا مش عارفه من غيركم كنت حعمل ايه

ام علا طب يبقى تتجدعنى بقى وتبقى دكتورة اد الدنيا

وافتخر بيكى واللا ساعتها حنبقى مش اد المقام

حياة ياخبر اخص عليكي انا عمرى ماكنت قليلة الاصل ده انتوا بقيتم اهلى خلاص

وربنا يعلم غلاوتكم عندى

ام علا طب بقولك ايه علا ياحبيبتى نفسها تروح جنينة

الحيوانات ايه رايك ناخدوهم الجمعة الجايه ونروحوا واهو نبقى غيرنا جو

حياة تمام وانا موافقه

بس سيبيلى علا حتقعد معايا وحروحهالك على سكتى وانا رايحه العياده

ام علا بس كده حتعطلك

حياة لا ملك يش دعوة احنا حنقعد مع بعض

ام علا ماشي ياحبيبتي

ياللا بقى انا حسيبك عشان شهد بټعيط

فى حديقة المستشفى

مالك الله الجو جميل اوى الشمس دى نعمه كبيرة اوى من ربنا لولاها كنا عيشنا علطول فى الضلمه

انتى عارفه يا

ياااه ياترى اسمك ايه

انا حاسس ان اسمك اكيد حلو اوى زى وشك اللى زى القمر

اكيد اسمك امل او وفاء او نور ا لازم اسمك يكون حلو كده زى شكلك

بقولك ايه انا حناديكى امل عسان يكون عندى امل فى شفاءك ان شاء الله

بدات تشعر بما يدور حولها ولكنها مازالت عاجزة عن التفوه بحرف او تحريك اعضاء جسمها

حتى انها منذ ذلك اليوم الذى صړخت فيه هدات مرة ثانيه وكان شيئا لم يكن

تاتى ممرضه تهرول اليه

الحقنى يادكتور مالك الحقنى والنبي يادكتور وقامت بالاختباء وراءه

مالك فى ايه يا دعاء مالك

دعاء المړيض بتاع اوضه عشرة عمال يجرى ورايا ويقوللى حتجوزك بالعافيه

يالهوى الحقنى يا دكتور اهو جاى اهوه

المړيض بقى كده عاوزة تهربي منى يامزة

ده انا مصدقت لقيتك انا حتجوزك دلوقتى

مالك اهدى اهدى ياحبيبى

المړيض لا مليش دعوة انا حتجوزها يعنى حتجوزها

يابت ياعبيطه ده انا عندى اوضتين يجرى فيهم الحمير وحعملك فرح واجيبلك العوالم يرقصولك

دعاء حمير ايه ياحمار انت

المړيض حمار بقى انا حمار

فى واحدهتقول لجوزها حبيبها حمار طب والله لوريكى

مالك اهدى اهدى يبنى الله يخليك هو انت مش كنت بقيت كويس

المړيض عاجبك كده يااخينا بتشتمنى وتقوللى ياحمار اه قولى بقى عاوزة تاخدى الشقه وطمعانه فيه لا ده بعينك انا اه بحبك بس مش عبيط عشان اديكى الاوضتين

دعاء يالهوى يالهوى والنبي يادكتور الحقنى خليه يبعد عنى ماكنش ناقصنى غير مدبولي ده كمان

مالك وهو يضحك بشده ياسيد خد يابنى المړيض ډخله اوضته

وانتى يادعاء متدخليش اوضته تانى

دعاء والله مادخلت بمزاجه دى البت امانى مقصوفة الرقبه هى اللى قالتلى اروح اديه العلاج مكنتش اعرف المقلب ده

مالك ههههههه ههههههه معلش حصل خير

مانتوا عارفين حالته ياجماعه

ياللا روحى على شغلك

تمشي الممرضه وهى تتلفت حولها

بينما مالك يضحك بشده

ثم يتوجه بالحديث اليها

شفتى الهنا اللى انا فيه ياماما

ياه انا اول مرة ينطق لسانى بكلمة ماما من بعد ۏفاة امى الله يرحمها

امل انتى فيكى حاجه من ريحة امى صدقينى ڠصب عنى لسانى نطقها بس حاسس بيها اوى

بس ياترى تقبلي انى اكون ابنك

ياماما

تفتح شفتاها وتبتسم ابتسامه هادئه دون المقدرة على التفوه بحرف

مالك وهو يفرك عيناه اللى انا شفته ده بجد انتى صحكتى صح ايوة ضحكتى والله ضحكتى

لامش معقول ياحبيبتى ياماما حتخفى ان شاء الله حتخفى

ويتصل سريعا على مصطفى الذى يعمل بالمستشفى

مصطفى خير يامالك انا لسه ماشي من عندك هى حصلها حاجه

مالك ضحكت ضحكت والله ضحكت

مصطفى انت بتقول ايه فهمنى بالراحه الله يخليك

مالك ضحكت امل ضحكت

مصطفى امل مين يامالك انت بتتكلم عن مين

مالك مانا اصلي سميتها امل عشان اعرف اناديها

وضحكت ضحكت

انا حموت من الفرحه

مصطفى انا جاى حالا

يخرج مصطفى سريعاةمن المستشفى ليتاكد من صحة كلام مالك

يدخل فيرى مالك جالس على الارض يقبل يداهابكل حب فى الحديقه

مصطفى فهمنى يامصطفى بالراحه الله يخليك

يحكى له مصطفى كل ماحدث

مالك انا دلوقتى اتاكدت ان عندها مشكله من ناحية ولادها بس ايا كان السبب هى ان شاء الله دلوقتى بدات تهزم خۏفها من المواجهة

مصطفى بس انا شايفها هاديه

مالك بس سمعانا

مصطفى انت متاكد يامالك

مالك متأكد يادكتور والله متاكد

مصطفى ياااه يامانت كريم يا رب

الحمد لله انى سمعت كلام يسر واخدتها معانا رحلة شرم

سبحان الله لو مكنتش اخدتها مكنتش انت شفتها

وتبقى السبب فى شفاءها

مالك يتنحنح دكتور مصطفى انا كنت عاوز حضرتك فى موضوع بس محرج ومش عارف ابدا الكلام منين

مصطفى خير يامالك قول

مالك اصل اصل اصل

مصطفى اصل اصل فى ايه يا بنى هو الشريط سف واللا ايه ماتنطق وتقول

مالك انا بحب يسر وعاوز اتجوزها

مصطفى بتحب يسر

مالك انا عارف انى مش اد المقام بس والله انا بحبها اوى وحشيلها جوة عينيه

مصطفى مش اد المقام ايه الكلام الفارغ ده

انا كل اللى يهمنى انك تكون بتحبها من قلبك

مالك بحبها اوى والله يادكتور

مصطفى مانا عارف انك بتحبها

مالك عارف ازاى

مصطفى يابنى عيب عليك ده انا افهمها وهى طايرة هههههه

عالعموم هى حتخلص جامعه وحتيجى على هنا ابقى قولها ولو وافقت تيجى تتقدم رسمي

مالك بجد بجد والنبي يادكتور

يعنى حضرتك موافق

مصطفى يانهار اببض شكلك اتعديت من المجانين بتوعك

يتحدث لها قائلاوهو جالس امامها وممسك بيدها ياللابقى فوقى ياحبيبتي

ايوة حبيبتى فوقى عشان تفرحى بيسر ومالك

امى الله يرحمها كان نفسها اوى تشوف يسر وهى عروسه دلوقتى انتى مامتها ومحدش حيلبسها الفستان والطرحه غيرك ان شاء الله

ثم يقبل يدها وعد منى يوم ماترجعى لدنيتنا مفيش حاجه حتبعدنى عنك الا المۏت وحعوضك عن كل حاجه وحشه حصلتلك

تنزل دمعه أخرى من عينيها فيمد مصطفى يده ويمسح دموعها

ان شاء الله بعد كده مش حيكون فى دموع غير دموع الفرح

فى منزل كامل

لينا صباح الخير يامامى

ناهد صباح الفل يا روحى هاه ايه اخبارك طمنينى

لينا والله يامامى مش مبسوطه

ناهد ليه بس ياحبيبتى حصل حاجه مع حاتم

لينا مش عارفه يامامى بس حساه مش بيحبنى دايما بعيد عنى تعرفى يامامى انه مبيتصلش بية الا اذا انا اللى كلمته

وسألت عنه

ناهد طب مش يمكن تكونى زعلتيه

فى حاجه

لينا انا لا والله ابدا ده هو اللى انسان غريب اوى

يدخل عليهم كامل

فتجرى عليه لينا بابى حبيبي ازيك

كامل الحمد لله والله

انتى ياحبيبة قلبي اللى عامله ايه

لينا الحمد لله

كامل امال دلوعة امه فين

ناهد ييه بقى هو فى ايه

كامل فى ايه

يعنى مش عارفه فى ايه ياست هانم فضلتى تدلعى فيه لحد ماخاب لا نافع فى دراسه ولا فى الشغل ولانافع فى حاجه وكل ليلة فى الكباريهات اوعى تكونى فاكرة انى نايم على ودانى انا بس اللى مش عاوز اعمل مشاكل

لكن وربي لو ماعقل لكون طرده برة البيت

ناهد يالهوى انت عاوز تطرد ابنك انت اټجننت ياكامل

كامل جن لما يركبك واحترمى نفسك وانا قلت اللى عندى

ويتركها ويمشي

ناهد ياربي انا مش عارفه اعمل ايه بس ربنا يهديك يابنى ويصلح حالك

ولكن اين ابنها هاهو

ياللا بقى ياياسمين امضى وخلصينى

ياسمين حاضر ياتيم بس

تيم بس ايه تانى احنا مش اتفقنا خلاص

بقولك ايه احنا لسه فيها لو مش عاوزة تكملى وترجعى فى كلامك تمام مفيش مشكله بس تنسينى تماما وكل واحد فينا من سكه

ياسمين لا خلاص انا حمضي اهوه وتمسك القلم وتمضي

تيم ايوة كده هو ده الكلام كده تبقى حبيبتى

ياسمين بجد ياتيم انا حبيبتك

تيم وانتى عندك شك

ياسمين بس انا خاېفه اوى ياتيم ده بابا لو عرف حيقتلنى ده بېخاف علية اوى

وبيحاسبنى رايحه فين وجايه منين

دى ماما مبتعملش معايا كده

تيم محدش يقدر يقربلك ياقلبي انتى مراتى ومحدش ليه كلمه عليكى غيري

بقولك ايه بقى ماتسيبك بقى من الكلام ده وتيجى جوة اصل فى كلام مهم اوى لازم نقوله

ياسمين ايه ده كده علطول لا مش حينفع دلوقتى

انا لازم اروح

تيم نعم ياحبيبتى لاهو انا متجوزك عشان تقوليلي مش حينفع على جثتى انى اسيبك تخرجى من هنا

ياسمين طبب حاضر حاضر

تيم ايوة كده احبك وانتى بتسمعي الكلام

فى داخل المحكمه

اسر وهو يترافع عن احد المتهمين

سيادة القاضى الساده المستشارين لقد تقدمت بكل مايثبت براءة موكلى من التهمه الموجهة اليه والحكم يرجع لكم وماتمليه عليكم ضمائركم

ولسيادتكم كل الاحترام

القاضى الحكم بعد المداوله

يخرج القاضي ليعود بعد قليل

بينما يتوجه الى اسر ابو المتهم وابنه طمنا يابنى ابنى حيخرج

اسر اطمنى ياامى ان شاء الله حيخرج

داخل حجرة القاضي اسر التهامى ده مصېبه بيعرف يدور عالثغرات ويطلع موكله براءة

احد القضاة ده كان تلميذ عندى فى الدفعه ودايما كان يطلع الاول بصراحه طول عمره مجتهد

يرد قاضي اخر ومحترم ونادر لما تلاقى محامى محترم

يخرج القاضي الى المنصه لاصدار الحكم

يجلس الجميع فى احترام ليستمعوا الى حكم القاضي

حكمت المحكمه حضوريا ببراءة المتهم محمد على محمد من التهمه المنسوبه اليه

زغاريد فى المحكمه والاب والام يكاد قلبهم ان يقف من الفرحه

وتمسك ام المتهم بيد اسر لتقبلها

اسر استغفر الله العظيم ياامى ايه اللى بتعمليه ده

انامعملتش غير واجبي

بينما ابوه احنا مديونينلك بعمرنا كله يابنى ده انت رديت روحنا لينا ده ابننا الوحيد

واطمن يابنى بقيت اتعبك حجيبهالحد عندك

اسر عيب ياحاج مفيش اتعاب خلاص

امه لا يبنى ده حقك

اسر دعوة حلوة ادعيلي دعوة بس ياامى

الام روح يابنى ربنا يوقفلك ولاد الحلال فى طريقك ويبعد عنك كل شړ ويرضيك ويراضيك وينولك كل اللى فى بالك ويديك على اد نيتك الحلوة

اسر الله كفايه علية الدعوة الحلوة دى

يخرج من المحكمه وهو فى قمة سعادته ان اخرج برئ من قفص الاتهام

ولكن اثناء خروجه ياتيه اتصال تليفونى

نظر اسر للرقم ولم يرد اهماله بل قام بالرد

ايوة ياشيرين معاكى

شيرين معلش يااسر راحت علية نومه وملحقتش اشوفك قبل ماتنزل

اسر ةلا يهمك ياشيرين محصلش حاجه

شيرين اسر ممكن اطلب منك طلب

اسر اتفضلى ياشيرين شيرين فى رحلة عاملهاةالنادى الاسبوع الجاي للغردقه فانا كنت بقول لو ينفع تيجى معايا ونروح سوا

اسر والله لو كنت فاضي كنا رحنا بس للاسف انا عندى قضيه مهمه فى مطروح

طب بقولك ايه تيجى معايا انتى مطروح

شيرين لاء مطروح ايه دى اللى انت عاوزنى اروحها

اسر ليه مالها مطروح ياشيرين