انا ليلي ٢٧سنه ودي قصتي
وبابا قالي
خلاص يا ليلي احنا كده تقريبا جاهزين اننا ندخلك على عمر
ليلى
بجد يابابا انا هتصل بعمر واعرفه عشان يعمل حسابة
وبعدها علطول عمر راح وحجز القاعة وجه يوم الفرح ماما قالت لي
الام
انا عايزاكي تحطي حماتك في عينك يا ليلي عشان تحبك وتدعي لك يابنتي انا عايزة تحلف بيكي اصل حماتك دي من الناس بتوع زمان اللي بتحب تتباهي بمرات ابنها
انا عارفه ياماما والله وعشان كده بقولك اطمني انا هبقا كويسه جدا مع حماتي وكل اللي في البيت كمان
الام
ااه ياحبيبتي وتعاملي سلفتك كويس وتخليكي حلوه معاها في كل حاجة وتبقى هي اختك اصلك هتعيشي معاهم اكتر من هتعيشي معانا
وفي الوقت ده دخلت مني صاحبتي وقالت لي
ايه ياعروسة ياقمر جاهزه عشان نروح الكوافير مش عايزين نتأخر ياقلبي
اها يلا يامنى معلش اصل ماما كانت بتقولي الوصايا العشر هعمل ايه بقا يابنتي
الام
بقا كده يا ليلي مش عجبك كلامي وبتتريقي عليا انتي وصاحبتك البت الهبلة دي
مني
ههههه اديكي قولتي هبلة يعني انا ميتاخدتش على كلامي ياطنط يلا بقا يابنتي خلينا نروح الكوافير يلا
ومشيت انا ومنى رحنا الكوافير واتعملي احلى فرح وفي الفرح نوال قالت لأسامة جوزها
بقا انا يا اسامة الدكتورة نوال يتعملي فرح اي كلام والست هانم عروسة اخوك بتعملها فرح زي ده شكلي اتنازلت كتير في الجوازه دي حته
مفعوصه يتعمل ليها فرح جامد وانا لا
أسامة
بقولك ايه يانوال مش وقتة الكلام ده اتلمي وخلي ليلتك تعدي ايه الكلام ده وبعدين هو كان فرحك ماله يعني مش فاهم طب ده الناس كانت بتحلف بيه
انت مصدق نفسك يا اسامة على العموم انا مش هتكلم في الموضوع ده خلاص بقا مش أوانه اصلا انا اتدبست واللي كان كان
أسامة
انتي بتقولي ايه يانوال انتي بتبرطمي ولا ايه ياريت تعلي صوتك
نوال
مش بقول حاجة يا اسامة اسكت بقا وركز في فرح اخوك لما نشوف اخرتها معاكم
ورجعنا البيت وبعدها بيومين كنت في شقتي ولقيت مرات أسامة طالعه عندي بتقولي
ازيك ياعروسة منورة البيت هنا عايزكي
من هنا ورايح بقي تعتبرني اختك انتي سامعه
ولا اي
ليلى
شكرا يادكتورة نوال ده نورك انتي والله
اكيد طبعا اختي وحبيبتي انتي متعرفيش
عمر بيشكر فيكي ازاي وبيقول انك زي اخته والله
نوال
لا انتي متقوليش دكتورة دي بقا خليها نوال وبس وبعدين احنا بقينا في بيت واحد يعني احنا كده نعتبر اخوات ولا ايه انا عايشه في البيت
ليلى
اكيد طبعا يا دكتورة قصدي يانوال انتي هبتقي اكتر من اختي والله
وخرج عمر من الاوضة وقال
ياسلام ياسلام خلاص بيقتو أصحاب واخوات كمان انتو الاتنين ربنا يستر عليا انا واسامة ومتتفقوش علينا انا وهو
نوال
انت بتقول فيها اصبر بس كده انت شوية وهتشوف الشغل اللي على أصوله انت واخوك ده
عمر
الله الله يعني شغل السلايف هيبتدي بقا لااا ده انا اقعد على جنب احسن بقا ههههه
نوال
ايووه احسن لك كده تاخدها من قصيرها كده وملكش دعوة بيا انا وليلى وتخليك حنين معاها دي مراتك بنت ناس وجاية هنا أمانة عندنا
ليلى
ههههه والله يانوال انتي شكلك طيبة اوي وقلبك حنين دي حتى ااا حماتي بتشكر فيكي اوي وبتقول عليكي طيبة وده اللي انا شوفته
عمر
على فكرة نوال دي جدعة وخدومة وبعدين معانا دكتورة في البيت يعني لو عندك صداع عندك مغص هي موجوده
ليلى
ربنا يبارك فيها يارب
نوال
طيب بقولكم ايه انا هنزل لحماتي قبل ماتعلقني على باب البيت واسيبكم انتو برضو عرسان جداد ولازم انا اكون عندي ډم يلا اسيبكم براحتكم
ونزلت تحت
نوال وقالت لحماتي
