((تتجوزيني يارهف)) بقلم سولييه نصار
...صحيح كنت عايزة أكلمه لما انزل بس مقدرتش ...قولي ازاي هتيجي وانت متجوز ولا انت لما شوفت حبيبة القلب ضعفت!! خلاص يا رهف هطلقها النهاردة ... بكرة هتصل بيك تكون نهيت الموضوع. الا اعتبر
موضوعنا منتهي وبراحتك! قالتها بعدين قفلت السكة في وشي ... نفخت بضيق بس قررت فعلا اطلقها ...روحت اتمشي وبعد تلات ساعات رجعت البيت ...كانت امي نايمة ...روحت اوضة ايات وخبطت عليها ودخلت ...كانت قاعدة علي السرير پتبكي ...شفقت عليها شوية بس دخلت وقعدت جمبها ومسكت ايديها وقولت ايات انتي جميلة وكويسة وطيبة ... قاطعتني بلهفة وقالت يعني مش هتطلقني ... اتنهدت وانا بقول انا اسف مش انتي الست اللي مفروض اتجوزها وتبقي معايا انتي متلقيش بيا ...انتي طالق!!!
حرام عليك ...حرام عليك ..
قالتها ايات. هي پتبكي ...كانت پتبكي جامد وانا معرفتش أهديها ...كنت بحاول بس هي دخلت في نوبة هيستيرية لدرجة اني خۏفت عليها ...
ايات
قالتها امي بقلق ...وبعدين بصتلي وقالت بحزم
اطلع برة ...
طلعت بسرعة ..
....
بعد ما مشي ...قعدت ام انس جمبها وحضنتها ...قالت ايات وهي پتبكي
طلقني ...طلقني بعد ده كله طلقني وكسر فرحتي يا ماما ...
بعدت ايات وهي بتمسح دموعها وقالت
مش ببكي عليه والله ..ببكي علي نفسي ...بفتكر الحاجات اللي استحملتها عشانه ...بفتكر اني كنت مستنية بلهفة اليوم اللي هيشيل عني الحمل شوية ويخليني سعيدة اتاريه كسرني ...
مسكت ام انس ايديها وقالت
ما عاش ولا كان اللي يكسرك يا حبيبتي ...محدش يقدر يكسرك ...
لا يا ماما كسرني ...ابنك كسرني لما حسسني اني قليلة وجاهلة ...هو قالها في وشي اني مش من مقامه ...أنا أول مرة في حياتي احس اني قليلة كده لان اللي قلل مني هو الإنسان اللي حبيته ووهبته حياتي ...
مسحت دموعها مرة تانية وقالت
بس خلاص انس صفحة واتفقلت ...مهما يعمل مش هرجعله ولا ابصله تاني لأن اللي عمله ميتغفرش هو دبحني لما قلل مني ...ولما قابل اللي عملته بالجحود ...خليه يتجوز يا ماما اللي عايزها انا خلاص
