غدر زوج

سهي بزمتك دي عمايل ام براحتك يا منال لحد ما نشوف اخرتها ايه
سهي
استني يا طنط خليكي انتي معاها هنا وانا هروح اجهز العشا وناكل كلنا
ودخلت سهي المطبخ ومنال قالت بصوت واطي
انا قولت لمرات اخوكي تروح تقعد عن اهلها حرام مقعدها جنبي ولابسه اسود وهي لسه صغيره وزي القمر دي كمان تقول للقمر قوم وانا اقعد مكانك ومن حقها تعيش سنها وتتجوز تاني مش هتفضل يعني عمرها كله عايشه علي اللي راااح
ملك 
والله يا ماما انا لو عليا ما تتحوزش ولا تجيب اي حد يبقي مكان امير اخويا الله يرحمه بس برجع واقول ده حقها حرام عليا اخليها تعيش عمىها كده زهي من حقها تتجوز وتخلف
منال 
وانا عشان كده قولتلها تروح تقعد عند بيت اهلها وتقلع الاسود واتفقت معاها تيجي يوم في الاسبوع تباات معايا هنا فيه امير اخوكي الله يرحمه كانت روحه فيها وهي غلاوتها من غلاوته
سهي طلعت من المطبخ وقالت
يلا يا جماعه انا جهزت الاكل اهوو تعالي يا ملوكه كلي يا حبيبتي وان شاء الله عزت هيجي بكره يصالحك هو هيلاقي في حلاوتك ولا في جمالك فين
ملك 
ربنا يجبر لخاطرك يا سهي والله انتي الوحيده اللي بتفهمي في العيله دي
وتاني يوم كانت سهي بتجهز في الفطار والباب خبط وراحت فتحت ولقيته عزت
سهي
صباح الخير يا استاذ عزت تعالي اتفضل طنط منال وملك لسه نايمين بس هصحيهم عشان يفطرو
دخل عزت وقال
هي الهانم ما راحتش المدرسه النهارده طيب ايه اللي منيمها لحد دلوقتي دي الساعه داخله علي 11 اهوو
سهي
معلش يا استاذ عزت هي جايه هنا برضو تريح اعصابها شويه وان شاء الله هترجع عندك علي طول الموضوع مش مستاهل يعني
عزت بصلها من فوق لتحت وقال
هو فعلا مش مستاهل بس هو النصيب اللي وقعني انا في واحده زي ملك وانتي تبقي ارمله
سهي بتوتر
اا انا هدخل اصحيهالك جوه اتفضل يا استاذ عزت اهلا وسهلا بيك
ودخلت سهي عند ملك وقالتلها وهي نايمه
سهي
ملك يا ملك قومي جوزك بره شكله كده جاااي يصالحك
قامت ملك بسرعه وقالت
بجد يا سهي عزت بره انا هتقل عليه مش هطلع كده اصالحه علي طول ولا اقولك هو طيب وجه بنفسه لحد هنا بصي هروح اصالحه ولا اقولك انا مش هطلع خالص خليه كده قاعد ندمان عليا عشان يبطل يتعصب عليا
ضحكت سهي وقالت
هههههه والله انتي مش طبيعيه وما فيش حاجه مخلياه يزعق فيكي غير الطيبه بتاعتك دي اطلعي كده وقوليلو انك خلاص هتعملي اللي هو عايزه بلاش العند في المواقف دي ولما يهدي اتكلمي معاه واقنعيه والله بالطريقه دي تاخدي عينيه
ملك 
حاضر يا سهي ربنا يخليكي ليا يا احلي اخت في الدنيا
وطلعت ملك عند اللي عزت اللي اول ما شافها قال بسخريه
عزت 
ما لسه بدري كل ده نايمه يا ست ملك هانم
ملك قعدت جنبيه وقالت
انت المفروض انك جااي تصالحني في واحد يصالح مراته يبقي عامل كده وقالب وشه
عزت 
هو انا عملت حاجه هو مين اللي غلط يا ملك وانا برضو عشان بحبك جيت وبصالحك اهو ومش همشي غير وانتي معايا
ملك 
وانا هروح معاك واللي انت عايزه هعمله بس انا بحب شغلي يا عزت انا ما اتعلمتش عشان اقعد في البيت انا بحب شغلي وبحب الطلاب بتوعي وو
عزت 
بيتك محتاجلك اكتر يا ملك انا وماما والبيت محتاجينلك اكتر احنا بقالنا سنه بحالها متجوزين ليه ما جيبنااش بيبي عشان بعيد عن بعض انتي بتيجي من الشغل تعبانه وبيكمل عليكي شغل البيت ومش
بتبقي فضيالي