((نيروز والهوى))

لوجوده أصلا ولا يفرق معايا بس ماعرفش بقا ايه اللي حصل ! حتي هو ..لما بتكلم عن خطيبي بيتغير ! بيحاول يداري ويبان عادي بس أنا بفضحه ..ماحدش يعرف إيهاب قدي ..ولا حد عاش مع إيهاب قد ماأنا عيشت في يوم كنت خارجة مع ناس صحابي بنتسفح وبشتري شوية هدوم وكدة وكنت هرجع لوحدي لكن الوقت كان إتأخر وماكنتش لاقية مواصلات ..فضلت مستنية كتير لكن مالقتش إتصلت علي مصطفي عشان يجي ياخدني ماردش ! إتصلت علي عمو مراة عمي ردت وقالتلي إنه نايم طب أعمل إيه ماهو مستحيل أكلم إيهاب أو أركب معاه العربية مستحيل والناس لو شافتنا هتبقي ڤضيحة لانه طليقي وراكبة معاه العربية لوحدي ماكنش قدامي غير جمال رغم اني مش عايزة اركب معاه العربية لوحدنا لكن هعمل إيه بقا إتصلت علي جدو الأول إستأذنته وبعدين كلمت جمال وجالي عشان يوصلني وروحني البيت وأنا داخلة البيت قابلت مصطفي وقولتله عاللي حصلي واني كلمته ماردش ..ودخلنا سوا لشقة جدو نسلم عليه كان موجود إيهاب وماما وجهاد ومراة عمي ..وقعدنا وكنا بنتكلم لكن إيهاب ماكنش بيشاركنا الكلام كان ساكت ! مادامه ساكت يبقي ڠضبان أنا عارفة ..وواحدة واحدة هيتكلم وحصل ..

غريبة يعني يانيروز إن جمال موصلك بعربيته وانتي راكبة معاه لوحدك أمال لما كنا مخطوبين ماكنتيش بتوافقي ليه تركبي معايا العربية واتقوليلي لأ ومايصحش وحرام ..دلوقتي بقا حلال 
كان بيتكلم بمنتهي الهدوء أنا إتضايقت من اللي قاله ! إيه اللي خلاه يفتح مواضيعنا زمان ماخلصنا ! وبعدين وهو ماله ..لكن مسكت نفسي وإتكلمت بمنتهي الهدوء برده ..
وعرفت منين إن هو اللي وصلني 
شوفتك من الشباك وانتي نازلة من عربيته
امممم أولا هو مابقاش حلال ولا حاجة ..ثانيا انا ماكنتش لاقية مواصلات اتصلت علي مصطفي ماردش اتصلت علي عمو كان نايم ..ماكنش قدامي غير جمال واستأذنت من جدو قبلها وفي الاخر انا كنت مضطرة مش بمزاجي
وماكلمتنيش انا ليه عشان أخدك ولا أنا ماعجبش 
إنت طليقي ! إنت آخر واحد في الدنيا أنا ممكن ألجأله في حاجة ..لانك طليقي ! والناس مش بتسكت وأنا مخطوبة لراجل تاني وعالأقل إحتراما ليه ماينفعش أزعله وأركب معاك العربية وطبيعي لان جمال خطيبي فاهو أقربلي منك ومن إني ألجألك وملجأش له !
بدأ غضبه يبان وصوت بدأ يعلي .. 
والله يابختك ياعم جمال لقيت الحب اللي إحنا مالقيناهوش !
وهنا إبتدت المعركة ..
بإبتسامة مستفزة عندك حق هو يابخته فعلا
عايزة تفهميني انك بتحبيه 
وماحبهوش ليه هو مش خطيبي
انا مش عارفة الميتين اللي حوالينا دول سايبينا بنتكلم وماحدش بيتدخل ليه ! إيهاب إتعصب أكتر وقال ..
لأ فوقي دا انتي ماعرفتيش الحب دا غير علي إيدي
لأ فوق إنت ياإيهاب ..أنا طليقتك ومخطوبة ..إنت مش في حياتي أصلا وكتر خير إيدك اللي علمتنا الحب وخلتنا نحب الناس الصح متشكرين ليها
أتكلمي عدل وبأسلوب محترم معايا
قومت وقفت ولقيت نفسي بضحك وقولت ..
فيه إيه ياإيهاب ! إنت بتغير عليا ولا إيه 
إتغيرت ملامحه لكن في ثانية ظبط ووقف وقال ..
ماغرتش عليكي وإنتي مراتي يبقي هاغير عليكي وإنتي مش في حياتي أصلا !!
بإبتسامة مستفزة ومالك فخور ليه كدة إنت عارف الرسول صلي الله عليه وسلم قال إيه علي اللي مابيغرش علي أهل بيته ! ..أقول ولا
إنت عارف !
نيروووووز ! أقسم بالله لو إتكلمتي معايا بالأسلوب دا تاني والله ماهسكتلك ولا هيهمني حد إنتي فاهمة !
جدو ماشاء الله ماتمد إيدك عليها بالمرة ياأستاذ إيهاب مستني إيه 
عن إذنكوا
وسيبتهم ومشيت طلعت شقتنا .. بقا مستفز غبي ..وهو ماله أصلا بيا ماله بتصرفاتي واللي بعمله مايخليه ف.. لأ ثانية ثانية ثانية ..إيهاب بيغير عليا إيهاب بيغير ودلوقتي جاي دلوقتي يغير عليا ! ..
رجعنا من تاني بنتحاشي بعض تماما وأنا عايشة في حيرة كبيرة من أمري لا انا عارفة أكمل مع جمال ولا لأ والحب هيجي بقا بعد الجواز والعشرة ! ولا أفسخ عشان ماظلمهوش