دخل هشام البيت بتاعه

البلد المسكونه٢
عنتر 
من غير ما تفكر كتير انا فعلا مش بشړ انا عفريت..
خاف هشام ورجع لورا عشان يطلع من الاوضه بس فجأه الباب اتقفل وقام عنتر وقف قدامه وقال..
عنتر _
البلد دي اتسمت باسمي يوم ما الراجل شال راسي من جسمي وډفنها...
اتنفض جسم هشام وقال _
وسموها باسمك ليه وظاهرلي انا ليه..
عنتر بعيون قلبت مره واحده سودا قال _

عشان انا طلعتلهم كلهم وخوفتهم بقيت اخليهم ينامو من البدري من المغرب واللي هيطلع من بيته هيلاقيني فوشه..
هشام پخوف وهو بيحاول يفتح الباب _
انت عايز مني ايه انا لا من البلد ولا من هنا وبكىه الصبح همشي ومش هرحع هنا تاني..
زعق فيه عنتر وقال _
لا مش هتمشي انا اللي حيبتك هنا الراجل اللي قابلته في موقف سوهاج هو انا...
هشام پخوف سأله _
اا انا ليه تجيبني هنا عايز مني ايه...
رد عليه عنتر بحزن وقال _
عايز راسي مش عارف ارتاح..
هشام بغيظ قاله _
ما هي راسك معاك اهي سيبني بقي في حالي..
عنتر بدموع قاله _
انا ىاسي ما اتدفنتش معايا راسي في الغيظ وجسمي في القپر...
لطم هشام علي وشه وفجأه الباب اتفتح وطلع يجري وقعد في الشارع اخد باله ان البلد كلها هاديه وما فيش نفس فقال لنفسه پخوف..
هشام _
الله يخربيت الدكتوراه وسنينها مالها كلية التجاره بس...
_تاني يوم الصبح قري الغفير من هشام وقاله بصوت عالي وقلق..
الغفير _
يا دكتور هشام يا دكتور ما يصحش اللي انت عامله ده سايب الدوار ونايم في الشارع...
فتح هشام عينيه وقام من علي الارض ورد عليه وقال _
ما انت لو كنت شوفت اللي انا شوفته جوه يا عم الحج ما كنتش قولت كده...
ضحك الغفير ورد عليه وقال _
هههههههه هو انت لسه شوفت حاجه تعالي بس معايا جوه..
مشي هشام ورا الغفير وهما داخلين البيت قاله _
ده اذا قعدت يوم تاني هنا اصلا...
الغفير بضيق _
ليه اكده با بيه ده احنا حبيناك واتعلقنا بيك قوي..
_ما ردش عليه هشام ودخل الحمام استحمي وطلع وطلع هدوم ليه وقبل ما يلبس لقي عنتر قاعد علي السفره والافطار قدامه طلع بسرعه مم الاوضه وسأله وقال پخوف...
هشام _
ااا انت عايز مني ايه والغفير فين ده كان هنا..
رد عليه عنتر وقال _
جهزلك الفطور ومشي تعرف انا لو كنت عايش كان زماني دلوفتي قد ابوك...
هشام بغيظ قاله _
ليه اما لين تظهرلي انا بقولك ايه انا مش ناقص وهسيبلك البلد وامشي ان شاء اللخ حتي اشتغل في القاهره علي عربية فول...
ضحك عنتر وقاله بخبث _
هتمشي وتسيب راسي يا دكتور هشام مش هترجعها..
اتنهد هشام وكان الخۏف مخليه مش قادر يتحرك من مكانه وقاله بقلق...
هشام _
انا ماالي ما تظهر لحد من اهلك يجيبلك حقك ليه انا..
عنتر اسودت عينيه ورد عليه وقال _
عشان اهلي كلهم حتي ابوي اخدو حق رقبتي وكلو وشربو بيه وملو بطونهم واهل البلد كلها شافو اللي حصلي بعنيهم ومحدش جابلي حقي...
حس هشام ان قلبه وجعه علي الطفل ده ورد عليه وقال _
اسنعني يا عنتر انا قبل ما اعرف انك ع... انك مش بني ادم انا حبيتك بس اللي انت عايزه مني ده صعب فوف مقدرتي انا واحد علي قد حاله اووي..
بصله عنتر بحزن وقال _
يعني هتمشي ومش هتجيبلي حقي..
اتنهد هشام بضيق وقال _
ايوه يا عنتر شوف حد غيري..
عنتر بسخريه _
كل اللي بيجي غريب من بره البلد واظهرله بيعمل زيك ويطفش بس انت مش هتقدر تطفش..
خاف هشام وسأله بقلق وقال _
ليه يعني هتحبسني هنا...
ضحك