لابس ومتشيك وماشي بكل اناقه وفجاه تندلق عليه ميه غسيل
معاه يدخلوا مكتبه
مروان انتي دايما عصبية كدة !!!!
هند انا ورايا شغل وناس لو الشغل مجاش انهاردة هيروحوا يشتروا من برة دة محل هدوم مش مكتب تسويق هيستنوا
مروان طب اقعدي كدة واهدي وانا هتصرف
هند هتسلمني الهدوم
مروان ي ستي هعملك الي انتي عوزاه بس اقعدي
تتنهد هند وتقعد يمسك مروان الفون
يقفل مروان ويقعد قصادها
مروان تشربي ايه
هند مش عاوزة شكرا
مروان هجيبلك لمون يهديكي
يطلبلها لمون
مروان مينفعش تاخدي كل حاجة ع اعصابك كدة
هند ي سيدي ولا اعصابي ولا غيره كل الحكاية اني مبحبش حد يلتزم معايا ب حاجة ويخلفها عشان هطر انا كمان اخلف مع الي التزمت معاه
هند المفروض لو مكانش اد كلامه وواثق منه مكانش قاله م الاول
يبتسم مروان
مروان النقاش معاكي خسران
هند لما اكون صح بس
ف بيت فاطمة فاطمة لابسة ونازلة
اسراء رايحة فين !!!
فاطمة زهقانة عاوزة امشي
اسراء طب استني هاجي معاكي
اسراء طب انتي كويسة يعني
فاطمة ايوة
تلبس فاطمة الكوتشي وتنزل شهاب واقف مع عصام ف المحل
شهاب هيجبهولي امتى
عصام يومين بالكتير
شهاب قوله ينجز بس
عصام ماشي انت خلاص دة اخر قرار
شهاب ايوة خلاص
يلمح فاطمة ماشية ف الشارع يجري يطلع م المحل ويروح وراها
تتخض اما تسمعه وتكمل مشي
شهاب فاطمة !!
فاطمة ب عصبية اييييه
شهاب اقفي بالله عليكي عاوز اكلمك
فاطمة وهي ماشية هو كلامي ليك ف الموبايل مكانش واضحلك كفاية
شهاب ي فاطمة انا غلطت سامحي بالله عليكي دي اخر غلطة
فاطمة عمري م هسامح
شهاب طب قوليلي ايه يرضيكي وانا اعمله
شهاب ي فاطمة انا بحبك وانتي عارفة كدة
فاطمة كنت عارفة دلوقتي كل الي اعرفه انك حيوان وخاېن
شهاب طب
فاطمة ب عصبية وهي بتلفله باااس بقا خلاص كفياك انا مستحيل ارجعلك او اقبل اكون من واحد زيك تاني انا بسببك كنت مشلۏلة بسببك قضيت اسوء ٣ ايام ف حياتي من ۏجع
شهاب حاضر حاضر هبعد انا اسف
تمشي فاطمة ويفضل شهاب واقف باصصلها عند هند يدخل عز
عز الدفعة جاهزة
مروان تمام
تقوم هند
مروان تقدري تستلمي كدة
هند انا مش عارفة اقولك ايه متشكرة
مروان العفو ع ايه ممكن تديني رقمك نبقا نتواصل وقت استلام الدفعات واعرفك وقتها تيجي امتى بدل م تيجي ع الفاضي
هند تمام اوك
تديله الرقم
هند شكرا مرة تانية
مروان العفو تؤمري
هند باي
مروان باي
فاطمة واقفة ع الشط بتبص ع البحر وسرحانة
حبيييييييتك يوم م اتلاقينا لما حكينا اول كلااااااام
تنزل دموعها
فاطمة ف سرها كان كدب يارب كان كله كدب عمالة اقول ل نفسي بعد اي مصېبة انك شايلي حاجة احسن شايلي حاجة احسن هو دة الاحسن الكسرة دي الاحسن استغفر الله العظيم
بعد يومين ف شركة كارمن كارمن ف مكتبها وفجأة يدخل زوهير ب كل عصبية
زوهير ب انفعال ي بنت الكلب ي
تتخض كارمن وتقوم تقف
كارمن في ايه
زوهير وهو بيضربها بالقلم بتخونينيييي
كارمن اااه
زوهير بټخونيني ي بنت ال
كارمن ب عياط خنتك ايه انا مخنتكش
زوهير ي كدابة ي
يمسكها من شعرها ويجرجرها ع برة وسط الموظفين والعملاء
زوهير وحيات امي م هسيبك انهاردة
كارمن ب صړيخ سيبنيييييي
يطلع بيها برة الشركة
زوهير وهو بيزقها ع البادي جارد بتاعه ع البيييييت
يركبها البادي جارد العربية ويركب زوهير عربية تانية ويمشوا يوصلوا البيت يدخل زوهير الڤيلا والبادي جارد وراه ب كارمن يقعد زوهير ويرموها تحت رجله
كارمن ب عياط انا عملت ايه بس
يشاور ل البادي جارد يديله لاب توب يطلع زوهير من جيبه فلاشة شهاب ويحطها ع اللاب ويفتح الڤيديوهات
زوهير وهو بيوريها الڤيديو دة الي عملتيه ي روح امك
تترعب كارمن
زوهير بتلعبي من ورايا ي كارمن انا يتلعب من ورايا ورحمة امك ل هندمك ع اليوم الي عرفتيني فيه وهسجنك وربي هسجنك
فلاش باااااك
من يومين يرجع زوهير مصر زوهير ف مكتبه تدخله السكرتيرة ظرف يفتحه يلاقي فيه فلاشة ورقم فون يستغرب يتصل ب رقم الفون
زوهير الو لو سمحت انا جالي ظرف فيه فلاشة والرقم دة مين حضرتك وايه الفلاشة دي !!!!
شهاب دة فيلم ثقافي كدة للمدام
زوهير نعم !!!!
شهاب افتح الفلاشة واتفرج وبعدها كلمني
يقفل شهاب يستغرب زوهير يحط الفلاشة ف اللاب بتاعه ويشغلها يشوف الڤيديوهات ېتصدم
زوهير ي بنت ال
يمسك الفون بسرعة ويتصل ب شهاب
زوهير انت مين وجيبت الحجات دي منين
شهاب اعتبرني فاعل خير ومش مهم جبتها منين المهم اني عندي منها نسخة تانية وممكن اوي النسخة دي تقع ف ايد حد كدة ولا كدة او تنتشر ويتفرجوا عليها كل صحابك وعيلتك وبالذات مرتك الاولانية دي هتشمت فيك شماتة
زوهير ب خوف لا لا لا الحجات دي مينفعش تقع ف ايد اي حد الي تطلبه هعملهولك انا مش عاوز فضايح
شهاب 100 مليون جنيه
زوهير كااام !!!!!!
شهاب مبعيدش كلامي مرتين
زوهير طيب حاضر هديك الي انت عاوزه
باااااااك
ف المطار واقف شهاب بيمضي جواز سفره ل دبي يمضيه وف طريقه ل طيارته يبتسم تعدي الايام والشهور وشهاب يفتح شركة ادوات تجميل وبرفان ويعمل براند خاصة بيه ويبقا من اهم رجال الاعمال ف دبي
بعد سنتين
ف شركة شهاب ف مكتبه قاعد شهاب وقصاده قاعدة بنت
جنى انا متفائلة بيكوا شركتكوا عملت اسم وبراند ف وقت قصير جدا وبصراحة مش هلاقي افضل منها نتعامل معاها
شهاب ان شاء الله نكون تحت حسن ظنك
الحلقة الثامنة والعشرون ٢٨
يتفتح الباب مرة واحدة
مريام ب صوت عالي صباحووووو
نوقف لحظة مريام بنت جميلة بشرتها بيضة عيونها بني شعرها قصير جدا يشبه شعر الولاد قصيرة ورفيعة جسمها رياضي عندها ٢٠ سنة ستايلها دايما كاچوال متقولش ستايل بنت ابدا من عيلة كويسة تبقا البيست فريند بتاعت شهاب صحاب جدا نرجع تاني
مريام انت معاك حد
شهاب مش قلنا نخبط ع الباب
مريام احم سوري انااا هقعد هنا مش هعمل صوت
تقعد مريام ع الكنبة
جنى وهي بتقوم طيب امشي انا بقا
شهاب وهو بيمدلها ايده اتشرفت ب معرفتك
جنى وانا كمان
تمشي جنى
شهاب هتفضلي متخلفة كدة كتير !
مريام ليه ي عم بصبح عليك
شهاب وهو بيقعد صباحك خرة ع دماغك
مريام الله يخليك
شهاب يلا ع شغلك
مريام انت ليه بقيت بتعاملني ب جفاف كدة فاكر اول مقابلة لينا ي حصبوا
شهاب كانت معرفة سودة جبت لنفسي ۏجع الدماغ والله
مريام تشكر ي شبح الا قولي صحيح انت شايل سلاح ليه !!!!!
شهاب خليكي ف حالك
مريام طب كان مين المزة دي ي عم الحبوووب
شهاب وانتي مال اهلك
مريام ايوة افتكرت مش دي الي كانت ف اجتماع امبارح
شهاب انا لسة شاتمك ع فكرة
مريام ايدا بجد
شهاب اه وربنا
مريام طب بقولك ايه
شهاب ي نعم
مريام انا عاوزة مكافأة
شهاب مكافأة ايه !!
مريام مكافأة ع شغلي فلوس يعني
شهاب وحيات امك شغل ايه دة انتي بتقعدي ف مكتبي اكتر م بتشتغلي
مريام ي عم متحبكهاش بقا عاوزة اعمل بيرسينج ف حواجبي
شهاب الهي تتشلي ف حواجبك هو انا فاتحها تكية كل م تتزنقي ف حاجة تيجي تقوليلي انا انتي معندكيش اهل يسألوا عليكي ي مريام !!!
مريام انت عاوزني اقول ل ابويا هات فلوس اعمل بيرسينج دة كان ياكلني فيها كفاية اما بيشوفني بيستعيز م الشيطان
شهاب ههههه الراجل عنده حق مهو م الي انتي مهبباه ف وشك دة حد يحط روچ اسود !!!!
مريام دة كحلي ع فكرة وبعدين انا بعمل كدة عشان اطفش العرسان
شهاب هما فين العرسان دول انا من ساعة م عرفتك مشفتش كلب عبرك غير بهاء دة الي طفشتيه وبعدين شيلي كل القرف الي ف وشك دة وهما هيطفشوا لوحديهم
مريام اخس عليك بقا انا مفيش كلب معبرني
شهاب اه
مريام ماشي سيبنالك انت الحب ي كازانوڤا
يفتكر شهاب فاطمة قلبه يوجعه
مريام المهم هتديني المكافأة ولا اروح انحرف عشان الفين جنيه حق البيرسنج
شهاب روحي ي مريام
مريام انحرف
شهاب خدي ام المكافأة
مريام اه اشطااا شكراااااااااان
تمشي خطوة وترجع تاني مرة واحدة تقرب تسند ع المكتب قصاد شهاب قريبة اوي تخضة
شهاب ايه ي بنت الهبلة
مريام بالمناسبة السعيدة دي بقا هعزمك بالليل ع العشا ف مكان فشيخ لسة عرفاه امبارح
شهاب اتحفيني
مريام ع حسابك هااا
شهاب وكدة عزومة !!!
مريام
ايوة انا اختار المكان وانت تدفع ليلا القاك
تمشي مريام يتنهد شهاب ب نفس طويل ويمسك الفون يفتح صور فاطمة ف بيت فاطمة فاطمة وهند واسراء قاعدين سوا
فاطمة طب هو قالك ايه يعني
هند بيلمحلي بس كلامه واضح اوي
اسراء طب وايه المشكلة مروان انسان كويس ومن عيلة كويسة
هند بس انا وهو بينا شغل وزي الاخوات وصحاب مش حابة يكون في بينا اكتر من كدة
فاطمة وليه ي هند مدام بني ادم محترم !!
هند مش عارفة بس خاېفة ومش حابة يكون في بينا كدة
فاطمة طب جربي يمكن ترتاحي
اسراء ايوة ولو مرتحتيش ابعدي
هند بعد م اعلقوا بيا
فاطمة هو كدة كدة متعلق ف انتي مش هتذودي حاجة دة عشان نفسك مش عشانه
تسكت هند بتفكر ييجي الليل يرن فون شهاب وهو نازل م الشركة
شهاب ايه
مريام تاك اوة يلا انا مستنياك تحت
شهاب اهدي عليا نازل اهو
مريام انجز ي عم انا
يقفل ف وشها
شهاب رغاية
ينزل شهاب ل مريام
مريام بتقفل ف وشي ي قليل الزوق ي عديم الادب
شهاب ههههههه عديم الادب
مريام ب ضحك ايه الي انا بقوله دة
شهاب اركبي يلا اركبي
يركبوا متوسيكلاتهم
مريام امشي ورايا
شهاب وهو بيمشي مبمشيش ورا الحريم
يطلع قدامها تبتسم مريام وتسابقه ويفضلوا يسابقوا بعض فاطمة ف المحل يدخل هيثم
هيثم فاطمة
تبصله
هيثم عاوز اتكلم معاكي
فاطمة نعم
هيثم انا عاوز اتجوزك
تتفاجئ فاطمة
هيثم انتي عارفة اني بحبك وكنت من قبل م شهاب يتقدملك كنت هتقدملك والله بس ملحقتش ولما سيبتيه حاولت كتير اتكلم معاكي مدتنيش فرصة ف قلت سيبها تنسى اظن عدى وقت كافي انك تنسي فيه
فاطمة انسى ايه !
هيثم تنسي شهاب
فاطمة وانت فاكر ان النسيان بالوقت مين قال كدة عمر النسيان م كان بالوقت في ناس كتير اوي غالية علينا وفارقتنا وعدت وسنين ومنسينهاش ف متقوليش سيبتك تنسي هو اه بالنسبالي مېت بس عمري م هنساه انا مبعرفش انسى حتى النسيان ملهوش محاولة هو حاجة كدة ۏجع صغير جواك بيفضل موجود كل م تفتكر وانا مش هبطل افتكر ف ولا انفعك ولا انفع غيرك مهما عدى عليا وقت ومهما فاتت سنين انا هفضل كدة واقفة مكاني ي هيثم
هيثم بس انا عاوزك ي فاطمة وبحبك
فاطمة صدقني لما تقرب مني هتكرهني
هيثم انا مستحيل اكرهك
فاطمة لا هتكرهني لما اتعامل معاك ب برود وانعدام مشاعر هتكرهني ومش عشان انت هيثم دة عشان مبقاش في حاجة جوايا
