انا ليلي ٢٧سنه ودي قصتي

بكل خبث
نوال 
هي العروسة الجديدة هتفضل في شقتها لحد امتى ياحماتي مش المفروض تنزل هنا وتشوف شغلها ولا انتي ناويه تخليها مرتاحه وانا اللي هعمل كل شي ولا اي
الحما 
ااه ما أنا مستنية عليها يومين كمان يانوال وتنزل تخدمني هنا متقلقيش انتي بس على فكرة ده برضو مش هيمنع انك هتشتغلي برضو في البيت لتكوني فاكرة انك هتبقي هانم وهي اللي هتعمل بدالك
نوال 
لا ولا فاكرة ولا حاجة اهي بس هي هتبقي ايدها بأيدي وخلاص لما نشوف اخرتها
الحما 
بس ممكن الظروف تحكم ان هي يعني 
مش تقدر تعمل حاجه اه انتي عارفه 
الحمل بيكون متعب ازاي صحيح 
ولا انتي تعرفي منين ولا جربتي وشكلك 
كده عمرك ما هتجربي
نوال 
هو انتي ليه كل كلامك معايا بالطريقه دي 
حرام عليكي ربنا يعلم انا بتعامل معاكي 
بما يرضي الله
الحما 
وانا مش عايزكي تتعاملي معايا يا حبيبتي 
عايزكي تخلفي صحيح باب النجار مخلع 
دكتوره صحيح بس مش عارفه تعالج نفسها
نوال 
بقولك اي أنا طالعه شقتي يا حماتي لأن 
شكل الكلام كده هيكبر بينا وبعدها طلعت
وفعلا بعد جوازي بأسبوع وقررت انزل عند حماتي عشان اساعدها في شغل البيت واعمل الاكل وفعلا عملت لهم الاكل وحماتي قالت لي 
انتي باين عليكي شاطرة اوي يا ليلي انا مبسوطة منك
ليلى 
ربنا يخليكي لينا ياحماتي هو احنا لينا بركة الا حضرتك ودخل عمر من برة وقال 
ايه روايح الاكل الحلوه دي ده مين اللي طابخ الاكل اللي ريحتة جايب اخر الشارع دي
الام 
دي مراتك اللي طبخت ياحبيبي باين عليها ست بيت شاطرة واحسن من الموكوسة مرات اخوك 
عامله فيها عبدو المهم وهي ولا مهمه ولا اي حاجه
عمر 
ياماما هو انتي مش بيعجبك حاجة ابدا وبعدين مانوال دايما هي اللي كانت بتعمل 
الحاجه والأول كنتي بتشكري في اكلها برضه
الام 
لا بس شغل مراتك في البيت احلى وطبيخ مراتك كمان احلى احسن من البومة نوال
عمر 
طيب اسكتي بدال ماتكون جايه وتسمعك احنا في غنا عن المشاكل
الام 
ماتسمع ياحبيبي هو انا بخاف ولا بخاف 
وبعد شوية دخل أسامة اخو عمر وقال 
الله ايه الريحة دي هو انتي طابخة ايه ياماما
الام 
مش انا اللي طابخة ياقلب ماما دي مرات اخوك ست البيت الشاطرة الا مراتك فين منزلتش ليه لحد دلوقتي هو مش النهاردة الاجازة اللي كلنا بنتجمع فيه ولا تلاقيها قالت بقا مرات عمر تسد مكانها
أسامة 
هي نازلة ورايا ياماما وبعدين انا مش عارف بس انتي حطاها على دماغك ومش طيقاها ليه كده دي نوال غلبانة
الام 
ماهي لو كانت جابت العيل اللي نفسي فيه كنت هعاملها معاملة غير ياحبيبي اسمع يا اسامه 
انا خلاص زهقت وانت الكبير بالنسبه 
ليا مراتك لو مافيش حل من ناحيتها 
اعمل حسابك ان هجوزك واحده تانيه
أسامة 
ياماما دي حاجة بتاعت ربنا بقا خلآص مش وقته الكلام ده
ونوال في شقتها بتكلم امها في التليفون وقالت لها
نوال 
ايوه ياماما البت العروسة دي نزلت وهي اللي شغاله في البيت النهاردة اجازة اه بس انا قولت هي بقا تسد مكاني شوية وتدوق اللي حماتي بتعمله فيا
الام 
ربنا يعينك يابنتي وانزلي لها بقا عشان متقولش دي مصدقت حكم انا عارفه حماتك كويس وكلامها عامل ازاي
نوال 
ما أنا كده كده نازلة ياماما اصلا 
ولقت حد بيرن عليها وهي بتتكلم بصت في الفون وقالت لأمها 
اهو سي أسامة أفندي جوزي بيرن اكيد عايزني تحت
الام 
طيب يلا اقفلي وردي علي جوزك انتي مش ناقصة حماتك تعملك وش وۏجع دماغ
وبعدها لقيت نوال نازله واسامة قال لها 
ايه يانوال منزلتيش ورايا علطول ليه انا مش قايلك متتاخريش
نوال 
كنت نازله وراك وبعدين لقيت ماما بتتصل فضلت اتكلم معاها شوية
في ايه يا اسامة