غرام والاڼتقام الجزء الاول
يابوي
ودخل فارس السرايا ومنه شافته وقلبها دق وقالت له
فارس كيفك طمني عليك
فارس
الحمد لله يامنه اني بخير
ونادي على امه وقال ياماااا يا مااا
منه
واه مالك عمال تنادم أكده على مرت عمي في ايه
فارس
عايز اشوفها خلصت الوكل ولا ايه الناس جم مع ابوي بره وعايزين ياكلو
وفي الوقت ده خرجت بهيرة من جوه وقالت له
ايوه يافارس ايه ياولدي الناس جم ولا ايه
ايوه ياما الناس بره ومنتظرين الوكل انتي خلصتي ولا لسه
بهيرة
طبعا ياضنايا اني مخلصه من بدري اني والنسوان دجايج والوكل كله يكون جاهز
وراحت بصه لمنه اللي سرحانة في فارس وقالت لها
واجفة عندك أكده ليه يابت مالك في ايه
منه
هااه لاه يامرت عمي مافيش حاجة اني بس كنت بسلم على فارس واد عمي وبطمن عليه مش اكتر من أكده
طيب روحي شوفي اللي وراكي وبطلي تجفي الوجفة دي يلا يابت
منه
حاضر حاضر رايحة اهووو وبتقول كده وهي عيونها على فارس
وخرجت بهيرة بالأكل للضيوف وقالت لفارس يطلعو للناس وبعدها الكل اكل وفي الليل العيلة اتجمعت زيدان وولاده ومراتة وسعاد ومنه ونهى وابوها كمال وامها نجية وزيدان قال
والله بحالنا كاتير متجمعناش أكده ياجماعة اني مش عايز اننا نجصر ويا بعضينا اني عايز دايما نتجمع أكده
ربنا يخليك لينا يا زيدان وتفضل مجمعنا أكده دايما
نهى
طيب ياعمي طالما احنا متجمعين أكده ايه رايك اللي نفسه في حاجة يعملها يجولك دلوك على اللي هو عايزة
زيدان
والله فكرة يابت يانهي عفارم عليكي يلا اللي نفسه في حاجة وعايزني انفذه له يجول دلوك
الكل سكت ومحدش اتكلم خالص وبصو لبعض من غير كلام وزيدان قال
ايييه محدش نفسه في حاجة واصل ولا ايه مالكم أكده هي الجطة كلت لسانتكم ولا ايه
اكيد يابوي محدش نفسه في حاجة ابدا اكيد يعني طالما الكل سكت كده
زيدان
اممممم طيب انتي يانهي ملكيش طلبات ولا يلي كنتي صاحبة الفكرة
نهى
اني كل اللي عايزاة رضاك علينا ياعمي انك تفضل أكده راضي عنينا ودايما في صحة وعافيه
زيدان
ااه يابكاشة يلي كيف ابوكي انتي بالظبط مش أكده برضك ياكمال ان بتك طالعه كيفك
كمال
مش بتي الوحيدة بجا يازيدان لازم تطلع بت ابوها صوح
اومال يابوي وليا الفخر اني طالعه كيفك طبعا بس اني حاسة ان منه كانت نفسها في حاجة بس تجريبا أكده مكسوفه تجولك او خاېفة تجريبا أكده
منه بصت لأمها وقالت بارتباك
اني اني معايزاش حاجة يانهي وبعدين انتي مالك ومالي هو اني كنت جولت لك اني نفسي في حاجة واتكلمي بالنيابة عني خليكي في حالك وملكيش صالح بيا واصل
وااه في ايه بس يامنه وهي نهى جالت ايه بس عشان تتكلمي وياها أكده انتي لو نفسك في حاجة جولي يابتي واني اعمل لك اللي نفسك فيه
منه
صحيح ياعمي يعني لو جولت لحضرتك على اللي انا عايزة اعمله انت هتوافج
زيدان
وهو من مېتة انتي طلبتي حاجة واني اتاخرت عنيكي ولا اتاخرت عن أي حد فيكم
منه
اصل ياعمي اني نفسي اااا نفسي ااا اشتغل واروح اشوف الدنيا نفسي جوي ياعمي
زيدان قام وقف مره واحده وقال
انتي مش سبج وطلبتي مني الموضوع ديه واني جولت لك اني مش هوافج على حاجة كيف أكده جولت ولا ماجولتش
منه بحزن
جولت ياعمي بس الكلام ديه كان من فترة كابيرة اني جولت اعيد عليك الموضوع تاني يمكن توافج والنبي ياعمي اني نفسي اشتغل
زيدان
واني جولت لاه يامنه مفيش شغل وبعدين انتي ايه اللي ناجصك عشان تنزلي تشتغلي سيبي الشغل ديه للبنته اللي أهلها مش لاجين ياكلو انما انتي لاه وإياكي تفتحي في السيرة دي مره
