معديه الشارع في امان الله فجاه عربيه تيجي وتخبطني

في حياته
ماما طيب يا آخرة صبري ايه اللي حصل
حكيتلها علي اللي حصل 
ماما حقيقي جمع ووفق وكملت ضحك
..وفضلت طول اليوم تضحك عليا كل ما تشوف وشي 
دخلت اوضتي جبت الاب توب بتاعي وبدات اعمل بحث عن الشركه بتاعته F m a group والنبي الاسم جامد 
وبحثت عن فرصه عمل في الشركه دي بس للأسف مالقتهمش عايزين غير شاب للبوفيه 
صحيت الصبح من النوم ودخلت اخد شاور وطلعت لبست واتشيكت وعملت نفسي طبعا راجل 
ما انا نسيت اقولكم انا هابقي بتاعت الشاي
امي قاعده في الصاله أما اطلع اخوفها الاول 
هتفكرني حرامي وتلم عليا البلد دخلت المطبخ اجيب سکينه ما الاهم من الشغل ايه ظبط الشغل وقربت منها وفجأة حطيت السکينه علي رقبتها وقولتلها بصوت طخين اقلعي السيغه اللي لبساها دي يا وليه والا هاصفي دمك يلا بسرعه 
لاتفاجأ بقلم نازل علي وشي 
ماما انتي مش هتبطلي شغل الهبل بتاعك ده يا بنت الموكوسه
..انتي عرفتيني ازاي دا انا حتي متنكرة 
ماما متنكرة ايه يا بنت الهبله حاطه شنب وسايبه شعرك وحاطه كحل وروج نقول عليكي اي يا واد يا بت الصبر من عندك يا رب 
..اه فاتتني دي دخلت مسحت الروج والكحل ولمېت شعري تحت الطاقيه وتوجهت للشركه ما قولكوش تنكري خطېر جدا جدا 
دخلت من باب الشركه وطبعا السيكيورتي واقفين يستجوبوني عارفين لو شايفين وشي الحقيقي هيدخلوني وش انا اصلا ما تقاومش 
رديت بصوت طخين كده انا جاي اقدم عن وظيفه اوفس بوي 
سكيورتي صوتك فيه حاجه ولا ايه
..لا انا صوتي تخين كده اصل انا راجل اوي 
دخلت من باب الشركه ببص ورايا سمعتهم بيكلموا بعض 
سكيورتي 1 شايف مشيته عامله ازاي
سكيورتي ولا صوته صوته مش لايق عليه خالص شكله واد بت كده 
عشان تعرفوا بس أن تنكري خطېر 
حاولت اعدل في مشيتي ومشيت كده زي اللي عنده تسلخات وخليت ايدي تيجي وتروح معايا كده 
دخلت للاستقبال والموظفه قالتلي اروح البوفيه 
لقيته داخل من باب الشركه برفانه مسمع وطبعا لابس البدله بدله سوداء قمه الشياكه والجمال والاناقه ومسبسب شعرة دقنه خفيفه ولابس النظارة وماسك تليفونه في ايدة يا نا يا ما يتاكل اكل انت ايه يابني 
لقيتني واقفه وقفه شاروخ خان وبفتح ايدي كده أنه هيجي يترمي في حضڼي 
ولقيت الاغنيه بتاعت فيلم ديلوالي دولهانيا لي چاينچي 
اشتغلت في دماغي ميتيرا ميري چانا سانام بيار هوتا هيه ديفانا سانام 
قرب مني وأنا علي نفس الوضعية ومبتسمه 
فارس في حاجه يا استاذ 
..في حاجه واحدة في حاجتين تلاته اربعه فيه عسلات قشطات مهلبيات وطبعا وشي كان نفس وضعيه حمدي الوزير 
فارس في ايه يا استاذ ماتتكلم عدل انت مين 
..انا بعد مارجعلي وعيي شويه تخنت صوتي انا الاوفس بوي يا فندم والنهاردة اول يوم 
فارستمام هاتلي القهوة بتاعتي 
..حاضر يا فندم
بصلي بغرابه ومشي وسابني 
بذمتكم انا اتساب
روحت البوفيه وكان في راجل كبير عرفني قهوته عامله ازاي وعملتها وقالي مكتبه فين 
شيلت القهوة وروحت لمكتبه أخبط ما يردش أخبط ما يردش طبعا من الزوق اني ما دخلش انا هامشي عشان عيب
دخلت المكتب اصل انا فضوليه اوي صراحه وحطيت القهوة علي المكتب ووقفت اتفرج علي المكتب وجماله وريحه برفانه معبيه المكان لقيته حاطط جاكت البدله علي الكرسي روحت مسكته لقيتني بحضنه زي
الهبله وببوس فيه وبمسكه كأني برقص معاه وقعدت ارقص مع الجاكيت وانا بغني انا قلبي دليلي
قالي هتحبي كان دايما يحكيلي وبصدق قلبي انا قلبي دلييييلي 
هوا يا تري فين ده لقيت صورته علي المكتب شئ عظيم انا يا بني هاحبك اكتر من كده فين
في حد بيفتح الباب ويدخل فارس كبسه 
اروح فين اجي منين يا ناس 
فارس ممكن اعرف انت ليه لابس الجاكت بتاعي 
..اصل انا كنت ..........اصلي بجيب القهوة و......
فارس طيب وماسك صورتي ليه 
..اصلي انا عجبني الجاكت و........
فارس طيب سيبه وامشي وبصلي بغرابه
فارس اتفضل 
انا 
..ايه ده هوا فكرني واد مش مظبوط ولا ايه....هوا انا يعني عملت ايه لكل ده 
مشيت من قدامه وقبل ما امشي اتخبطت في فاظه وفجأة لقيت سوبر هيرو قدامه ماسكني وماسك الفاظه 
وقفت قدامه ورجع وشي لحركاته اللي تخوف دي 
لقيته بيقرب مني هوا طلع مش مظبوط ولا ايه انا المفروض راجل دلوقتي 
وراح زانقني في الحيطه ومقرب بزيادة وقلبي بيدق اوي 
وقال نفسي مرة تعرفي تتنكري 
انا 
هوا 
..هوا انت عرفتني !!!!!
بعد وسبني وهوا فطسان ضحك من وشي اللي بقي شبه الطماطم وعرقي اللي ملي وشي
فارس ما كنتش اعرف انك بتتحرجي كده ووشك بيحمر 
انا وانا بعدل هدومي هوا انت عرفتني أزاي !!
فارسلا ولا حاجه شعرك من ساعه ما شفتك الصبح وهوا نازل 
انا 
فارس وانا قلتلهم ياخدوكي علي قد عقلك عشان اشوف اخرك
انا
فارس دا غير كده غمزاتك وحركات حمدي الوزير ده ماحدش بيعملها غيرك 
انا 
فارس وكنت بتفرج من المكتب التاني علي اللي بيحصل هنا وكله متسجل حقيقي ضحكتيني
انا يعني انت شفت كل حاجه 
فارس كل حاجه 
قرب مني تاني يااالله علي الرومانسيه اللي هتوديني في داهيه دي 
واتفاجأ أنه مسكني من شعري 
..اه اه اه 
فارس بت أن شفتك تاني او مابطلتيش الهبل اللي بتعمليه ده انا هزعلك ..
..انت ناسي انك اتحمرشت بيا ولا ايه وراك وراك والزمن طويل الا صحيح هتيجي تتقدم امتي وتجيب الشبكه 
فارس وسابني انت يا بت ماعندكيش ډم مافيش كرامه 
..انا قدامك بنسي نفسي مش هنسي كرامتي يا سطا بنحبوك ما تحس بينا بقا اله 
فارس ومسكني من قفايا وطلعني برة المكتب بيموووت فيا
فارس سيكورتي 
اجوا جري 
فارس ارموها بره
انا عيب يا حبيبي لما يرموا خطيبتك كده وحشه في حقك واللهي 
فارس بعصبية خدوها من هنا 
اشتالوني ورموني برة الشركه بس عارفين لو شايفين وشي الحقيقي عمرهم ما يعملوا كده ابدااه يا ضهري اه هوا انا كل يوم يحصلي مصېبه بقا ايه ده 
قومت مشيت وانا ماسكه ضهري وحالتي حاله بيقولوا الحب عڈاب بس ما توقعتش أنه كده
ماشي يا فارس ماشي 
دخلت البيت واخيرا 
ماما عملتي ايه 
اترميت علي الكنبه وانا بقول اه يا ضهري 
ماما شكله بيخلص القديم والجديد منك 
..بصي يا ماما انا عمري ما حد قدر عليا ....زيه
ماما 
يتبع ..
رواية عريس لقطة الحلقة السادسة
عريس_لقطه 
البارت_السادس 
اترميت علي الكنبه وانا بقول اه يا ضهري بعد ما فارس قال للسيكيورتي يرموني برة الشركه 
ماما شكله بيخلص القديم والجديد منك 
..بصي يا ماما انا عمري ما حد قدر عليا ....زيه
ماما 
..اضحكي اوي ياماما اضحكي دا بدل ما تشوفيني مالي بتشمتي فيا
ماما الواد طلع صعب وبيخلص كل اللي عملتيه معاه اقولك جنان بجنان واتعاملي بطريقتك بقا 
دخلت اوضتي عشان ارتاح واخطط
ماشي يا فارس انت زودتها اوي اوي يعني هوا انا عملت ايه لكل ده يعني مش عارفه دا انا بحبك بس خلاص قلبي ده هيوديني في داهيه لازم تتعلم الأدب 
نيهاهاهاهاهاها وندخل بقا الخطه الخامسه وهنسميها ضړب الحبيب زي اكل الزبيب نيهاهاهاهاهاهاها
ماما مش هتبطلي بقالك ساعه بتكلمي نفسك زي الهبله يا مچنونة 
..هوا انا بتكلم بصوت عالي اوي كده
ماما لا خالص ابوكي قالي قومي شوفي البت لا تكون ملبوسه وعايز يجبلك شيخ 
..واللهي شيخ الواد جنني يا ما جنني هيلاقي واحدة جميله مثقفه خجوله محترمة فرفوشه زيي فين وفوق كل ده بحبه 
ماما 
ومشت وسابتني لي هوا في حاجه في اللي قولته غلط ما تردوا ما تردوا 
..اه
اه 
لاتفاجأ بالسلاح الفتاك ابو وردة في وشي 
ماما بعد ما رمتني بالشبب هما مين اللي يردوا يا بنت المجنونه طفحتيني 
..ايه الواحد مايعرفش يفكر بصوت عالي في البيت ده
ماما صبرني يا رب ومشت وسابتني 
خلاص المهم ندخل علي الخطة الجديدة
عرفت من مصادر موثوقة المصدر أن فارس عايش لوحدة بس عنده خدامين طبيعي يعني مش هايعمل لنفسه كل حاجه بس لاحظت بردة أن فارس مش بيشتغل عنده إلا خدامات كبار في السن ودول مابيقعدوش كتير طبعا عشان حالتهم الصحيه المهم هوا عايز خدامة بس تكون كبيرة في العمر مش صغيرة 
وطبعا انا ايه اللي هبقى الخدامة بس المرة دي غير كل مرة هاعلمك الأدب يا فارس ....
صحيت الصبح لبست عبايه من عبيان امي الشرحه البرحه واستخدمت الميكب عشان أبين نفسي كبيرة في العمر ولبست باروكه وفوقها الطرحه ماهو مش كل مرة هاتعرف بقي ولا ايه المرة دي عامله احتياطاتي وحطيت عدة الشغل في الشنطه اصل اللي جاي تقيل 
وزي كل مرة هاروح أبهر امي بيا طلعت لقيتها قاعدة
في الصالة اتسحبت 
وبيييييخ .......
.. خلاص يا ماما وشي ماعدتش حاسه بيه بقا هوا كله ضړب ضړب ما فيش شتيمه
ماما ما هوا خلفي انقطع من يوم ما جبتك هوا لسه هتقطعيه يا بنت المجنونه 
..ما تتهدي بقا يا نونا الله هوا اول مرة يعني 
قعدت بعد ما هبطت من كتر ماضربتني 
..بس ايه رأيك اتحفتك المرة دي صح 
ماما اتحفيني يا آخرة صبري هاتعملي ايه بمنظرك ده 
..لما اجي بقا والخطه تنجح نيهاهاها 
ماما امشي من وشي يا بت انتي غوري
..اله مالك يا نونا زعلانه ليه هوا انا عملت ايه لكل ده يعني 
ماما 
..لا طالما كده امشي يا حنين احسن امك ھتنفجر في وشك...
نزلت من بيتنا وفي السكه الناس بتعديني الطريق 
وانا ماشيه بقا متقمصه الدور اه يا ضهري اه اه واي حد يمسك ايدي أن شاااالله يسلح حالك ويجبر خاطرك ومايرميك في ضيقه ابدا والناس ايوه ادعيلنا يا حاجه 
وصلت قدام قصر الحاج فارس يخراشي علي الجمال قلبي من فرط الجمال يذوب 
البواب انتي مين
..انا عرفت انكم عايزين خدامة وجيت عشان اشتغل 
البواب بس مش كبيرة يا حاجه علي الشغل 
..اكل العيش يا بني بقا ربنا ما يحوجك 
دخلني البواب يا لهوي علي الجمال ده جوة المساحه الخضرة قد شارعنا أنت عارف يا فارس أن ماتجوزتنيش هاديك قرايه اجيبك الأرض براحتك بقا
دخلت القصر لقيت ست كبيرة بردة قولتلها أن جايه عشان الشغل فهمتني هاعمل ايه وسابتني وطبعا عرفت فارس بيجي امتي و أوضته فين طبعا 
قعدت اشتغل لحد ما فضل نص ساعه عن ميعاد وصوله طلعت أوضته ومعايا شنطتي ولقيت ازازة برفانه نسيت الخطه ونسيت نفسي وقعدت اشم فيه ولقيت صورة ليه قعدت ابوس فيها 
المهم فوقي يا بت كده ماتضيعيش الوقت طلعت الميكب بتاعي واسود واحمر بقا ولطخت وشي وحطيت عدسات زي افلام الړعب كده ولبست اسود في اسود بس مش العبايه اللي كنت جايه فيها وبوظت إضاءة الأوضه بتاعته واستخبيت ورا السرير
خمس دقائق وفارس كان وصل ودخل الاوضه ايه ده لا لا مش هقدر دا بيغير هدومه اوبا يا ختي سكس باكس وحوارات دا بطل كمال اجسام يا ولاد طب ده اخوفه ولا ...... 
دخل الحمام خاد شاور وطلع وماقلكوش علي حالتي كانت عامله ازاي 
..الحمد لله دخل اوضه اللبس يلبس لاني كنت هتحرش بيه حاليا 
خلص لبس اموت انا في الشعر المبلول 
بس الغريب أنه ماحاولش يفتح النور